ខេត្តមណ្ឌលគិរី៖ ការអភិវឌ្ឍផែនទី និងគំរូប្លង់ គឺសេណារីយ៉ូសម្រាប់ការគ្រប់គ្រង និងប្រើប្រាស់ដីធ្លី ធនធាន ធម្ម ជាតិ ចំណែកសេវាកម្មបរិស្ថាន ជាចំណុចអាទិភាពដែល ត្រូវឆ្លងកាត់ការសិក្សាស្រាវជ្រាវ ដែលមាន លក្ខណៈបច្ចេកទេសត្រឹមត្រូវច្បាស់លាស់ ។
នេះបើតាមប្រសាសន៍របស់ អភិបាលរងខេត្តមណ្ឌលគិរី លោក ស្វាយ សំអ៊ាង ថ្លែងនៅក្នុងពិធីបើកសិក្ខាសាលា ស្តីអំពីការប្រើប្រាស់ IN VEST ក្នុងការគាំទ្រដល់ ការធ្វើផែនការ ប្រើប្រាស់ដីធ្លី ប្រកបដោយនិរន្តរភាព សម្រាប់ខេត្តមណ្ឌលគិរី កាលពីព្រឹក ថ្ងៃទី៣០ ខែកក្កដានេះ នៅសាលប្រជុំសណ្ឋាគារមណ្ឌលគិរី ។
លោក អភិបាលរងខេត្ត បានលើកឡើងថា តាមការរំពឹងទុក សមិទ្ធិផលនេះ និងត្រូវដើរទន្ទឹមគ្នាផងដែរ ជាមួយការលើកកម្ពស់គោលការណ៍អភិបាលកិច្ចបរិស្ថាន និងប្រព័ន្ធផលិតកម្ម និងការចិញ្ចឹមជីវិតប្រជាជន ជាពិសេសបងប្អូនជនជាតិដើម ភាគតិច នៅក្នុង ខេត្តមណ្ឌលគិរី ។
លោកបានបន្តទៀតថា សមិទ្ធិផលទាំងអស់នេះ ទាមទាឱ្យយើងយកចិត្តទុក ដាក់ ជាសំខាន់នូវការរៀបចំផែនការ ប្រើប្រាស់ដីធ្លី តាមបែបសមាហរណកម្ម និងប្រកប ដោយនិរន្តរភាព ដែលកិច្ចសហការណ៍មួយនេះ បានផ្តោតចំណាប់អារម្មណ៍ ជាពិសេស តាំងពីដំណាក់កាលដំបូងមកម្លេះ ។
បន្ថែមលើនោះ ឯកឧត្តមអភិបាលងរខេត្ត បានជម្រុញដល់ក្រុមសិក្សាស្រាវជ្រាវ IN VEST របស់ សកលវិទ្យាល័យភ្នំពេញ និងក្រុមការងារវាយតម្លៃ សេវាកម្ម បរិស្ថានខេត្តមណ្ឌលគិរី ក៏ដូច អង្គការWWFកម្ពុជា ត្រូវយកចិត្តទុកដាក់ ពង្រឹងកិច្ចសហការណ៍រវាងគ្នានិងគ្នា ជាធ្លុងមួយ ឱ្យបាន កាន់តែខ្លាំង ក្លាបន្ថែមទៀត ៕
ដោយ៖ ថា រិទ្ធ
