ភ្នំពេញ៖ បុរសជនជាតិចិនម្នាក់បេីករថយន្ដ គេចពីឡាំប្រឺតាក៏ជ្រុលចង្កូតទៅបុកឡេីងខឿនច្បារពុះចែកទ្រូងផ្លូវបណ្តាលឱ្យរងការខូចខាត។ ហេតុការណ៍នេះបានកេីតឡេីងកាលពីវេលាម៉ោង១:៤៥នាទី រំលងអធ្រាត្រឈានចូល ថ្ងៃទី២០ ខែសីហា ឆ្នាំ២០២៥ ស្ថិតតាមបណ្ដោយផ្លូវវេងស្រេង កែងផ្លូវ៥០ម៉ែត្រ(ស្តុបទួលពង្រ) សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសជនជាតិចិនម្នាក់បានបេីករថយន្តAlphat ពណ៌ខ្មៅ
ពាក់ផ្លាកលេខ កម្ពុជា HLH.9680 បេីកគេចពីឡាំប្រឺតាមួយគ្រឿង ក៏បានជ្រុលបុកឡេីងខឿនសួនច្បារពុះចែកផ្លូវបណ្ដាលឱ្យរងការខូចខាត តែមិនមានមនុស្សរងរបួសនោះទេ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត ទៅរក្សាទុករង់ចាំការដោះស្រាយនៅពេលក្រោយ៕
ដោយ៖សុខាសែនជ័យ
