ភ្នំពេញ៖ បុរសម្នាក់ជិះម៉ូតូឆ្លងផ្លូវចេញពីចាកសាំង ត្រូវរថយន្តសណ្តោងកុងតឺន័របេីកបុកពេញទំហឹងបណ្ដាលឲ្យអ្នកបើកម៉ូតូស្លាប់ ចំណែករថយន្តបេីកគេចបាត់ ។
ហេតុការណ៍នេះបានកើតឡើងនៅវម៉ោង១០និង៣០យប់ថ្ងៃទី១៧ខែសីហា២០២៥ នៅតាមមហាវិថីឈ្នះឈ្នះ សង្កាត់សំរោងក្រោម ខណ្ឌពោធិសែនជ័យ ។
សមត្ថកិច្ចបានឲ្យដឹងថាសពជនរងគ្រោះមានឈ្មោះ សុង ចាវ អាយុ 30ឆ្នាំមុខរបរ ជាងជួសជុលម៉ូតូ ស្នាក់នៅម្តុំភ្នំបាសិត ខេត្តកណ្តាល មានស្រុកកំណើត ភូមិគកធំ ឃុំព្រៃស្រឡិត ស្រុកពារាំង ខេត្តព្រៃវែង ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកេីតហេតុ គេបានឃើញបុរសជនរងគ្រោះបានជិះម៉ូតូម៉ាក ហុងដា អ៊ែរប្លែក ពណ៌ខ្មៅ ពាក់ស្លាកលេខ ភ្នំពេញ 1AM 5102 បានជិះចេញពីចាក់សាំង បើកឆ្លងកាត់ទទឹងផ្លូវ ស្រាប់តែត្រូវរថយន្តសណ្តោងកុងតឺន័រ មិនស្គាល់ម៉ាកនិងស្លាកលេខ បានបេីកធ្វើដំណើរតាមបណ្ដោយមហាវិថីឈ្នះឈ្នះ ទិសដៅពីជេីងទៅត្បូងជ្រុលទៅបុកម៉ូតូពេញទំហឹង បណ្ដាលឲ្យខ្ទាតទាំងម៉ូតូនិងមនុស្សប្រហែល២០ម៉ែត្រ បណ្ដាលឲ្យជនរងគ្រោះស្លាប់នៅកន្លែងកើតហេតុ ចំនែករថយន្តវិញបានបេីកទៅមុខរត់គេចបាត់ស្រមោល ។
បន្ទាប់ពីកេីតហេតុ សមត្ថកិច្ចជំនាញបានធ្វើលិខិតប្រគល់សពអោយសាច់ញាតិយកទៅធ្វើបុណ្យតាមប្រពៃណី ចំនែកម៉ូតូសមត្ថកិច្ចវាស់វែងយកទៅរក្សាទុកដេីម្បីស្រាវជ្រាវរករថយន្តបង្កមកទទួលខុសត្រូវផងដែរ ៕
ដោយ៖ ជ្រោយពេជ្រ
