ភ្នំពេញ៖ យុវជន២នាក់ត្រូវកម្លាំងនគរបាលព្រហ្មទណ្ឌខណ្ឌសែនសុខធ្វើការឃាត់ខ្លួន ករណីពីបទប្រើប្រាស់គ្រឿងញៀននិងជាមុខសញ្ញាឆក់។
ករណីឃាត់ខ្លួននេះបានធ្វើឡើងកាលពីវេលាម៉ោង១១និង៤០នាទីព្រឹកថ្ងៃទី២២ខែមិថុនាឆ្នាំ២០១៧នៅចំណុចផ្លូវ៥៩៨ផ្ទះជួលសង្កាត់ទឹកល្អក់១ ខណ្ឌទួលគោក។
សមត្ថកិច្ចបានអោយដឹងថា៖ ជនសង្ស័យដែលឃាត់ខ្លួននោះទី១-មានឈ្មោះ សុខ សី ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅចំណុចកើតហេតុទី២ឈ្មោះ ព្រំ វាសនា (ហៅអាប៉ះ) ភេទប្រុសអាយុ១៧ឆ្នាំមុខរបរមិនពិតប្រាកដស្នាក់នៅសង្កាត់ទឹកល្អក់១ខណ្ឌទួលគោក។
ប្រភពពីសមត្ថកិច្ចបានអោយដឹងថាមុននិងឃាត់ខ្លួនជនសង្ស័យទាំងពីនាក់ខាងលើគឺសមត្ថកិច្ចបានធ្វើការល្បាតនៅក្នុងមូលដ្ឋានពេលនោះជនសង្ស័យឃើញក៍ជិះម៉ូតូរត់ភ្លាមនោះសមត្ថកិច្ចក៍ជិះម៉ូតូដេញតាមរហូតដល់ផ្លូវ៥៩៨ផ្ទះកើតហេតុជនសង្ស័យក៍រត់ចូលក្នុងផ្ទះទើបសមត្ថកិច្ចឃាត់ខ្លួនបានតែម្តង។
ម៉ូតូដែលជនសង្ស័យជិះនោះម៉ាកស៊ុយសុីគីnexព័ណសពាក់ស្លាកលេខភ្នំពេញ1GL0898។
បច្ចុប្បន្នជនសង្ស័យទាំងនាក់កំពង់ឃាត់ខ្លួននៅអធិការដ្ឋានខណ្ឌសែនសុខធ្វើការសាកសួបន្ត៕

ដោយ៖តុង សីហា