ក្រោយសកម្មភាពស្រែកឡោឡានិងលើកស្លាកបដាថារារាំងកិច្ចប្រជុំសំខាន់នៅក្នុងសភាតំណាងរាស្ត្រក្រុមប្រឆាំនិងឥណ្ឌា២៥រូបត្រូវផ្អាកការងាជាបណ្តោះអាសន្ន ។
ប្រធានរដ្ឋសភាឥណ្ឌាលោកស្រី Sumitra Mahajan កាលពីថ្ងៃទី៣ខែសីហាបានប្រកាសថា តំណាងរាស្ត្រ២៥រូបមកពីបក្សប្រឆាំងត្រូវផ្អាកការងារយៈពេល៥ថ្ងៃ ដោយសារតែរារាំងសកម្មភាពរបស់រដ្ឋសភា។
សកម្មភាពប្រឆាំងរបស់តំណាងរាស្ត្រទាំងនោះធ្វើឲ្យសភាទាំងមូលមិនអាចដំណើរការបានតាំងពីដើមខែកក្កដាមកទល់ពេលនេះ ដោយរាល់ពេលប្រជុំបក្សប្រឆាំងតែងតែអ៊ុកឡុកជានិច្ច។ បក្សប្រឆាំងបានរារាំងការអនុម័តច្បាប់សេដ្ឋកិច្ច ដ៏សំខាន់ក្នុងកិច្ចប្រជុំលើកនេះតែត្រូវរារាំងដោយដំណាងរាស្ត្រមួយក្រុម។
មុនពេលសម្រេចផ្អាក់ការងាររបស់តំណាងរាស្ត្រទាំងនោះ ប្រធានរដ្ឋសភាលោកស្រីSumitra Mahajan បានខិតខំដឹកនាំកិច្ចប្រជុំទាំងមានសម្លែងស្រែកឡោឡា។នៅកន្លែងកិច្ចប្រជុំសភានាថ្ងៃទី៣ខែសីហាបណ្តាលឲ្យដំណាងរាស្ត្រមិនអាចអនុម័តសេចក្តីសម្រេចណាមួយនោះឡើយដោយសារតែការរំខាន។តែទីបំផុតក៏មិនអាចពប្រព្រឹត្តទៅបានដោយជោគជ័យទើបបង្ខំឲ្យផ្អាកការងារបស់តំណាងរាស្ត្រដែលចេះតែអ៊ុកឡុកសភាប្រជុំនេះ។
ចំពោះហេតុការខាងលើមេដឹកនាំបក្សប្រឆាំងលោក Rajeev Shukla និយាយទៅកាន់ក្រុមអ្នកសារព័ត៌មានថា សកម្មភាពខាងលើជាសកម្មភាពរំលោភបំពានសិទ្ធិប្រជាធិបតេយ្យមិនធ្លាប់មានរយៈពេល២ទស្សវត្តកន្លងមក។ ជាមួយគ្នានេះដំណាងរាស្ត្របក្សតូចៗពីរទៀតក៏ប្រកាសថានឹងមិនចូលរួមរាល់កិច្ចប្រជុំដែលប្រព្រឹត្តទៅក្នុងរយៈពេល៥ថ្ងៃនេះដូចគ្នា ដើម្បីបង្ហាញពីសមគ្គីភាពរបស់បក្សប្រឆាំង ៕
