ក្លិប Barcelona នឹងមិនមានខ្សែបម្រើ Philippe Coutinhoរយៈពេល៨ទៅ១០ សប្តាហ៍បន្ទាប់ពីការធ្វើតេស្តកាលពីថ្ងៃពុធកន្លងទៅបានបង្ហាញថា កីឡាករប្រេស៊ីលរូបនេះបានរងរបួសសរសៃពួរសាច់ដុំអំឡុងពេលប្រកួតស្មើ ១-១ នៅឯផ្ទះជាមួយ Eibar ។ នេះបើយោងតាមការចេញសេចក្តីបំភ្លឺនៅលើគេហទំព័ររបស់ក្លិប Barcelona ។ Coutinho ត្រូវអវត្តមានពីការប្រកួតនៅនាទីចុងក្រោយដោយទុកឱ្យក្រុមរបស់គាត់បញ្ចប់ការប្រកួតជាមួយកីឡាករ១០នាក់បន្ទាប់ពីបន្តជាកីឡាករមកជំនួសរូបគេនាទីទី៦៥ក្នុងការប្រកួតជាមួយក្រុម Eibar ។ ការធ្វើតេស្តបានបញ្ជាក់ពីចំណាប់អារម្មណ៍ដំបូងថា Coutinho នឹងត្រូវការសម្រាកយូរទៀត អាចរហូតដល់៨ ឬ១០សប្តាហ៍។ គេហទំព័ររបស់ Barcelona បានបញ្ជាក់ថា “គាត់បានរងរបួសសរសៃពួរផ្នែកខាងស្តាំនៃជង្គង់ខាងឆ្វេងរបស់គាត់។ ការព្យាបាលតម្រូវឱ្យមានការធ្វើនៅដាច់ដោយឡែកពីអ្នករបួសផ្សេងទៀត ដោយខ្លាចប៉ះពាល់ពីករណីកូវីដ-១៩ ដែលនឹងត្រូវធ្វើឡើងនៅប៉ុន្មានថ្ងៃខាងមុខនេះ” ។ ការរងរបួសនេះគឺជាការថយក្រោយដ៏សំខាន់មួយទៀតសម្រាប់គ្រូបង្វឹកក្រុម Barcelona លោក Ronald Koeman ដែលមានកីឡាកររបួសរយៈពេលវែងគឺ Ansu Fati, Gerard Pique និង Sergi Roberto ។ Coutinho បានវិលត្រឡប់មកកាន់ទឹកដី Camp Nou វិញនៅរដូវក្តៅបន្ទាប់ពីខ្ចីជើងនៅក្លិប Bayern Munich … អាន​បន្ថែម ខ្សែបម្រើ Philippe Coutinho របស់ក្រុម Barcelona អាចអវត្តមាន១០សប្តាហ៍ដោយសាររបួសសាច់ដុំ

យោងតាមការចេញផ្សាយរបស់សារព័ត៌មាន Marca បានឲ្យដឹងថា ខ្សែប្រយុទ្ធ Diego Costa ត្រូវបានផ្សារភ្ជាប់ជាមួយនឹងការផ្លាស់ប្តូរទៅក្លិប Wolves នៅអង់គ្លេសបន្ទាប់ពីកិច្ចសន្យារបស់គាត់នៅក្លិប AtleticoMadrid ត្រូវបានបញ្ចប់មុនពេលទីផ្សារដោះដូរកីឡាករខែមករា។ ក្លិបនៅ Premier League កំពុងព្យាយាមរកគ្រាប់បាល់ចាប់តាំងពី Raul Jimenez បានរងរបួសបាក់ឆ្អឹងនៅចុងខែវិច្ឆិកា។ ជាមួយគ្នាកីឡាករវ័យក្មេង Fabio Silva បានជំនួសខ្សែប្រយុទ្ធសញ្ជាតិម៉ិកស៊ិកនៅពេលខ្លះខណៈដែលកីឡាករ Daniel Podence និង Pedro Neto ក៏បាននាំមុខគេក្នុងការបង្ហាញខ្លួនដើម្បីជំនួសដែរ។ ដោយមិនទាន់មានកាលបរិច្ឆេទណាមួយសម្រាប់ការវិលត្រឡប់របស់ Jimenez ក្នុងសកម្មភាពដែលនៅតែស្ថិតក្នុងភាពស្រពេចស្រពិលនៅឡើយ ក្រុមចចកខ្មៅ Wolves អាចនឹងសម្លឹងមើលទីផ្សារដោះដូរកីឡាករខ្សែប្រយុទ្ធ Diego Costa រូបនេះនៅខែមករា។ យោងតាមសារព័ត៌មាន The Sun បានឲ្យដឹងថា ក្រុមចចកខ្មៅWolves ចង់នាំ Diego Costa មកកាន់ កីឡដ្ឋាន Molineux ក្នុងការផ្ទេរដោយឥតគិតថ្លៃ ទោះបីជាគ្រូបង្វឹកលោក Nuno Espirito Santo មិនបានលក់ចេញនៅពេលដែលកីឡាករសញ្ជាតិអេស្ប៉ាញរូបនេះមកដល់ដោយសារតែបញ្ហាវិន័យ និងជាហេតុផលដែលរូបគាត់ចង់ចេញដោយឯកឯង ៕ … អាន​បន្ថែម Diego Costa អាចជំនួស Raul Jimenez នៅក្រុម Wolves

ក្លិបលីគកំពូលអេស្ប៉ាញ Atletico Madrid បានបញ្ជាក់ថា កិច្ចព្រមព្រៀងមួយជាមួយខ្សែប្រយុទ្ធ Diego Costa ត្រូវបានឈានដល់បញ្ចប់កិច្ចសន្យារបស់គាត់បន្ទាប់ពីខ្សែប្រយុទ្ធរូបនេះបានស្នើសុំជាផ្លូវការ កាលពីថ្ងៃអាទិត្យសប្តាហ៍មុន។ នេះបើយោងតាមការចុះផ្សាយរបស់សារព័ត៌មានអេស្ប៉ាញ Marcaកាលពីថ្ងៃទី៣០ ធ្នូ។ អនុស្សាវរីយ៍នៃការប្រកួតចុងក្រោយសម្រាប់អ្នកគាំទ្រក្លិប Atletico Madridគឺជាការប្រកួតដែលកីឡាករវ័យ៣២ឆ្នាំរូបនេះទទួលបានបាល់ពិន័យ១១ម៉ែត្រទៅលើក្រុម Elche ហើយបន្ទាប់មកការបង្ហាញខ្លួនជំនួសនៅ Real Sociedadនៅថ្ងៃបន្ទាប់។ ឆ្នាំ២០២០ មិនមែនជារឿងល្អសម្រាប់កីឡាករ Diego Costa ទេដែលត្រូវប្រឈមនឹងបញ្ហារបួសដែលធ្វើឱ្យគាត់មិនអាចបង្ហាញខ្លួនអស់រយៈពេលជាច្រើនខែ ខណៈពេលថ្មីៗនេះគាត់មានរបួសដុំសាច់ធ្ងន់ធ្ងរដែលជាផលរំខាននៃការធ្វើតេស្តវិជ្ជមានសម្រាប់ជំងឺកូវីដ-១៩ផងដែរ។ បញ្ហាកាន់តែធ្ងន់ធ្ងរនេះជាហេតុផលដែលគ្រួសារស្នើសុំឱ្យគាត់បញ្ចប់កិច្ចសន្យារបស់គាត់រយៈពេល៦ខែមុនសំណើដែល ក្លិបបានទទួលយក។ ការប្រកាសនេះនាំមកនូវការបញ្ចប់លើកទី២របស់ Costa នៅឯ AtleticoMadrid ដែលមិនសូវទទួលបានជោគជ័យជាងលើកទី១ ។ … អាន​បន្ថែម Diego Costa ចាកចេញពី Atletico Madrid ជាផ្លូវការហើយ

ការប្រកួតនៅក្របខ័ណ្ឌ Premier League របស់ក្រុម Fulham ប្រកួតនៅទឹកដី Tottenham កាលពីរាត្រីថ្ងៃពុធត្រូវបានពន្យារពេលដោយសារតែមានករណីឆ្លងវីរុសកូវីដ-១៩ថ្មីនៅឯក្លិប។ នេះបើយោងតាមការចុះផ្សាយរបស់ BBC Sport នៅព្រឹកថ្ងៃព្រហស្បតិ៍ ទី៣១ ធ្នូនេះ។ ក្រុម Fulham បានស្នើសុំឱ្យមានការពន្យារពេលការប្រកួតនេះ ហើយការសម្រេចចិត្តត្រូវបានបញ្ជាក់ក្នុងរយៈពេល៣ម៉ោងមុនពេលចាប់ផ្តើមការប្រកួត។ កាលពីថ្ងៃអង្គារការធ្វើតេស្តចុងក្រោយនៃក្របខ័ណ្ឌ Premier Leagueទៅលើវីរុស Covid-19 បានរកឃើញថាមានមនុស្ស១៨នាក់មានផ្ទុកវីរុសនេះ ដែលជាតួលេខខ្ពស់បំផុតបានកត់ត្រានៅក្នុងលីគកំពូលអង់គ្លេសមួយនេះ។ សេចក្តីថ្លែងការណ៍របស់ក្លិប Tottenham បាននិយាយថា “ក្របខ័ណ្ឌPremier … អាន​បន្ថែម ការប្រកួតរវាង Tottenham និង Fulham ត្រូវបានពន្យារពេលដោយសារមានកីឡាករឆ្លងកូវីដ-១៩

ក្របខ័ណ្ឌ Premier League បានចេញសេចក្តីថ្លែងការណ៍ថា មនុស្សចំនួន១៨នាក់បានធ្វើតេស្តវិជ្ជមានជំងឺកូវីដ-១៩នៅក្នុងការធ្វើតេស្តចុងក្រោយដែលធ្វើឡើងរវាងថ្ងៃទី២១ និងថ្ងៃទី២៧ ខែធ្នូលើកីឡាករនិងបុគ្គលិកចំនួន១,៤៧៩នាក់។ នេះគឺជាចំនួនករណីខ្ពស់បំផុតដែលត្រូវបានកត់ត្រាក្នុង១សប្តាហ៍នៃរដូវកាលនេះ។ នេះបើយោងតាមការចេញផ្សាយរបស់សារព័ត៌មានរ៉យទ័រដែល CNA ប្រកាសឲ្យដឹងកាលពីថ្ងៃទី៣០ ធ្នូ។ ចាប់តាំងពីរដូវកាលថ្មីបានចាប់ផ្តើមមនុស្ស១៣១នាក់នៅក្នុងលីគកំពូលអង់គ្លេសបានធ្វើតេស្តវិជ្ជមានជំងឺកូវីដ-១៩ ក្នុង១៧ជុំនៃការសាកល្បងធ្វើតេស្តរៀងរាល់សប្តាហ៍។ លីកមិនបានប្រាប់ឈ្មោះបុគ្គលដែលបានធ្វើតេស្តវិជ្ជមាន ឬក្លិបរបស់ពួកគេនោះទេ ប៉ុន្តែបានអះអាងថា ពួកគេនឹងផ្តាច់ខ្លួននៅដោយឡែករយៈពេល១០ថ្ងៃ។ គួររំលឹកថា កាលពីថ្ងៃចន្ទក្រុម Manchester City បានរាយការណ៍ពីករណីវិជ្ជមានជាច្រើននៅក្នុងក្រុមរបស់ពួកគេ ប៉ុន្មានថ្ងៃបន្ទាប់ពីខ្សែប្រយុទ្ធ Gabriel Jesus និងខ្សែការពារ Kyle Walker បានធ្វើតេស្តវិជ្ជមានត្រូវបង្ខំឱ្យលីកពន្យារពេលការប្រកួតរបស់ពួកគេនៅឯក្លិប Everton ។ … អាន​បន្ថែម ក្របខ័ណ្ឌ Premier League កត់ត្រាករណីឆ្លងកូវីដ-១៩ថ្មីចំនួន១៨នាក់ ជាអត្រាខ្ពស់បំផុតក្នុង១សប្តាហ៍រដូវកាលនេះ

សេចក្តិថ្លែងការណ៍មួយរបស់ក្លិប Kilmarnock ដែលជាសមាជិកនៃលីគកំពូលស្កុតឡេនបានទាក់ទងទៅប៉ូលិសបន្ទាប់ពីទទួលបានលិខិតមួយកាលពីថ្ងៃចន្ទដែលមាន “ការរំលោភបំពានរើសអើងជាតិសាសន៍” ដែលដឹកនាំដោយអ្នកចាត់ការទូទៅលោក Alex Dyer។ នេះបើយោងតាមការការចុះផ្សាយរបស់សារព័ត៌មានរ៉យទ័រ ដែល CNA ផ្សាយកាលពីថ្ងៃទី២៩ ធ្នូ។ បុរសអង់គ្លេសអាយុ៥៥ឆ្នាំ Alex Dyer គឺជាអ្នកគ្រប់គ្រងតែជនជាតិស្បែកខ្មៅម្នាក់គត់នៅក្នុងលីគកំពូលស្កុតឡេន។ ក្លិប Kilmarnock បានសរសេរនៅក្នុងសេចក្តីថ្លែងការណ៍មួយថា “យើងកំពុងធ្វើការជាមួយប៉ូលិសស្កុតឡេនដើម្បីកំណត់អត្តសញ្ញាណបុគ្គលណាដែលពាក់ព័ន្ធនឹងអំពើគួរស្អប់ខ្ពើមនេះ ហើយយើងនឹងបន្តចាត់វិធានការដែលអាចធ្វើទៅបានប្រឆាំងនឹងពួកគេ”។ សេចក្តីថ្លែងការណ៍ដដែលបានបន្តថា “ក្នុងនាមជាក្លិបមួយយើងបានបង្ហាញការគាំទ្ររបស់យើងក្នុងការបំបាត់ការប្រកួត និងសង្គមទាំងមូលនៃការរើសអើងជាតិសាសន៍ដោយលុតជង្គង់មុនពេលការប្រកួតនីមួយៗនៅរដូវកាលនេះហើយយើងនឹងបន្តធ្វើដូច្នេះ។ ការប្រកាន់ជាតិសាសន៍ក្នុងទម្រង់ណាមួយគឺមិនអាចទទួលយកបានទេ ហើយត្រូវតែត្រូវបានមជ្ឈដ្ឋានទូទៅស្អប់ខ្ពើមទង្វើនេះណាស់”។ … អាន​បន្ថែម អ្នកចាត់ការទូទៅក្លិប Kilmarnock ត្រូវបានគេរំលោភបំពានរឿងប្រកាន់ជាតិសាសន៍

សារព័ត៌មាន BBC Sport បានចេញផ្សាយនៅព្រឹកថ្ងៃទី៣០ ធ្នូនេះថា ក្រុមបិសាចក្រហម Manchester United បានរំកឹលឡើងឈរចំណាត់ថ្នាក់លេខ២បណ្តោះអាសន្នក្នុងតារាងលីគកំពូលអង់គ្លេស Premier League ដោយបានយកឈ្នះក្រុមភ្ញៀវ Wolverhampton ក្នុងលទ្ធផល១ទល់០សម្រាប់ការប្រកួតក្នុងសប្តាហ៍ទី១៥របស់ខ្លួនកាលពីរាត្រីថ្ងៃទី២៩ឈានចូលថ្ងៃទី៣០ ខែធ្នូ ឆ្នាំ២០២០។ ការប្រកួតក្នុងតង់ទី១រវាងក្រុម Man United ជាមួយក្រុមភ្ញៀវ Wolverhampton មានឱកាសទៅវិញទៅមក ប៉ុន្តែនៅតែមិនអាចរកគ្រាប់បាល់បានដូចគ្នា។ … អាន​បន្ថែម បិសាចក្រហមរកបាន១គ្រាប់ចុងម៉ោងឡើងឈរលេខ២បណ្តោះអាសន្ននៅ Premier League

សារព័ត៌មាន BBC Sport កាលពីថ្ងៃទី២៩ ខែធ្នូ ឆ្នាំ២០២០បានឲ្យដឹងថា ខ្សែការពាររបស់ក្រុមជម្រើសជាតិប្រេស៊ីល Gabriel លេងនៅក្លិបកាំភ្លើងធំ Arsenal បានធ្វើតេស្តវិជ្ជមានជំងឺកូវីដ-១៩ ។ ក្រុមកាំភ្លើងធំ Arsenal បានប្រកាសថា កីឡាករវ័យ២៣ឆ្នាំរូបនេះកំពុងនៅដាច់ដោយឡែកពីគេបន្ទាប់ពីបានរកឃើញជំងឺនេះ និងកំពុងតាមដានដោយគ្រូពេទ្យជំនាញ។ កីឡាកររូបនេះក៏បានខកខានការបង្ហាញខ្លួនពេលប៉ះជាមួយក្រុម Chelsea និងត្រូវអវត្តមានសម្រាប់ការប្រកួតប៉ះ Brighton នៅថ្ងៃអង្គារនិង West Brom នៅថ្ងៃសៅរ៍ចុងសប្តាហ៍នេះ។ សេចក្តីថ្លែងការណ៍របស់ក្រុម Arsenal បានឲ្យដឹងថា Gabriel បានធ្វើតេស្តវិជ្ជមានជំងឺ Covid-19 ហើយកំពុងនៅដាច់ដោយឡែកពីគេ ទៅតាមពិធីសាររបស់រដ្ឋាភិបាលអង់គ្លេស និងក្របខ័ណ្ឌ Premier League ។ ក្លិបនឹងបន្តតាមដាន និងគាំទ្រ Gabriel ហើយសង្ឃឹមថាគាត់នឹងអាចជាសះស្បើយបន្ទាប់ពីការប្រកួត២លើកបន្ទាប់របស់ក្លិប ។ ក្រុមកាំភ្លើងធំគ្រោងនឹងប្រឈមមុខជាមួយក្រុម Newcastle ដែលស្ថិតក្នុងក្របខ័ណ្ឌ Premier League ក្នុងជុំទី៣នៃពានរង្វាន់ FA … អាន​បន្ថែម ខ្សែការពារ Gabriel របស់ក្រុមកាំភ្លើងធំ Arsenal ធ្វើតេស្តវិជ្ជមានជំងឺកូវីដ-១៩

អ្នកចាត់ការទូទៅលោក Ole Gunnar Solskjaer បាននិយាយថា ក្រុមបិសាចក្រហម Manchester United កំពុងសម្លឹងមើលការពង្រីកកិច្ចសន្យារបស់ខ្សែប្រយុទ្ធ Edinson Cavani រួចហើយ។ ខ្សែប្រយុទ្ធសញ្ជាតិអ៊ុយរ៉ាហ្គាយវ័យ៣៣ឆ្នាំរូបនេះបានចូលរួមក្នុងកិច្ចសន្យារយៈពេល១ឆ្នាំកាលពីខែតុលាជាមួយនឹងជម្រើសមួយឆ្នាំទៀត។ អ្នកចាត់ការទូទៅក្លិបបិសាចក្រហមលោក Solskjaer បាននិយាយថា គាត់រំពឹងថានឹងមានកិច្ចព្រមព្រៀងថ្មីមួយជាមួយខ្សែប្រយុទ្ធរូបនេះ។ លោនបន្តថា “Edinson Cavani នៅសល់ប៉ុន្មានឆ្នាំទៀតដែលអាចលេងបាល់បាន ខ្ញុំនឹងមិននិយាយអ្វីផ្សេងទៀតទេ គាត់បានធ្វើឱ្យមានឥទ្ធិពលយ៉ាងខ្លាំង ហើយខ្ញុំជឿជាក់លើគាត់” ។ គួររំលឹកថា ខ្សែប្រយុទ្ធវ័យជ្រេ Edinson Cavani បានចាប់ផ្តើមការប្រកួតក្របខ័ណ្ឌ Premier League ដោយបានស៊ុតបាល់បញ្ចូលទី៣គ្រាប់ក្នុង៨ប្រកួត ហើយបានចូលលេងជាកីឡាករបម្រុងដើម្បីបង្កើតឱកាសដល់ខ្សែបម្រើឆ្នើម Bruno Fernandes រកបានគ្រាប់បាល់ក្នុងការប្រកួតជាមួយក្រុម Leicester កាលពីថ្ងៃសៅរ៍ ៕ដោយ៖ភារៈ … អាន​បន្ថែម Manchester United ចង់បន្តកុងត្រារបស់ខ្សែប្រយុទ្ធវ័យជ្រេ EdinsonCavani

ការប្រកួតនៅ Premier League សម្រាប់សប្តាហ៍ទី១៦ របស់ក្រុមមេឃខៀវ Manchester City ជាមួយក្រុម Everton កាលពីថ្ងៃចន្ទត្រូវបានពន្យារពេលដោយសារតែមានការផ្ទុះឡើងករណីឆ្លងជំងឺកូវីដ-១៩។ នេះបើយោងតាមការចុះផ្សាយរបស់ BBC Sport នៅព្រឹកថ្ងៃទី២៩ ខែធ្នូ ឆ្នាំ២០២០នេះ។ ក្រុម Everton បាននិយាយថា ពួកគេនឹងស្នើសុំឱ្យមានការបង្ហាញឱ្យបានពេញលេញនៃព័ត៌មានដែលក្រុម​ Man City បានផ្តល់ទៅឱ្យក្របខ័ណ្ឌ Premier League ដែលនាំឱ្យមានការពន្យារពេលនេះ។ ការពន្យារពេលនេះគឺនៅពេល Man City បានរាយការណ៍អំពីការធ្វើតេស្តវិជ្ជមានថ្មីកាលពីថ្ងៃចន្ទបន្ថែមលើអ្វីដែលពួកគេបានបញ្ជាក់នៅថ្ងៃណូអែល។ … អាន​បន្ថែម ការប្រកួតរវាង Everton និង Man City ត្រូវពន្យារពេលដោយសារមានករណីឆ្លងកូវីដ-១៩ ខណៈ Leicester និង Chelsea បានត្រឹមស្មើគូប្រកួត