ប៉ោយប៉ែតៈមនុស្ស៤នាក់បានរងរបួសធ្ងន់ តែមិនបណ្ដាលអោយស្លាប់ ក្នុងករណីគ្រោះថ្នាក់ចរាចរណ៏រវាងគោយន្តច្នៃបុកជាមួយរថយន្តទូរីស(១៥)កៅអី កាលពីម៉ោង១នឹង៤៥នាទីរសៀលថ្ងៃទី៣០ខែមេសាឆ្នាំ២០១៥តាមបណ្ដោយផ្លូវជាតិលេខ៥ត្រង់ចំណុចប៉ុស្តិរដ្ឋបាលនិមិត្តចំងាយប្រហែល១៥០ម៉ែត្រ ឋិតក្នុងភូមិ៣ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចប្រាប់អោយដឹងថាៈជនរងគ្រោះមានឈ្មោះណាំ សុគង់ ភេទប្រុស អាយុ៤៤ឆ្នាំ រងរបួសធ្ងន់ មុខរបរបើកបររថយន្ត មានទីលំនៅភូមិស្រែវាល ឃុំស្រែវាល ស្រុកស្ទឹងត្រង់ ខេត្តកំពង់ចាម។ ទី២ មានឈ្មោះឆេ យ៉ុលភេទស្រី អាយុ៦០ឆ្នាំ រងរបួសធ្ងន់មានទីលំនៅភូមិ.ឃុំតាអុងស្រុកចំការលើខេត្តកំពងចាម។ ទី៣ ហ៊ុន ភ័ណ្ឌ ភេទប្រុសអាយុ១៩ឆ្នាំ រងរបូសធ្ងន់ មុខរបកសិករជាអ្នកបើកបរ។ ទី៤ មានឈ្មោះព្រំ ផល្លាភេទប្រុសអាយុ២៣ឆ្នាំ រងរបូសធ្ងន់ មុខរបរកសិករអ្នកទាំងពីរមានទីលំនៅភូមិបន្ទាយថ្មីឃុំអូរបីជាន់ ស្រុកអូរជ្រៅខេត្តបន្ទាយមានជ័យ។
សមត្ថកិច្ចបញ្ជាក់ថាៈមុនកើតហេតុមានរថយន្តទូរីស១៥កៅអី១គ្រឿងពណ៏សពាកស្លាកលេខ ភ្នំពេញ2V.0502បើកបរដោយឈ្នោះណាំ សុគង់ភេទប្រុសអាយុ៤៤ឆ្នាំមុខរបបើកបរមានអ្នករួមដំណើរម្នាក់មានឈ្មោះឆេង យ៉ុល ភេទស្រី អាយុ៦០ឆ្នាំ ចាសជរានៅភូមិឃុំតាអ៊ុង ស្រុកចំការលើ បើកបរក្នុងគោលដៅពីទិសខាងកើតទៅទិសខាងលិចពេលដល់ចំណុចកើតហេតុស្រាប់តែមានគោយន្តកែច្នៃមួយគ្រឿងពណ៏ខៀវគ្មានស្លាកលេខបើកបរដោយឈ្មោះហ៊ុន ភ័ណ្ឌភេទប្រុស អាយុ១៩ឆ្នាំ អ្នករួមដំណើរឈ្មោះព្រំ ផល្លាភេទប្រុសអាយុ២៣ឆ្នាំ រស់នៅក្នុងភូមិខាងលើបើកបរពីលិចទៅកើតហើយឡើងជែងរថយន្តតូច១គ្រឿងនៅពីមុខហើយក៏ជ្រុលចង្កូតទៅបុករថយន្តទូរីសបណ្ដាលអោយគ្រោះថ្នាក់តែម្ដង ។ ចំណែករថយន្តទាំងពីរខូចខាតធ្ងន់ធ្ងរទាំងសងខាង។ក្រោយហេតុការសមត្ថកិច្ចវាស់វែងយក រថយន្តទាំងពីរទៅរក្សារទុកនៅប៉ុស្ដរដ្ឋបាលនិមិត្តរងចាំដោះស្រាយតាមច្បាប់ រីអ្នករងរបួសត្រូវសមត្ថកិច្ចអន្តរាគមន៏ហៅរថយន្តសង្រ្គោះដឹកទៅមន្ទីពេទ្យបង្អែកប៉ោយប៉ែត៕
ដោយ វណ្ណា
