ខេត្តបន្ទាយមានជ័យ៖ ប្រជាពលរដ្ឋខ្មែរជាង១០០នាក់ ដែលអត់មានឯកសារគ្រប់គ្រាន់ជាប់គាំងនៅខាងភាគីថៃ
នៅម៉ោង៨និង៥នាទីយប់ថ្ងៃទី២៧ខែកក្កដាឆ្នាំ២០២៥នេះ ត្រូវមន្ត្រីជំនាញច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ បានធ្វើការសម្របសម្រួលជាមួយភាគីថៃ ឱ្យចូលមកប្រទេសរបស់ខ្លួនវិញហើយ។
បើតាមការបញ្ជាក់ពីមន្ត្រីច្រកទ្វារខាងលើ បានឱ្យដឹងថា ចំពោះពលករទាំងអស់នេះ ពេលមកដល់ប្រទេសរបស់ខ្លួនវិញនៅមាត់ច្រកទ្វារព្រំដែនអន្តរជាតិប៉ោយប៉ែត ត្រូវបាន លោកអភិបាលខេត្តបន្ទាយមានជ័យ រៀបចំរថយន្តប្រមាណជា ៣ទៅ៤គ្រឿង សម្រាប់ដឹកជញ្ជូនពួកគាត់ទាំងយប់ ដើម្បីបន្តទៅស្រុកកំណើតរៀងៗខ្លួន។
ប្រភពដដែលបន្តថា រាល់ពលរដ្ឋដែលវិលចូលមកប្រទេសរបស់ខ្លួនវិញ គឺមន្ត្រីជំនាញរបស់រដ្ឋបាលខេត្តបន្ទាយមានជ័យ សហការជាមួយរដ្ឋបាលក្រុងប៉ោយប៉ែត ជូនពួកគាត់ទៅដល់គោលដៅតាមបណ្ដាខេត្តរបស់ពួកគាត់នីមួយៗ៕ដោយ៖វណ្ណា
