ជប៉ុននិងអាមេរិកកំពុងតែលេចធ្លោដូចជាប្រទេសក្រៅតំបន់ជ្រៀតជ្រែកចូលក្នុងវិបត្តិនៅដែនសមុទ្រចិនភាគខាងត្បូងខ្លាំងឡើងពីមួយថ្ងៃទៅមួយថ្ងៃ ។
ពេលកន្លងមកថ្មីៗ ជប៉ុនបានចូលរួមយ៉ាងជ្រៅនៅក្នុងវិបត្តិដែនសមុទ្រចិនភាគខាងត្បូង ដោយជប៉ុនបានបញ្ចូនកម្លាំងទាហានចូលរួមធ្វើសមយុទ្ធជាមួយហ្វីលីពីននិងអាមេរិក។ ចំណុចដែលចាប់អារម្មណ៍នាពេលនេះគឺកម្លាំងទាហានជើងទឹកជប៉ុនដែលមានវត្តមាននៅដែនសមុទ្រSubic បានជួយបំពេញថាមពលដល់នាវាពេទ្យMercy របស់ទាហានជើងទឹកអាមេរិកដែលកំពុងធ្វើដំណើរទៅកាន់ប្រទេសវៀតណាម។នេះជាលើកទីមួយហើយដែលកម្លាំងទាហានជប៉ុនបញ្ចូននាវាទៅចូលរួមធ្វើសមយុទ្ធនិងជួយសង្គ្រោះនៅដែនសមុទ្រចិនភាគខាងត្បូង។
មានប្រសាសន៍ទៅកាន់ក្រុមអ្នកសារព័ត៌មានលោកCharles Williams មេបញ្ចាការកងទ័ពអាមេរិកប្រចំានៅតំបន់អាស៊ីុប៉ាស៊ីុហ្វិកបញ្ចាក់ថា ការធ្វើសមយុទ្ធទ្វេភាគីរវាងអាមេរិកនិងហ្វីលីពីនពេលនេះក្លាយជាត្រីភាគីដោយមានកម្លាំងទាហានជប៉ុនចូលរួមផងដែរ។
ចំពោះលោកWilliams វត្តមានរបស់មេទ័ពជើងទឹកជប៉ុនលោកKatsutoshi Kawano នៅក្នុងការធ្វើសមយុទ្ធ ត្រីភាគីនៅដែនសមុទ្រ Subic បានបង្ហាញយ៉ាងច្បាស់ពីការប្តេជ្ញារបស់ទីក្រុងតូក្យូក្នុងការជ្រៀតជ្រែកចូលក្នុងវិបត្តិនៅដែនសមុទ្រចិនភាគខាងត្បូង ចូលរួមជាមួយអាមេរិកយាមល្បាតនៅទីនោះ។
សកម្មភាពរបស់ជប៉ុនបានធ្វើឲ្យចិនព្រួយបារម្ភយ៉ាងខ្លាំង ជប៉ុននិងអាមេរិកអាចរារាំងនៅគោលដៅពង្រីកអំណាចរបស់ចិននៅដែនសមុទ្រចិនភាគខាងត្បូង។ មិនត្រឹមតែប៉ុណ្ណោះអាចធ្វើឲ្យប្រទេសដែលមានវិវាទជាមួយចិនហ៊ានក្រោកឈរឡើងប្រឆាំងចិនដោយបើកជំហរ ក្នុងពេលដែលមានអាមេរិកនិងជប៉ុនធ្វើជាខ្នងបង្អែកដ៏រឹងមាំហើយនោះ។
កន្លងមកជប៉ុនបានផ្តល់ជំនួយជាច្រើនដល់ប្រទេសដែលមានវិវាទជាមួយចិន ដើម្បីអូសទាញប្រទេសទាំងនោះគាំទ្រគោលនយោបាយជប៉ុនក្នុងការប្រឆាំងចិន ។
ចាប់តាំងពីជប៉ុនធ្វើការផ្លាស់ប្ដូរទ្រង់ ទ្រាយធំរបស់ជប៉ុនក្នុងការអនុវត្ដគោលនយោបាយការបរទេស និងការពារជាតិ ។ រដ្ឋាភិបាលទីក្រុងតូក្យូបានធ្វើការកែទម្រង់ ទ្រឹស្ដីយោធា ដោយអនុញ្ញាតឱ្យប្រើប្រាស់ កម្លាំងយោធាចូលរួមនៅក្នុងសង្គ្រាមនៅបរទេស ក្រោយរយៈពេលជាច្រើនឆ្នាំ ដែលបាននៅស្ងៀម ហើយពេលនេះជប៉ុន ក៏បានទាមទារប្រជុំកោះគូរីលផងដែរ។ ទន្ទឹមនឹងនេះក្រោមការជួយជ្រោមជ្រេង ពីអាមេរិកទីក្រុងតូក្យូកំពុងតែឡើងគម្រោងទប់ទល់ជាមួយចិនពេលមាន សង្គ្រាមកើតឡើង ដោយសារតែវិវាទ ប្រជុំកោះសេនកាគូ ។
សកម្មភាពកែទម្រង់ប្រព័ន្ធយោធា របស់នាយករដ្ឋមន្ដ្រីជប៉ុនស៊ីនហ្សូអាបេពិសេសគឺការកែទម្រង់រដ្ឋធម្មនុញ្ញអនុ ញ្ញាតឱ្យកម្លាំងទាហានជប៉ុនអាចចូលរួមធ្វើសង្គ្រាមនៅក្រៅប្រទេសបានដោយ ស្វ័យប្រវត្ដិមិនមែនជាទាហានការពារ ដូចកាលពីមុនឡើយ ៕
ប្រែសម្រួល៖ ម៉ែវ សាធី
