ក្រុងបាងកក៖ មិនដល់២៤ម៉ោងផង ប្រទេសថៃរងនូវការវាយប្រហារដោយ គ្រាប់បែករហូតដល់ទៅ២ដង ។ នៅ វេលាល្ងាចថ្ងៃទី១៧ ខែសីហា ការបំផ្ទុះ គ្រាប់បែកទ្រង់ទ្រាយធំមួយបានបណ្ដាល ឱ្យមនុស្សស្លាប់ និងរបួសជាង១២០នាក់។ រីឯនៅរសៀលថ្ងៃទី១៨ ខែសីហា នៅ ទីក្រុងបាងកកដដែលមានករណីបំផ្ទុះ គ្រាប់បែកមួយឈុតទៀត ប៉ុន្ដែមិន បណ្ដាលឱ្យមានមនុស្សស្លាប់ និងរបួស នោះទេ ។
កាសែតបាងកកប៉ុស្ដិ៍បានផ្សាយថា គ្រប់បែកត្រូវបានគេគប់ទៅកាន់តំបន់ ផែសាថន ស្ថិតនៅក្នុងទីក្រុងបាងកក នា វេលាម៉ោង១និង២០នាទីរសៀលថ្ងៃទី១៨ ខែសីហា ឆ្នាំ២០១៥ ប៉ុន្ដែមិនបណ្ដាល ឱ្យមានមនុស្សស្លាប់ និងរបួសស ឬក៏ បង្កឱ្យមានការខូចខាតអ្វីនោះឡើយ ។ កាសែតដដែលបានផ្សាយថា ករណីនេះ បានកើតឡើងនៅកន្លែងទទួលអ្នកដំណើរ និងចំណតរថយន្ដតាក់ស៊ី ។ គ្រាប់បែក ត្រូវបានគេទម្លាក់ចូលទៅក្នុងទឹកទន្លេ ហើយក៏ផ្ទុះតែម្ដង ។
ប៉ូលិសនៅក្នុងតំបន់បានសម្រេចចិត្ដ បិទផ្លូវនៅម្ដុំដែលមានការបំផ្ទុះគ្រាប់ នោះ ប្រយោជន៍ដើម្បីរក្សាសន្ដិសុខ និង ស៊ើបអង្កេតរកប្រភពនៃគ្រាប់បែកនោះ។ តំបន់ផែសាថនជាទីកន្លែងកម្សាន្ដដ៏ ពេញនិយមនៃដងទន្លេចៅប្រាយ៉ា ជា ពិសេសសម្រាប់ភ្ញៀវទេសចរជនជាតិ ចិន ដែលមកលេងប្រទេសថៃ ពួកគេមិន អាចរំលងទីនេះបានឡើយ ។
នៅក្នុងការវាយប្រហារគ្រាប់ បែកនៅព្រះវិហារ Erawan កណ្ដាល ទីក្រុងបាងកកកាលពីយប់ថ្ងៃទី១៧ ខែ សីហាបណ្ដាលឱ្យមនុស្សស្លាប់និងរបួសជាង១២០នាក់ ។ មកទល់ពេលនេះមិន ទាន់មានក្រុមណាមួយចេញមុខទទួល ស្គាល់ថាជាសកម្មភាពវាយប្រហាររបស់ ខ្លួនដូចជាការវាយប្រហារនៅតំបន់ មជ្ឈិមបូព៌ាឬអឺរ៉ុបនៅឡើយ ។ តាមទ្រឹស្ដី ព្រះវិហារ Erawan ជាទីសក្ការបូជា សាសនាហិណ្ឌូបើទោះបីព្រះវិហារនោះ បានសាងសង់ឡើងក្នុងគោលដៅបម្រើ ទាំងសាសនានិងពាណិជ្ជកម្មក៏ដោយ។ ដូច្នេះក្រៅពីសាសនិកហិណ្ឌូក៏មានជន ជាតិថៃអ្នកកាន់ព្រះពុទ្ធសាសនានិងអ្នក ទេសចរជាច្រើនទៅកាន់ទីនោះ ។
ដោយសារតែនៅទីនោះមានភាពល្បីល្បាញបានជាគេមិនទាន់ហ៊ានសន្និដ្ឋាន ថា ជាភាគីណាមួយនៅពីក្រោយការវាយ ប្រហារគ្រប់បែកនោះ។រយៈពេលកន្លង មករដ្ឋាភិបាលថៃបានបើកការវាយ ប្រហារទៅលើកម្លាំងជនជាតិអ៊ិលស្លាម ទាមទារផ្ដាច់ខ្លួននៅភាគខាងត្បូងប្រទេស ថៃ ។ តាមសារព័ត៌មាន The Nation បញ្ជាក់ថា ក្រុមអ៊ិដស្លាមមានភាពទន់ ខ្សោយយ៉ាងខ្លាំងក្រោយរងការវាយ ប្រហារពីទាហានរដ្ឋាភិបាល ។
តាមសារព័ត៌មានAPបានផ្សាយថា ការវាយប្រហារខាងលើអាចជាមូល ហេតុផ្សេងដែលរដ្ឋាភិបាលថៃមិនទាន់ អាចជីកទាំងឫសបាន ។ ចាប់តាំងពីរដ្ឋា ភិបាលយោធាថៃឡើងកាន់អំណាចមក ទល់ពេលនេះនៅក្នុងប្រទេសថៃមាន បញ្ហាអសន្ដិសុខកើតឡើងដូចជាការវាយ ប្រហារគ្រាប់បែក នៅទីតាំងជាច្រើន ប៉ុន្ដែកម្រិតនៃវាយប្រហារនោះមិនធំ ដូចជាពេលនេះឡើយ ។
ចំណែកបណ្ដាញព័ត៌មាន BBC បាន ផ្សាយថា វិវាទនយោបាយក្នុងជួររដ្ឋាភិ បាលថៃកាន់អំណាចបច្ចុប្បន្នក៏ជាមូល ហេតុមួយនៃការវាយប្រហារគ្រាប់បែកខាងលើនេះដែរ ។ ជាមួយគ្នានេះបញ្ជី ឈ្មោះអ្នកនយោបាយកាន់តំណែងសំខាន់ៗ ក៏បានប្រកាស ខណៈដែលវិវាទផ្ទៃក្នុង កាន់តែតានតឹងខ្លាំងឡើង ។
ចំណែករដ្ឋាភិបាលថៃវិញបញ្ជាក់ថា ការវាយប្រហារខាងលើអាចជាសកម្ម ភាពវាយប្រហារពីជនបរទេស ។ តាម ការផ្សាយរបស់បណ្ដាញព័ត៌មានBBC ក្រុមជនជាតិភាគតិចអ៊ុយហ្គ័រកាន់ សាសនាអ៊ិាស្លាមដែលរត់ចេញពីប្រទេសចិនកំពុងតែខឹងសម្បាយ៉ាងខ្លាំងទៅលើ រដ្ឋាភិបាលថៃដែលបញ្ចូនពួកគេជាង ១០០នាក់ឱ្យត្រឡប់ទៅចិនវិញដោយ អ្នកទាំងនោះអាចត្រូវទទួលទោសនៅក្នុងប្រទេសចិនពីបទលួចទៅចូលរួមជាមួយក្រុមអ៊ិនស្លាមបង្កើតរដ្ឋនៅស៊ីរីនិងអ៊ីរ៉ាក់។
តម្លៃប្រាក់បាតធ្លាក់ថ្លៃយ៉ាងខ្លាំង ក្រោយការវាយប្រហារ នៅក្រុងបាងកកមិន ត្រឹមតែខូចខាតទ្រព្យសម្បត្ដិ និងអាយុ ជិវិតមនុស្សនោះឡើយ ប៉ុន្ដែសេដ្ឋកិច្ច ប្រទេសនេះត្រូវប្រឈមនឹងការខាតបង់យ៉ាងធំធេងផងដែរដោយតម្លៃប្រាក់បាតធ្លាក់ថ្លៃមួយរំពេចនៅថ្ងៃទី១៨ សីហា ហើយជាការធ្លាក់ចុះមិនធ្លាប់មានក្នុង រយៈពេល៦ឆ្នាំកន្លងមក ។
លោក Michael Every អគ្គនាយក Rabobank Group នៅហុងកុងបានឱ្យ ដឹងថា ការវាយប្រហារខាងលើជះឥទ្ធិពល ដោយផ្ទាល់ទៅលើទីផ្សារហិរញ្ញវត្ថុ។ ក្នុង ពេលជាមួយគ្នានេះសេដ្ឋកិច្ចថៃកំពុងតែធ្លាក់ចុះយ៉ាងខ្លាំងនៅក្នុងឆ្នាំនេះ ។ គណៈ កម្មការអភិវឌ្ឍន៍សេដ្ឋកិច្ចថៃបានទម្លាក់កំណើនសេដ្ឋកិច្ចពីការព្យាករណ៍៤ភាគ រយនៅសល់តែ២,៨ភាគរយប៉ុណ្ណោះ ។
រដ្ឋមន្ដ្រីក្រសួងការពារជាតិថៃលោក Prawit Wongsuwan បញ្ជាក់ថា អ្នក ដែលបង្កការវាយប្រហារនោះមានគោល ដៅបំផ្លាញសេដ្ឋកិច្ចជាតិនិងវិស័យទេសចរណ៍ដែលជាប្រភពចំណូលដ៏សំខាន់ របស់ជាតិ ។ ប្រាក់ចំណូលបានមកពី វិស័យទេសចរណ៍នៅប្រទេសថៃមាន រហូតដល់១០ភាគរយនៃប្រាក់ចំណូល សរុបរបស់ជាតិ ។
នៅពេលនេះទីតាំងសំខាន់ៗរបស់រដ្ឋដូចជាសាលារៀន៤៣៨កន្លែងក្នុងក្រុង បាងកកបានបិទទ្វារជាបណ្ដោះអាសន្ន ខ្លាចមានការវាយប្រហារផ្សេងទៀតកើត ឡើង ។ កម្លាំងសន្ដិសុខបានដាក់ពង្រាយ នៅគ្រប់ទិសទីការពារខ្លាចមានការវាយប្រហារណាមួយកើតឡើង ។
មកទល់ពេលនេះមានមនុស្សស្លាប់យ៉ាងតិច៣០នាក់និងជាង១២០នាក់ផ្សេង ទៀតបានរងរបួសបន្ទាប់ពីហេតុការណ៍ វាយប្រហារដោយការបំផ្ទុះគ្រាប់ស្ថិត នៅកណ្ដាលទីក្រុងបាងកកកាលពីយប់ថ្ងៃទី១៧ ខែសីហា ឆ្នាំ២០១៥ ។
លោក Prawith Thavornsiri អ្នក នាំពាក្យនគរបាលជាតិថៃបានបញ្ជាក់ថា វាពិតជាមានករណីផ្ទុះកើតមានឡើង ប៉ុន្ដែមិនបានបញ្ជាក់ថា ជាគ្រាប់បែក ប្រភេទណាដែលជនល្មើសប្រើប្រាស់នៅក្នុងការបំផ្ទុះពេលនេះឡើយ ។
បន្ទាប់ពីហេតុការណ៍បានកើតឡើងភ្លាមគេឃើញមានមនុស្សដេកដួលរដូក រណែលតាមផ្លូវ និងឃើញម៉ូតូដេកដួល ពេញផ្លូវផងដែរ ។ មន្ដ្រីប៉ូលិសបានចាប់ ផ្ដើមជម្លៀសប្រជាជននៅជិតៗនោះ ដើម្បីបញ្ចៀសគ្រោះថ្នាក់ ។ ម្យ៉ាងតំបន់ ខាងលើជាតំបន់ទេសចរណ៍ដែលមានអ្នក ទេសចរឆ្លងកាត់ទៅមកច្រើន។ ចំពោះ អ្នកស្លាប់និងរបួសគេនៅមិនទាន់អាច ទទួលព័ត៌មានច្បាស់លាស់នៅឡើយ ។
ប្រាយុទ្ធ ចាន់អូចា ៖ កាមេរ៉ាសុវត្ថិ ភាពថតបានរូបភាពជនល្មើស
នាយករដ្ឋមន្ដ្រីថៃលោកប្រាយុទ្ធ ចាន់ អូចា បានបញ្ជាក់ថា កាមេរ៉ាសុវត្ថិភាព នៅកន្លែងកើតហេតុថតបានរូបភាពនៃការវាយប្រហារខាងលើជាបុរសហើយ ប៉ូលិសកំពុងតែតាមចាប់ខ្លួន ។ លោក សន្និដ្ឋានទៀតថា ជនល្មើសខាងលើគឺជា សមាជិកក្រុមប្រឆាំងរដ្ឋាភិបាលថៃមកពីក្រុមអាវក្រហមគាំទ្រអតីតនាយករដ្ឋមន្ដ្រីថាក់ស៊ីន និងលោកស្រីយីងឡាក់។ ដូចអ្វីដែលលោកបានប្រកាសការស្រាវជ្រាវនឹងផ្ដោតទៅលើក្រុមអាវក្រហម ហើយអ្នកដែលត្រូវប្រឈមនឹងបញ្ហា បន្ថែមទៀតនោះគឺត្រកូលស៊ីណាវ៉ាត្រា។
តាមសម្ដីរបស់លោកប្រាយុទ្ធ ចាន់ អូចា ការវាយប្រហារនោះមិនមែនធ្វើ ឡើងដោយក្រុមអ៊ិកស្លាមនៅភាគខាង ត្បូងប្រទេសថៃនោះឡើយគឺជាក្រុមអាវ ក្រហមក្នុងគោលដៅធ្វើឱ្យសេដ្ឋកិច្ចជាតិធ្លាក់ចុះ ។ សកម្មភាពវាយប្រហារខាង លើត្រូវបានមេដឹកនាំយោធាថៃទម្លាក់ ទៅឱ្យក្រុមអ្នកគាំទ្រអតីតនាយករដ្ឋមន្ដ្រី ត្រកូលស៊ីណាវ៉ាត្រា ។ ចំណុចទាំងនោះ ទើបមានហេតុផលគ្រប់គ្រាន់ក្នុងការ កម្ចាត់ត្រកូលស៊ីណាវ៉ាត្រានិងបក្ខពួក ចេញពីឆាកនយោបាយជារៀងរហូត ។
ពលរដ្ឋកម្ពុជាមិនមានគ្រោះថ្នាក់ទេរាជរដ្ឋាភិបាលកម្ពុជាតាមរយៈ ក្រសួងការបរទេសនិងសហប្រតិបត្ដិការអន្ដរជាតិបានសម្ដែងការសោកស្ដាយ ចំពោះព្រឹត្ដិការណ៍បំផ្ទុះគ្រាប់បែកនៅ កណ្ដាលទីក្រុងបាងកកដែលបណ្ដាលឱ្យ មានមនុស្សស្លាប់និងរបួសនោះ តែយ៉ាង ណាក៏ដោយអ្នករងគ្រោះក្នុងព្រឹត្ដិការណ៍ នោះពុំមានលេចឮព័ត៌មានថាមានពលរដ្ឋខ្មែរនោះឡើយរហូតមកដល់ពេលនេះ។
នៅព្រឹកថ្ងៃទី១៨ ខែសីហា ឆ្នាំ២០១៥ អ្នកនាំពាក្យក្រសួងការបរទេសកម្ពុជា លោក ជុំ សន្ទរី បានឱ្យដឹងថា ក្រោយពី ព្រឹត្ដិការណ៍ផ្ទុះគ្រាប់បែកភ្លាមៗនៅ ទីក្រុងបាងកកលោកឧបនាយករដ្ឋមន្ដ្រី និងជារដ្ឋមន្ដ្រីក្រសួងការបរទេសបាន ទាក់ទងស្ថានទូតកម្ពុជាប្រចាំនៅទីក្រង បាងកកឱ្យតាមដានជាបន្ទាន់ដល់ព្រឹត្ដិ ការណ៍ផ្ទុះគ្រាប់បែកនៅទីនោះថា តើជន រងគ្រោះមានជនជាតិខ្មែរដែរឬយ៉ាង ណា? តែយ៉ាងណាក៏ដោយបើតាមអ្នក នាំពាក្យរួបនេះបានបញ្ជាក់ថា រហូតមក ដល់ពេលនេះពុំមានជនជាតិខ្មែរណារង គ្រោះនោះឡើយ ។
លោក ជុំ សន្ទរី បានបញ្ជាក់ថា “ស្ថានទូតរបស់យើងនៅទីក្រុងបាងកក បាននិងកំពុងតែយកចិត្ដទុកដាក់បំផុត ដើម្បីស្វែងរកប្រជាពលរដ្ឋយើងដែល កំពុងធ្វើការឬក៏រកស៊ីនៅទីក្រុងបាងកក ហើយរហូតមកដល់ពេលនេះយើងមិន ទាន់មានដំណឹងថា មានជនជាតិរបស់ យើងរងគ្រោះនោះឡើយ” ។
រាជរដ្ឋាភិបាលកម្ពុជាពុំមានគោល ការណ៍ប្រកាសថា មិនឱ្យប្រជាពលរដ្ឋ របស់ខ្លួនផ្អាកចេញចូលប្រទេសថៃនោះ ឡើយគ្រាន់តែអំពាវនាវដល់ប្រជាជន កម្ពុជាឱ្យមានការប្រុងប្រយ័ត្នខ្ពស់ និង មានការសោកស្ដាយចំពោះព្រឹត្ដិការណ៍ដ៏រន្ធត់នេះ ។
សហគមន៍អន្ដរជាតិថ្កោលទោសការ បំផ្ទុះគ្រាប់បែកនៅទីក្រុងបាងកក សហគមន៍អន្ដរជាតិក្នុងនោះមាន សហភាពអឺរ៉ុប សហរដ្ឋអាមេរិក និងអង្គ ការសហប្រជាជាតិផង បានថ្លែងថ្កោល ទោសនិងសម្ដែងមរណទុក្ខចំពោះជនរងគ្រោះដែលរងការវាយប្រហារគ្រាប់បែក ដ៏ឃោរឃៅនៅកណ្ដាលទីក្រុងបាងកក កាលពីវេលាម៉ោង៧និង៣០នាទីយប់ ថ្ងៃទី១៧ ខែសីហា ឆ្នាំ២០១៥ បណ្ដាលឱ្យ ស្លាប់និងរងរបួសមនុស្សរាប់រយនាក់។
អ្នកនាំពាក្យសហភាពអឺរ៉ុបបាន សម្ដែងមរណទុក្ខដល់ក្រុមគ្រួសារជនរងគ្រោះហើយទទូចឱ្យពន្លឿនការព្យាបាលមុខរបួសដល់ជននៅរស់រានមានជីវិត ។
អង្គការសហប្រជាជាតិក៏បានចេញ សេចក្ដីថ្លែងការណ៍ចូលរួមសោកស្ដាយ និងរំលែកមរណទុក្ខដល់គ្រួសារជនរង គ្រោះនិងរដ្ឋាភិបាលថៃផងដែរ ។
សេចក្ដីថ្លែងការណ៍របស់អង្គការ សហប្រជាជាតិបានបញ្ជាក់ថា ទាំង លោក បាន គីមួន អគ្គលេខាធិការអង្គ ការសហប្រជាជាតិនិងមន្ដ្រីអង្គការសហប្រជាជាតិទាំងអស់មានការក្ដុកក្ដួល រន្ធត់ចិត្ដជាពន់ពេកនៅពេលទទួលព័ត៌ មានអំពីការវាយប្រហារសម្លាប់រង្គាល បែបនេះ ។
មិនខុសគ្នានេះដែរស្ថានទូតអាមេរិកប្រចាំនៅក្រុងបាងកកក៏បានទទូចឱ្យពលរដ្ឋអាមេរិកដែលកំពុងនៅក្នុងប្រទេស ថៃមានការប្រុងប្រយ័ត្ន ហើយចៀសវាង ការធ្វើដំណើរទៅកាន់ទីកន្លែងដែលជួប ឧបទ្ទវហេតុនេះ ។
បន្ទាប់ពីហេតុការណ៍បានកើតឡើងភ្លាមគេឃើញមានមនុស្សដេករដូក រណែលតាមផ្លូវនិងឃើញម៉ូតូដេកដួល ពេញផ្លូវផងដែរ ។ មន្ដ្រីប៉ូលិសបានចាប់ ផ្ដើមជម្លៀសប្រជាជននៅជិតៗនោះ ដើម្បីបញ្ចៀសគ្រោះថ្នាក់ ។ ម្យ៉ាងតំបន់ ខាងលើជាតំបន់ទេសចរណ៍ដែលមានអ្នក ទេសចរឆ្លងកាត់ទៅមកច្រើនផងដែរ ។
ប្រភពព័ត៌មានបរទេសបានបញ្ជាក់ថា គ្រាប់បែកដែលបំផ្ទុះនេះត្រូវបានធ្វើ ឡើងនៅមិនឆ្ងាយប៉ុន្មានពីចំណុចប្រសព្វ Rajprasongដែលធ្លាប់ជាទីតាំងក្រុម បាតុករប្រមូលផ្ដុំគ្នាធ្វើបាតុកម្មប្រឆាំង រដ្ឋាភិបាលកាលពីប៉ុន្មានឆ្នាំមុនឡើយ។ ចំពោះករណីវាយប្រហារដោយគ្រាប់ បែកនេះគេនៅមិនទាន់អាចសន្និដ្ឋាន បាននៅឡើយទេថា វាជាករណីភេរវកម្ម ឬជាការបង្កអស្ថិរភាពនិងអសន្ដិសុខនៅក្នុងប្រទេសថៃដោយក្រុមណាមួយឡើយ ។
ប៉ុន្ដែចាប់តាំងពីរដ្ឋប្រហារយោធាកើតមានឡើងកាលពីខែឧសភា ឆ្នាំ២០១៤ ស្ថានភាពនៅក្នុងប្រទេសថៃមានភាពល្អប្រសើរ ពោលគឺគ្មានភាពចលាចល គ្មានបាតុកម្មគ្មានការវាយប្រហារឬ ហិង្សាកើតឡើងហើយបញ្ហាសេដ្ឋកិច្ច ទៀតសោតកំពុងតែងើបឡើងបន្ដិចម្ដងៗ មិនគួរណាពេលនេះបែរជាមានករណី វាយប្រហារគ្រាប់បែកសម្លាប់រង្គាល យ៉ាងដូច្នេះសោះហើយក្នុងចំណោមអ្នក ដែលបាត់បង់ជីវិតមានអ្នកទេសចរ បរទេសផងដែរ ។
