ភ្នំពេញ៖ រថយន្តតាក់ស៊ីwownow បេីកឆ្លងផ្លូវត្រូវរថយន្តTACOMA បេីកផ្លូវត្រង់ជ្រុលទៅបុករងការខូចខាតតិចតួច ភាគីទាំងសងខាងប្រកែកតឹងសរសៃកដាក់គ្នាទៅវិញទៅមក ។
ហេតុការណ៍នេះបានកេីតឡើងនៅម៉ោង១០និង៤០នាទីយប់ ថ្ងៃទី៤ ខែកញ្ញា ឆ្នាំ២០២៥ នៅតាមផ្លូវសហព័ន្ធរុស្ស៊ី ទល់មុខព្រលានយន្តហោះអន្តរជាតិភ្នំពេញ កែងផ្លូវបេតុង សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ប្រភពព័ត៌មានបានឲ្យដឹងថា មុនពេលកេីតហេតុគេបានឃើញបុរសម្នាក់បានបេីករថយន្តតាក់ស៊ីរបស់ក្រុមហ៊ុន wow now ពាក់ស្លាកលេខ ភ្នំពេញ2CB-2062 ធ្វើដំណើរតាមបណ្ដោយផ្លូវបេតុងក្នុងទិសដៅពីជេីងទៅត្បូង លុះមកដល់ចំណុចកេីតហេតុ បានបេីកឆ្លងផ្លូវ ស្រាប់តែមានបុរសម្នាក់បានបេីករថយន្ដ TOYOTA TACOMA ពាក់ផ្លាកលេខ ភ្នំពេញ 2BT-0537 ធ្វើដំណើរតាមបណ្ដោយផ្លូវសហព័ន្ធរុស្ស៊ី ក្នុងទិសដៅពីលិចទៅកេីត ជ្រុលទៅបុករថយន្ត តាក់ស៊ីwow now ក្រពឹតកាងមុខចំហៀងខាងឆ្វេង។ ក្រោយកើតហេតុភាគីខាងរថយន្តTACOMA បានចុះពីលើរថយន្តទាំងស្ថានភាពស្រវឹង និយាយរាងសំដីធ្ងន់ៗទៅលើខាងរថយន្តតាក់ស៊ី ហើយខាងរថយន្តតាក់ស៊ី តបទៅវិញតិចតួច ថែមទាំងទារសំណងខូចខាតចំនួន២០០ដុល្លារថែមទៀតផង ។
បន្ទាប់ពីកេីតហេតុ ភាគីទាំងសងខាងសម្របសម្រួលគ្នាមិនត្រូវ ទើបសមត្ថកិច្ចជំនាញចរាចរណ៍ធ្វើការវាស់វែងយករថយន្តទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ រង់ចាំដោះស្រាយគ្នានៅពេលក្រោយ៕
ដោយ៖ ជ្រោយពេជ្រ
