ខេត្តកំពង់ស្ពឺ៖ អនុវត្ដតាមការដឹកនាំបញ្ជាពីលោកឧត្ដម សេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ នៅថ្ងៃព្រហស្បតិ៍ ១២រោច ខែស្រាពណ៍ ឆ្នាំ ម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២១ ខែ សីហា ឆ្នាំ២០២៥ នគរបាលទទួលបានព័ត៌មានពីមហាជនថា នៅចំនុចផ្ទះមួយកន្លែងម្ចាស់ទុកចោល ស្ថិតនៅព្រៃក្រសាំង ឃុំព្រៃក្រសាំង ស្រុកសាមគ្គីមុនីជ័យ ជារៀងរាល់ថៃ្ងតែងតែឃេីញមានមុខសញ្ញាសង្ស័យចេញ-ចូល អ្នកទាំងនោះអាចជាប់ពាក់ព័ន្ធនឹងការប្រេីប្រាស់គ្រឿងញៀន ។
ដោយទទួលបានការដឹកនាំពីលោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ កំលាំងផ្នែកប្រឆាំងគ្រឿងញៀនស្រុកបានចុះស៊េីបបញ្ជាក់និង
កំណត់បានមុខសញ្ញារហូតឈានទៅឃាត់បានមុខ សញ្ញាសង្ស័យជាក់ស្តែងចំនួន៣នាក់ ៖
១-ឈ្មោះ អាង សុខាក់ ភេទប្រុស អាយុ៤២ ឆ្នាំ,២- បុល សុខា ភេទប្រុស អាយុ២៨ឆ្នាំ,៣-លី វល័ក្ខ ភេទ ប្រុស អាយុ២៧ឆ្នាំ រស់នៅក្នុងភូមិត្រពាំងមាន ឃុំក្រាំងចេក ស្រុកសាមគ្គីមុនីជ័យ ដោយបានរកឃេីញម្សៅក្រាមពណ៍សសង្ស័យជាគ្រឿងញៀនចំនួន៣កញ្ចប់តូច, ទូរស័ព្ទដៃ១គ្រឿង, ម៉ូតូចំនួន១គ្រឿង, ឧបករណ៍កែច្នៃសំរាប់ប្រេីប្រាស់គ្រឿងញៀនមួយចំនួន។
ដោយទទួលបានការអនុញ្ញាតនិងសម្របសម្រួលនីតិវិធី ពីអយ្យការ សមត្ថកិច្ចបន្ដឈានទៅឃាត់ឈ្មោះ ចន តាក់ ភេទប្រុស អាយុ ៣៣ឆ្នាំ នៅភូមិត្រពាំងមាន ឃុំក្រាំងចេក ស្រុកសាមគ្គីមុនីជ័យ និងមុខសញ្ញាសង្ស័យចំនួន២នាក់បន្ថែមទៀត១.ឈ្មោះ ចន សុខរ៉ា ភេទប្រុស អាយុ ១៧ឆ្នាំ និង២.ឈ្មោះ សៀម ខាវ (ចូ) ភេទប្រុស អាយុ២៦ឆ្នាំ នៅភូមិគោកចារ ឃុំព្រៃក្រសាំង ស្រុកសាមគ្គីមុនីជ័យ ខេត្ដកំពង់ស្ពឺ ពិនិត្យរកឃេីញ ម្សៅក្រាមពណ៌សថ្លាសង្ស័យជាគ្រឿងញៀនចំនួន៤៣កញ្ចប់, ទូរស័ព្ទដៃចំនួន៣គ្រឿង,ដាវចំនួន១ដេីម, កាំភ្លេីងកែច្នៃប្រេីខ្យល់ចំនួន២ដេីម,ឧបករណ៍កែច្នៃសំរាប់ប្រេីប្រាស់គ្រឿងញៀនមួយចំនួន។
ក្រោយប្រតិបត្ដិការ និងចម្លេីយរបស់ក្រុមជនសង្ស័យរួមនិងវត្ថុតាងដែលរកឃេីញ សមត្ថកិច្ចនគរបាលស្រុកបន្ដ កសាងសំណុំរឿងបញ្ជូនទៅការិយាល័យនៃស្នងការដ្ឋាននគរបាលខេត្ដ ដេីម្បីដំណេីរការតាមនីតិវិធីជំនាញ៕
