ខេត្តកំពង់ស្ពឺ÷ដោយមានការចង្អុលបង្ហាញពីលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺលោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ បានដឹកនាំកំលាំងជំនាញដោយផ្ទាល់ ប្រមាញ់តាមចាប់ខ្លួនមុខសញ្ញាលួចម៉ូតូទាំងកណ្តាលយប់ ក្រោយទទួលបានពាក្យបណ្តឹងពីជនរងគ្រោះ និងឈានទៅឃាត់ខ្លួនមុខសញ្ញាសង្ស័យដែលបានធ្វេីសកម្មភាពលួចម៉ូតូបាន៣នាក់ រួមមាន÷
១.ឈ្មោះ រ៉ា ថៃស៉ីង ភេទប្រុស អាយុ២៦ឆ្នាំ រស់នៅភូមិក្រាំងអារីយ៍ ឃុំភ្នំតូច ស្រុកសាមគ្គីមុនីជ័យ,២.ឈ្មោះ យ៉ុន សុខរី ភេទប្រុស អាយុ២៧ឆ្នាំ រស់នៅភូមិឬស្សីក្រាំងឃុំឡូកផាក់ស្រុកមោងឬស្សី ខេត្តបាត់ដំបង និង ៣.ឈ្មោះ អ៊ូច រាំបូ ភេទប្រុស អាយុ២៥ឆ្នាំ រស់នៅភូមិត្រពាំងទូក ឃុំភ្នំតូច ស្រុកសាមគ្គីមុនីជ័យ។
នៅក្នុងប្រតិបត្តិការនេះសមត្ថកិច្ច ដកហូតសម្ភារះវត្ថុតាងរួមមាន÷ ម៉ូតូចំនួន០២គ្រឿង ម៉ាកC125ពណ៌ខ្មៅ អត់កាបាំង គ្មានស្លាកលេខ១គ្រឿង និង១គ្រឿងទៀត ម៉ាកC125 សេរីឆ្នាំ២០១៥ ពណ៌សពាក់ស្លាកលេខ កណ្ដាល 1G-9160_១គ្រឿង,កាបាំងម៉ូតូ១គូរ,ស្លាកលេខម៉ូតូ១សន្លឹក,ទូរស័ព្ទ ម៉ាកOPPO ពណ៌ខៀវ ០១គ្រឿង។
ក្នុងកិច្ចប្រតិបត្តិការខាងលេី មានការចូលរួមសហការពីកំលាំងអធិការដ្ឋាននគរបាលស្រុកសំរោងទង,កំលាំងអធិការដ្ឋាននគរបាលស្រុកអង្គស្នួល ខេត្តកណ្តាល និងកំលាំងអធិការដ្ឋាននគរបាលខណ្ឌកំបូល រាជធានីភ្នំពេញ ទេីបធ្វេីឱ្យដំណេីរការប្រតិបត្តិការដំណេីរការបានល្អប្រសេីរ។
បច្ចុប្បន្នមុខសញ្ញាសង្ស័យទាំង៣នាក់ រួមទាំងវត្ថុតាង កំពុងកសាងសុំណុំរឿង បញ្ជូនទៅស្នងការដ្ឋាននគរបាលខេត្តកំពង់ស្ពឺ ដេីម្បីចាត់ការតាមនិតិវិធី៕
