ខេត្តកំពង់ស្ពឺ៖ ដដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងប្រសាសន៍ណែនាំបណ្ឌិតអភិបាលខេត្ដកំពង់ស្ពឺ នៅរសៀលថ្ងៃសៅរ៍ ៦រោច ខែភទ្របទ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៣ ខែកញ្ញា ឆ្នាំ២០២៥នេះ លោកវរសេនីយ៍ឯក ចន សុភីត អធិការនគរបាលស្រុកបសេដ្ឋ ក្រោយទទួលបានព័ត៌មានលេីករណីក្មេងទំនេីងបង្ហោះម៉ូតូតាមបណ្ដោយផ្លូវជាតិលេខ ៤១ ក្នុងភូមិសាស្រ្ដស្រុកបសេដ្ឋ បានចាត់កំលាំងនគរបាលស្រាវជ្រាវនិងឈានទៅកំណត់បានមុខសញ្ញាក្មេងទំនេីងម្នាក់ចំណោមបក្ខពួកឈ្មោះ សឿន ចិត្រា ភេទប្រុស អាយុ១៧ឆ្នាំមុខរបរសិស្ស រស់នៅភូមិត្រពាំងឈើនាង ឃុំមហាឫស្សី ស្រុកគងពីសី ខេត្ដកំពង់ស្ពឺ ។
តាមការឲ្យដឹងពីលោកអធិការស្រុកបញ្ជាក់ថាក្មេងទំនេីងខាងលេីមានបក្ខពួកច្រេីននាក់បានធ្វេីការបង្ហោះម៉ូតូកាលពីថ្ងៃទី៨ កញ្ញា ២០២៥ វេលាម៉ោង១៤.៤៥នាទី លើផ្លូវជាតិលេខ៤១ ចន្លោះគីឡូម៉ែត្រលេខ៣៧.៣៨ ស្ថិតក្នុងភូមិព្រៃគោកត្រប ឃុំបសេដ្ឋ ស្រុកបសេដ្ឋ ខេត្តកំពង់ស្ពឺ ម៉ូតូម៉ាកហុងដាC125 ពណ៌ខ្មៅ ផ្លាកលេខ ភ្នំពេញ 1KY-2550 ១គ្រឿងឌុបគ្នាធ្វើសកម្មភាពបង្ហោះម៉ូតូ ។
បច្ចុប្បន្នសមត្ថកិច្ចបាននាំយកមកកាន់ អធិការដ្ឋាននគរបាលស្រុកបសេដ្ឋដេីម្បីធ្វេីកិច្ចសន្យានិងកោសក់ប្រគល់ជូនអាណាព្យាបាលគ្រប់គ្រង រីឯមធ្យោបាយម៉ូតូបានរក្សាទុករយៈពេល៩០ថៃ្ង ជាលេីកទី១៕
