ភ្នំពេញ៖ បុរសម្នាក់បានជិះម៉ូតូលឿនមិនប្រយ័ត្នក៏ជ្រុលទៅបុកខឿនចែកទ្រូងផ្លូវបណ្តាលឲ្យរងរបួសធ្ងន់ត្រូវបានកងសង្គ្រោះបន្ទាន់៧១១កងពលតូចលេខ៧០ដឹកយកទៅមន្ទីរពេទ្យ។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីយប់ ថ្ងៃទី៣១ ខែកក្កដា ឆ្នាំ២០២៥ នៅតាមផ្លូវជាតិលេខ៣ ភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ។
ជនរងគ្រោះមានឈ្មោះ ឡាក់ វិញ្ញាណ ភេទប្រុស អាយុ៣២ឆ្នាំ រងរបួសបាក់ជេីងទាំងសងខាង មានទីលំនៅរស់នៅ ភូមិព្រែកតាផ ឃុំគោកធ្លក ស្រុកអង្គរបុរី ខេត្តតាកែវ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូហុងដា ពណ៌ខ្មៅ ធ្វេីដំណេីរតាមបណ្តោយផ្លូវជាតិលខ៣ ក្នុងទិសដៅពីត្បូងទៅជេីងលឿនខណៈមកដល់ចំណុចកេីតហេតុស្រាប់តែរេចង្កូតមកបុកខឿនសួនច្បារពុះចែកទ្រូងផ្លូវបណ្តាលឲ្យដួលរងរបួសធ្ងន់បាក់ជេីងទាំងសងខាង។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ចំណែកម៉ូតូត្រូវបានសមត្ថកិច្ចយកទៅរក្សាទុកបណ្តោះអាសន្ន៕
ដោយ៖សុខាសែនជ័យ
