ស្ថានភាពចរាចរណ៍នៅទីក្រុងឡុងស្ថិតនៅក្នុងភាពចលាចលជាប់គាំដោយសារតែការធ្វើកូដកម្មជាលើកទីពីរក្នុងរយះពេលមួយខែនេះពីសំណាក់ពលករបម្រើការលើវិស័យចរាចរណ៍សាធារណះពិសេសគឺវិស័យរដ្ឋភ្លើង ។
ជាមួយនិងការធ្វើកូដកម្មនោះអ្នកដំណើររាប់លាននៅទីក្រុងឡុងដ៏ត្រូវតែស្វែងរកមធ្យោបាយធ្វើដំណើរដើម្បីទៅកន្លែងធ្វើការឲ្យបានទាន់ពេលវេលា។ បើទោះមន្ត្រីទទួលខុសត្រូវបានបង្កើនចំនួនរថយន្តក្រុងបន្ថែម២៥០គ្រឿងតែនៅមិនអាចបំពេញការធ្វើដំណើររបស់ពលរដ្ឋឡើយ ។
មូលហេតុបណ្តាលឲ្យមានកូដកម្មកើតឡើង គឺដើម្បីប្រឆាំងទៅនិងគម្រោងថ្មីរបស់ក្រសួងចរាចណ៍ ចង់ឲ្យមានរថភ្លើងធ្វើដំណើរ២៤ម៉ោងទាំងនៅក្នុងថ្ងៃសម្រាកចុងសប្តាហ៍ដែលចាប់ផ្តើមអនុវត្តនៅខែកញ្ញាខាងមុខ។ ប៉ុន្តែការចរចាពីប្រាក់បៀវត្សន៍ និងលក្ខណៈការងាថ្មីរវាងក្រុមហ៊ុននិងតំណាងកម្មករមិនមានលទ្ធផល ។
តាមគម្រោងក្រុមបាតុករនិងបន្តធ្វើបាតុកម្មរហូតដល់រសៀលថ្ងៃសុក្រ ធ្វើឲ្យអ្នកដំណើរត្រូវជាបគាំង ។
ពលរដ្ឋនៅក្នុងប្រទេសអង់គ្លេសក៏ដូចជាប្រទេសក្នុងតំបន់អឺរ៉ុបមិនដែលប្រើមធ្យោបាយធ្វើដំណើរផ្ទាល់ខ្លួនទៅធ្វើការឡើយដោយចម្ងាយផ្លូវឆ្ងាយនិងស្ទះចរាចរណ៍ទៅមិនទាន់ពេលវេលា។ ទាំងនោះហើយធ្វើឲ្យសេវាដឹកជញ្ជូនសាធារណជាមធ្យោបាយចំបាច់បំផុត ៕
