ភ្នំពេញ៖ ស្រីស្អាតម្នាក់ដែលគេមិន ស្គាល់ឈ្មោះ មានអាយុជាង២០ឆ្នាំ ត្រូវ អ្នកជិតខាងអះអាងថា ស្អាតមិនចាញ់ តួកុនបានបើករថយន្ដបំបុកទ្វារផ្ទះជួល បណ្ដាលឱ្យខូចខាតយ៉ាងដំណំ ខណៈដែល ស្រីស្អាតរូបនេះមកពីផឹកស៊ីស្រវឹងខឹង ម្ចាស់ផ្ទះ និងប្ដីមិនបើកទ្វារឱ្យចូល ។
ហេតុការណ៍នេះកើតឡើងនៅវេលា ម៉ោង១និង៣០នាទីអធ្រាត្រឈានចូល ថ្ងៃទី១២ ខែសីហា ឆ្នាំ២០១៥ នៅផ្ទះ លេខT9 ផ្លូវលេខ២៦៥ សង្កាត់ទឹកល្អក់៣ ខណ្ឌទួលគោក (ខាងត្បូងផ្សារសំណង់ ១២ចម្ងាយ៥០ម៉ែត្រ) ។
សាក្សីរស់នៅក្បែរកន្លែងកើតហេតុ បាននិយាយឱ្យដឹងថា នៅវេលាម៉ោង ១និង៣០នាទីរំលងអធ្រាត្រឈានចូលថ្ងៃ ទី១២ ខែសីហា ឆ្នាំ២០១៥ គេបានឃើញ ស្រីស្អាតដែលមិនស្គាល់ឈ្មោះម្នាក់នេះ និងមានរូបរាងស្អាតមិនចាញ់តួកុនបានបើករថយន្ដម៉ាកកាមរីហាយប្រ៊ីដ ពណ៌ ខ្មៅ ពាក់ស្លាកលេខភ្នំពេញ2P-9987 មកឈប់នៅមុខផ្ទះលេខT9 ផ្លូវលេខ ២៦៥ សង្កាត់ទឹកល្អក់៣ ខណ្ឌទួលគោក ដែលនាងនិងប្ដីបានជួលនៅជាន់ទី១ស្នាក់នៅ ។
ពេលបើកមកដល់ដោយសារយប់ ស្ងាត់មិនមានអ្នកបើកទ្វារឱ្យចូលនិងទំនង ជាស្រវឹងខ្លាំងផងនោះទើបនាងស៊ីប្លេរថ យន្ដឮខ្លាំងៗម្ដងហើយម្ដងទៀតរយៈពេលជិត១ម៉ោងធ្វើឱ្យផ្អើលអ្នកជិតខាងដេក ពួនមិនបាននិងដោយសារគ្មានអ្នកបើកទ្វារឱ្យចូលនោះទើបស្រីស្អាតរូបនេះ សម្រេចចិត្ដបើករថយន្ដបំបុកទ្វារជាន់ ផ្ទាល់ដីបណ្ដាលឱ្យខូចខាតយ៉ាងដំណំ ។
សាក្សីបានឱ្យដឹងទៀតថា បន្ទាប់ពី កើតហេតុរួច ស្រីស្អាតរូបនេះបានទុក រថយន្ដចោលនៅមុខផ្ទះកន្លែងកើតហេតុ រួចគេចខ្លួនបាត់ទៅ ។ ចំណែកអ្នករស់នៅ ជិតខាងបានត្រឹមបើកទ្វារអើតមើលនាំ គ្នាហួសចិត្ដ ព្រោះនាងស៊ីប្លេរថយន្ដយ៉ាង ទ្រហឹងរយៈពេលជិត១ម៉ោង ។
លុះព្រឹកឡើង ទើបគេឃើញកម្លាំង នគរបាលមូលដ្ឋានទៅដល់ ដើម្បីធ្វើ កំណត់ហេតុក្នុងករណីនេះ ប៉ុន្ដែចំណាយ អស់រយៈពេលយ៉ាងយូរទើបម្ចាស់ផ្ទះអនុ ញ្ញាតឱ្យសមត្ថកិច្ចចុះទៅធ្វើកំណត់ហេតុ និងសួរនាំ ។
បន្ទាប់ពីនគរបាលមូលដ្ឋានកំពុងធ្វើកំណត់ហេតុ និងសាកសួរព័ត៌មាន ស្រាប់តែមានបុរសម្នាក់ទៅបើករថយន្ដ ចេញពីកន្លែងកើតហេតុបាត់តែម្ដង ។
អ្នករស់នៅជិតខាងបានឱ្យដឹងថា ស្រី ស្អាតរូបនេះបានមករស់នៅទីនេះច្រើន ខែមកហើយជាមួយនិងស្វាមីជាមន្ដ្រី មានមុខមាត់ម្នាក់ ហើយក៏មិនដឹងថា នាងជាប្រពន្ធស្របច្បាប់របស់មន្ដ្រីមានមុខមាត់ម្នាក់នោះដែរឬយ៉ាងណានោះទេ? ៕
ដោយ៖ ប្រាថ្នា
