ខេត្តរតនគិរី៖ រថយន្ដដែលរកសុីដឹកជ័រកៅស៊ូស្អុយធ្វើអាជីវកម្មហើយមិនបានវេចខ្ចប់ឱ្យបានត្រឹមត្រូវនោះ ពេលនេះប្រជាពលរដ្ឋរស់នៅតាមបណ្ដោយផ្លូវជាតិលេខ៧៨ក៏ដូចជាពលរដ្ឋរស់នៅក្នុងក្រុងបានលុងផងដែរបានសំណូមពរយ៉ាងទទូចសុំឱ្យប្រធានមន្ទីរសាធារណការនិងដឹកជញ្ជូននិងអាជ្ញាធរខេត្ដរតនគិរីមានវិធានការផ្លូវច្បាប់ទៅលើម្ចាស់រថយន្តទាំងនោះ។ ការលើកឡើងនិងសំណូមពរបែបនេះដោយសារមានអ្នករកស៊ីដឹកជ័រកៅស៊ូស្អុយមួយចំនួនទៅលក់នៅខេត្តក្រោមៗដោយឆ្លងកាត់ទីប្រជុំជនក្រុងបានលុងញឹកញាប់ពុំបានវេចខ្ចប់ឱ្យបានត្រឹមត្រូវ។ ការដឹកជញ្ជូននោះធ្វើឱ្យទឹកជ័រស្អុយហូរស្រោចប្រឡាក់ពេញផ្លូវជាតិលេខ៧៨ស្ទើរគ្រប់ទីកន្លែងដែលឆ្លងកាត់បណ្ដាលឱ្យប៉ះពាល់ដល់ផ្លូវដង្ហើមពួកគាត់។ ជាក់ស្ដែងនៅថ្ងៃទី២១ខែសីហាឆ្នាំ២០២៣នេះមានរថយន្ដធំខ្នាតយក្សមួយគ្រឿងពាក់ស្លាកលេខកំពង់ចាម 3A-1265 ដឹកជ័រកៅស៊ូស្អុយពេញព្រៀបបើកចេញពីស្រុកបរកែវឆ្ពោះទៅខេត្ដត្បូងឃ្មុំ តែគេពុំបានវេចខ្ចប់ជ័រទៅតាមកាណែនាំរបស់មន្ត្រីជំនាញនោះទេ ធ្វើឱ្យហូរទឹកស្អុយស្រោចស្រពពេញផ្លូវជាតិលេខ៧៨ … អានបន្ថែម ប្រជាពលរដ្ឋសំណូមពរឱ្យអាជ្ញាធរខេត្តរតនគិរីមានវិធានការផ្លូវច្បាប់លើរថយន្តដឹកជ័រកៅស៊ូស្អុយហូរទឹកប្រឡាក់ផ្លូវ