ភ្នំពេញ៖ លោកGary Heweh នាយប្រតិបត្ដិអង្គការយល់ដឹងពីកម្ពុជាបានបញ្ជាក់ថា៖ សុខភាព គឺជាកត្តាដ៏សំខាន់ដែលមិនអាចខ្វះបាន ក្នុងការបំពេញភារៈកិច្ចការងារ ឲ្យមានភាពរលូន បើសុខភាពយើងមានភាពទន់ខ្សោយ យើងមិនអាចបំពេញការងារបានល្អ និងលទ្ធផលគ្រប់ជ្រុងជ្រោយនោះទេ ខណៈប្រជា ពលរដ្ឋ,មន្ដ្រីរាជការ,អង្គការសង្គមស៊ីវិលនានាក្នុងពេលបំពេញបេសកកម្មការងារដែលសុខ ភាពបុគ្គលនោះមិនល្អនោះ។
នេះជាការលើកឡើងរបស់លោកGary Heweh នាយកប្រតិបត្ដិអង្គការយល់ដឹងពីកម្ពុជា នៅក្នុងពិធីចុះអនុស្សារណៈយោគយល់ រវាងមន្ទីរពេទ្យជោរៃភ្នំពេញ និងអង្គការយល់ដឹងពីកម្ពុជា(ស្ដារនិងអភិវឌ្ឍន៍កុមារកម្ពុជា) ប្រចំានៅកម្ពុជា កាលពីព្រឹកថ្ងៃទី០៣ ខែមីនា ឆ្នាំ២០១៦ នៅមន្ទីរពេទ្យជោរៃ ភ្នំពេញ ដើម្បីផ្តល់ជូនសេវាកម្មនិងធ្វើការផ្លាស់ប្ដូរបទពិសោធន៍ពីគ្នាទៅវិញទៅមក និងក្រុមការងារនៃអង្គការយល់ដឹងពីកម្ពុជាពិសេសក្នុងការផ្ដល់សេវាព្យាបាលជូនកុមារកម្ពុជាដោយប្រសិទ្ធភាព។
លោកGary Heweh បានបន្តថា៖ នេះគឺជាលើកទីមួយ នៃផ្នែកវិជ្ជាជីវៈសេរី ក្នុងវិស័យសុខាភិបាល និងអង្គការយល់ដឹងពីកម្ពុជា(ស្ដារនិងអភិវឌ្ឍន៍កុមារកម្ពុជា) ដោយនេះគឺជាកិច្ចសហការដ៏ល្អ នៅក្នុងការបម្រើដល់សង្គម ហើយនេះគឺជាការយកចិត្តទុកដាក់ ពីសំណាក់មន្ទីរពេទ្យជោរៃនៅកម្ពុជាជូនដល់អង្គការសង្គមស៊ីវិល ឲ្យមានសុខភាពល្អ ដើម្បីចូលរួមក្នុងការពង្រឹងយុត្តិធម៌សង្គម និងនិតិរដ្ឋ។
លោក ញៀន ធីឌិក នាយកមន្ទីរពេទ្យជោរៃ ភ្នំពេញ បានបញ្ជាក់ថា៖មន្ទីរពេទ្យជោរៃភ្នំពេញក្រៅពីពិនិត្យ និងព្យាបាលជូន ដល់ប្រជាជនកម្ពុជា មន្ទីរពេទ្យក៏បានធ្វើការចែករំលែក នូវបទពិសោធន៍បច្ចេកវិទ្យា ក្នុងវិស័យវេជ្ជសាស្ត្រ ដល់វេជ្ជបណ្ឌិតកម្ពុជាផងដែរ ដោយក្នុងនោះ កាលពីពេលថ្មីៗ កន្លងទៅនេះ មន្ទីរពេទ្យជោរៃភ្នំពេញ បានចុះMOUជាមួយសាកលវិទ្យាល័យវិទ្យាសាស្រ្តសុខាភិបាលជាមួយគណៈមេធាវីកម្ពុជា។
លោកញៀន ធីឌិក បានបន្តថា៖ ស្របទៅតាមបេសកកម្មរបស់ខ្លួន គឺត្រូវតួ្រតពិនិត្យ និងព្យាបាល ជូនប្រជាជនកម្ពុជាឲ្យបានល្អ ក្នុងគោលបំណង រឹតចំណងមិត្តភាព សាមគ្គីភាព នៃការទំនាក់ទំនាក់រវាងប្រទេសកម្ពុជា និងវៀតណាម។ពិសេស ក្នុងការបំពេញភារៈកិច្ចការងារ ឲ្យមានភាពរលូន ទៅលើផ្នែកសុខភាព ផ្នែកហិរញ្ញវត្ថុ ការប្រើប្រាស់ថវិកា និងការចំណាយថវិកាឲ្យសមស្របទៅតាមកាលៈទេសៈនិងសម ស្របតាមតម្រូវរបស់ប្រជាពលរដ្ឋ។ បញ្ហាទំាងអស់នេះប្រសិនបើយើងចេះសហការគ្នាបានល្អជាមួយបណ្ដា អង្គការដៃគូរនានា នោះការងារផ្នែកបម្រើសេវាសុខភាពនៅទីនេះ ក៏មិនមានបញ្ហាអ្វីកើតឡើងដែរ។
សូមបញ្ចាក់ថា៖ តាមរយៈការចុះ MOU នេះ មន្ទីរពេទ្យជោរៃភ្នំពេញ បានយកចិត្តទុកដាក់យ៉ាងខ្លាំង ក្នុងការព្យាបាលដល់ប្រជាពលរដ្ឋជារួម និងមន្ត្រីរាជការផងដែរ ដោយនេះគឺជាដំណើរការវិវឌ្ឍន៍ ដើម្បីឲ្យប្រទេសកម្ពុជា កាន់តែមានភាពប្រសើរឡើងថែមទៀត ៕
ដោយ៖ សំរិត
