ខេត្តបាត់ដំបង ៖ ឆ្លងចរន្តអាគុយសូឡាបង្កជាអគ្គិភ័យបណ្តាលឲ្យឆេះផ្ទះ០១ខ្នងទាំងស្រុងនៅវេលាម៉ោង ១១ និង២០នាទី ថ្ងៃទី១៣ ខែកក្កដា ឆ្នាំ២០២៥ នៅចំណុច (អណ្តូង២)ស្ថិតក្នុងភូមិ​ភ្នំប្រាំពីរ ឃុំ​បួរ​ ស្រុកភ្នំព្រឹក​ ​ខេត្ត​បាត់ដំបង​ ។

ករណីអគ្គិភ័យខាងលើនេះដែរបានបណ្ដាលឲ្យឆេះផ្ទះ ១ខ្នង ទំហំ ៤ម៉ែត្រX៥ម៉ែត្រសង់អំពីឈើ ដំបូលស័ង្កសី ជញ្ចាំងកន្ទាំឫស្សី ឆេះអស់ទាំងស្រុ រួមជាមួយសម្ភារៈ, ម៉ាស៊ីនបាញ់ថ្នាំ ២គ្រឿង ,ស្រូវពូជ១០បាវ ,ម៉ាសុីនសាំង ២គ្រឿង , ទូរស័ព្ទ២គ្រឿង និងសម្ភារះប្រេីប្រាស់មួយ ចំនួន សរុបជាទឹកប្រាក់ប្រហែល ៣,៨០០,០០០ រៀលដែលមានម្ចាស់​ឈ្មោះ​ សុខ សុខុម ភេទប្រុស​ អាយុ៧២ ឆ្នាំមានទីលំនៅភូមិ​ភ្នំប្រាំពីរស្រុកភ្នំព្រឹក​ខេត្តបាត់ដំបង។

នៅក្នុងហេតុការណ៍គ្រោះអគ្គិភ័យនេះដែរ សមត្ថកិច្ចមិនបានចេញរថយន្តពន្លត់អគ្គីភ័យដើម្បីចុះជួយពន្លត់នោះទេ ដោយសារទទួលបានពត៌មានយឺត៕