សមាគមបាល់ទាត់ជប៉ុន (JFA) បានឲ្យដឹងកាលពីម្សិលមិញថាក្រុមបាល់ទាត់បុរសរបស់ជប៉ុននឹង រៀបចំការប្រកួតមិត្តភាពរបស់ខ្លួនសម្រាប់ព្រឹត្តិការណ៍អូឡាំពិកដោយមានការប្រកួតមិត្តភាពចំនួន២ទល់នឹងក្រុមជម្រើសជាតិអាយុក្រោម២៤ឆ្នាំមកពីប្រទេសអាហ្សង់ទីននៅចុងខែនេះ។ សារព័ត៌មាន CNA បានផ្សាយថា ការប្រកួតលើកដំបូងនឹងត្រូវធ្វើឡើងនៅពហុកីឡដ្ឋាន Ajinomoto ទីក្រុងតូក្យូនាថ្ងៃទី២៦ ខែមីនាមុនពេលដែលក្រុមទាំង២ត្រូវជួបគ្នាម្តងទៀតក្នុងរយៈពេល៣ថ្ងៃក្រោយនៅឯកីឡដ្ឋាន Mikuni World ក្នុងទីក្រុង Kitakyushu ខេត្ត Fukuoka ។ សមាគមបាល់ទាត់ជប៉ុនបានប្រកាសថា ជាមួយនឹងប្រទេសជប៉ុនបានរារាំងជាបណ្ដោះអាសន្នដល់អត្តពលិកបរទេសដើម្បីទប់ស្កាត់ការកើនឡើងនៃជំងឺកូវីដ-១៩ ដែលការប្រកួតទាំងនេះគឺអាស្រ័យលើការដកការរឹតត្បិតរបស់រដ្ឋាភិបាល ឬផ្តល់ការលើកលែងពិសេស។ សារព័ត៌មាន Nikkei របស់ជប៉ុនបានរាយការណ៍កាលពីសប្តាហ៍មុនថាការប្រកាសអាសន្ននៅក្នុងប្រទេសជប៉ុនគ្រោងនឹងធ្វើឡើងនៅថ្ងៃទី៧ ខែមីនាជាមួយនឹងការហាមឃាត់ការធ្វើដំណើរពីអត្តពលិកបរទេសផងដែរ។ ប្រទេសអាហ្សង់ទីនដែលជាម្ចាស់ជើងឯកអូឡាំពិកឆ្នាំ២០០៤ … អាន​បន្ថែម កីឡាករជប៉ុន និងអាហ្សង់ទីនអាយុក្រោម២៤ឆ្នាំត្រៀមប្រកួតមិត្តភាពត្រៀមព្រឹត្តិការណ៍អូឡាំពិកនៅតូក្យូ

វីរបុរសបាល់ទាត់លោក Pele បានទទួលវ៉ាក់សាំង COVID-19 កម្រិតដំបូងនៅប្រទេសប្រេស៊ីលកាលពីថ្ងៃពុធ។ នេះបើយោងតាមការចេញផ្សាយរបស់សារព័ត៌មានអេស្ប៉ាញ MARCA ។ អតីតខ្សែប្រយុទ្ធក្រុមជម្រើសជាតិប្រេស៊ីលរូបនេះមានវ័យ៨០ឆ្នាំ ដូច្នេះគាត់ត្រូវបានចាត់ចូលទៅក្នុងក្រុមអាទិភាពសម្រាប់ការចាក់វ៉ាក់សាំងនៅប្រេស៊ីលដែលមានចំនួនច្រើនជាង៨,៤៧លានដូសត្រូវបានគេប្រើប្រាស់រួចហើយ។ លោក Pele បានសរសេរនៅលើបណ្តាញសង្គមថា “ថ្ងៃនេះគឺជាថ្ងៃដែលមិនអាចបំភ្លេចបាន! ខ្ញុំបានទទួលវ៉ាក់សាំង។ ជំងឺរាតត្បាតមិនទាន់ចប់នៅឡើយទេ យើងត្រូវតែរក្សាវិន័យដើម្បីការពារជីវិតរហូតដល់មនុស្សជាច្រើនបានចាក់វ៉ាក់សាំង”។ វីរបុរសបាល់ទាត់របស់ប្រេស៊ីលរូបនេះបន្តថា “សូមបន្តលាងដៃរបស់អ្នកនិងនៅផ្ទះប្រសិនបើអាចធ្វើទៅបាន។ នៅពេលអ្នកចេញទៅក្រៅកុំភ្លេចពាក់ម៉ាស់ និងរក្សាគម្លាតសុវត្ថិភាពសង្គមរបស់អ្នក។ រឿងនេះនឹងកើតឡើងប្រសិនបើយើងគិតគូរពីគ្នា និងជួយគ្នាទៅវិញទៅមក។ គួរបញ្ជាក់ថា ប្រទេសប្រេស៊ីលគឺជាប្រទេសមួយក្នុងចំណោមប្រទេសដែលរងផលប៉ះពាល់ខ្លាំងបំផុតពីការឆ្លងរាតត្បាតជំងឺកូវីដ-១៩ ដោយមានមនុស្សជាង១០,៦លាននាក់បានឆ្លងជំងឺនេះ និងមនុស្សជាង ២៥៦,០០០នាក់បានស្លាប់ ៕ … អាន​បន្ថែម វីរបុរសបាល់ទាត់របស់ប្រេស៊ីល លោក Pele ទទួលការចាក់វ៉ាក់សាំងកូវីដ-១៩ដំបូងគេ