មន្ត្រីបានថ្លែងថា ប៉ាគីស្ថានបានព្យួរកអតីតមន្ត្រីសន្តិសុខម្នាក់ដែលបានធ្វើសកម្មភាពបាញ់សម្លាប់អភិបាលរដ្ឋ Punjab ដោយសារខឹងនឹងការប្រឆាំងជំទាស់របស់គាត់ទាក់ទងច្បាប់ប្រទេចផ្តាសាជនអិស្លាមនោះ ។
ជនល្មើស Mumtaz Qadri បានបាញ់សម្លាប់អភិបាលរដ្ឋ Punjab ឈ្មោះ Salman Taseer នៅក្នុងទីអិស្លាម៉ាបាដ កាលពីឆ្នាំ២០១១ ។ ការធ្វើឃាតនេះបានធ្វើឲ្យកក្រើកញាប់ញ័រនៅទូទាំងប្រទេសប៉ាគីស្ថានតែម្តង ។
ឃាតករ Mumtaz Qadri ត្រូវបានក្រុមអិស្លាមជ្រុលនិយមមួយចំនួនចាត់ទុកថាជាវីរបុរសរបស់ពួកគេ ។ ក្រុមសកម្មជនល្បីល្បាញជាច្រើននាក់ក្នុងប្រទេសប៉ាគីស្ថានក៏បានបង្ហាញពីការគាំទ្ររបស់ពួកគេចំពោះសកម្មភាពរបស់ Qadri ផងដែរ ។
បន្ទាប់ពីលេចឮព័ត៌មានប្រហារជីវិត Mumtaz Qadri ហ្វូងមនុស្សជាច្រើននាក់បានចាកចេញតាមដងផ្លូវធ្វើបាតុកម្មប្រឆាំងចំពោះការកាត់ទោសដោយព្យួរកទៅលើឈ្មោះ Mumtaz Qadri ។
ប៉ូលិសបានប្រដាប់ដោយកាំភ្លើងធុនធ្ងន់ ត្រូវដាក់ពង្រាយជាច្រើនរយនាក់ គ្រប់ច្រកល្ហក ដើម្បីដាក់ឲ្យប្រុងជើងការខ្ពស់ ជុំវិញលំនៅឋាន Mumtaz Qadri ក្នុងទីក្រុង អិស្លាម៉ាបាដ ។
មន្ត្រីពន្ធនាគារប៉ាគីស្ថានបានអះអាងថា ទណ្ឌិត្យឈ្មោះ Qadri ត្រូវកាត់ទោសប្រហារជីវិតដោយវិធីព្យួរក នៅវេលាម៉ោង៤និង៣០នាទី ម៉ោងនៅក្នុងតំបន់ ស្ថិតនៅក្នុងពន្ធនាគារ Adiala តំបន់ Rawalpindi ជិតរដ្ឋធានីអិស្លាម៉ាបាដ ប្រទេសប៉ាគីស្ថាន ៕
