មិចស៊ីកូ មិនចំណាយប្រាក់សាងសង់ជញ្ជាំងព្រំដែន ជាមួយអាមេរិកឡើយ

ចែករំលែក៖

កាលពីថ្ងៃទី​១៨ខែមករា រដ្ឋាភិបាលប្រទេសមិចស៊ីកូ បានបញ្ជាក់ថា និងមិនចំណាយ ទៅលើគម្រោងសាងសង់ជញ្ជាំងព្រំដែន ជាមួយអាមេរិកនោះឡើយ ។

នៅក្នុងសេចក្តីប្រកាស​ រដ្ឋមន្ត្រីការបរទេសមិចស៊ីកូ បានបញ្ជាក់ថា ប្រទេសមិចស៊ីកូ កំពុងតែមានបញ្ហា ហឹង្សា​​ ប៉ុន្តែ បានច្រានចោល ការប្រកាសរបស់ប្រធានាធិបតីអាមេរិក ដែលបានចាត់ទុកមិចស៊ីកូ​ជាប្រទេសគ្រោះថ្នាក់បំផុតលើពិភពលោក។

ក្រសួងការបរទេសមិចស៊ីកូ បានបញ្ជាក់ថា បញ្ហាហឹង្សាពាក់ព័ន្ធនិងការជួញដូរគ្រឿងញៀន អាវុធ​និង លុយខ្មៅ​ជា កាតព្វកិច្ចរួម​ ហើយបញ្ហាទាំងនោះនឹងត្រូវបញ្ចប់​ នៅពេលដែលតម្រូវការប្រើប្រាស់នៅអាមេរិកត្រូវបញ្ចប់នោះ​។

ពាក់ព័ន្ធនិងកិច្ចព្រមព្រៀងពាណិជ្ជកម្ម​សេរី អាមេរិកខាងជើង​(NAFTA)ដែលមាន មិចស៊ីកូ អាមេរិក និងកាណាដា​។ ក្រសួងការបរទេសមិចស៊ីកូ បានបញ្ជាក់ថា ប្រទេសនេះនឹងបន្ត​ពិភាក្សា​ដើម្បីផលប្រយោជន៍រួម ទាំងអស់គ្នា។

ប្រតិកម្មរបស់រដ្ឋាភិបាលមិចស៊ីកូកើតឡើង​ក្រោយពេលប្រធានាធិបតីអាមេរិកដូណាលត្រាំ​បានរិះគន់ NAFTA ​ ហើយបញ្ជាក់ថា​ការកសាងជញ្ជាំងព្រំដែនជារឿងសំខាន់បំផុត ក្នុងការទប់ស្កាត់សកម្មភាពជួញដូរគ្រឿងញឿន​ ធានាសន្តិសុខ ហើយមិចស៊ីកូ​ត្រូវតែចំណាយប្រាក់សម្រាប់គម្រោងខាងលើ។បើគ្មានជញ្ជាំងព្រំដែន គឺគ្មានកិច្ចព្រមព្រៀង ពាណិជ្ជកម្ម។

មិចស៊ីកូជាប្រទេស រងផលប៉ះពាល់ខ្លាំងជាងគេដោយសារតែការជួញដូរគ្រឿងញៀន ។ ក្នុងរយៈពេល ១ទសវត្សន៍កន្លងមក​ សង្គ្រាមប្រឆាំងគ្រឿងញៀន និងការសងសឹកគ្នាទៅវិញទៅមករវាងក្រុមជួញដូរគ្រឿងញៀន​បានសម្លាប់មនុស្ស​យ៉ាងតិច​១៥០.០០០នាក់ និងជាង​៣០ពាន់នាក់បាត់ខ្លូន៕

...

ដោយ៖ មែវ សាធី

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print