ខេត្តត្បូងឃ្មុំ៖ លោកវរសេនីយ៍ឯក ប្រាក់ ប៊ុនណុន ស្នងការងផែនព្រហ្មទណ្ឌបានឲដឹងថា ទីតាំងសង្វៀនបញ្ជល់មាន់ខុសច្បាប់មួយកន្លែង ដែលបើកលេងលួចលាក់នោះ ត្រូវបានបង្រ្កាប។ ហើយប្រតិបត្តការនេះធ្វើរឡើងកាលវេលាម៉ោង ១១,៤៥នាទីថ្ងៃទី២៧ ខែកញ្ញា ឆ្នាំ២០១៥ នៅចំណុចភូមិស្អំ ឃុំក្រែក ស្រុកពញាក្រែក ខេត្តត្បូងឃ្មុំ និងដឹកនាំដោយ លោក ទៀវ ពណ្ណរាយ ព្រះរាជអាជ្ញារងអមសាលាដំបូងខេត្ត រួមនឹងសមត្ថកិច្ចជំនាញជាច្រើននាក់។
លោកបានបន្តឲដឹងថា ក្នុងនោះសម្មត្ថកិច្ចនគរបាលខេត្ត បានធ្វើរឃាត់មនុស្សចំនួន៤នាក់ និងដកហូតម៉ូតូ៤៩គ្រឿង និងសំភារះបំរើការឲប្រព្រឹត្តបទល្មើសនេះជាច្រើនមុខទៀត ។
ចំពោះអ្នកលេងល្បែងបញ្ជល់មាន់ទាំង៤នាក់ ទី១-ឈ្មោះ ញ៉េប ធី ភេទប្រុស អាយុ៤០ឆ្នាំ នៅភូមិត្រពាំងសុខា ឃុំក្រែក ស្រុកពញាក្រែក, ២-ឈ្មោះ ហៃ ណាន ភេទប្រុស អាយុ៣១ឆ្នាំ នៅភូមិស្អំ ឃុំក្រែក ស្រុកពញាក្រែក, ៣-ឈ្មោះ ម៉ៅ ម៉ាន់ ភេទប្រុស អាយុ៤៧ឆ្នាំ នៅភូមិ-ឃុំជាមួយអ្នកទី២ និង៤-ឈ្មោះ ម៉ល់ លីម ភេទប្រុស អាយុ៣៣ឆ្នាំ នៅភូមិជីពាំង ឃុំក្រែក ស្រុកពញាក្រែក ។
លោកស្នងការងក៏បានបញ្ជាក់ឲដឹងដែរថា ករណីនេះបច្ចុប្បន្ន វត្ថុតាង និងអ្នកលេងទាំងអស់ត្រូវបាននាំមករក្សាទុកជាបណ្តោះអាសន្ននៅអធិការដ្ឋាននគរបាលស្រុកពញាក្រែក រងចាំកសាងសំណុំរឿងបញ្ជូនទៅសាលាដំបូងខេត្ត ដោយតំរូវឲ្យម្ចាស់ម៉ូតូនីមួយៗត្រូវចូលខ្លួនមកដោះស្រាយចំពោះមុខច្បាប់ និងទទួលការផាកពិន័យទៅតាមច្បាប់ និងធ្វើកិច្ចសន្យាឲ្យបញ្ឈប់មិនឲ្យមានលេងជាបន្តទៀត ៕
ដោយ៖ វណ្ណះ
