អាមេរិក-កូរ៉េខាងជើង៖ នៅថ្ងៃទី ១៥ ខែកក្កដា អាមេរិកនិងកូរ៉េខាងជើង បានជួបពិភាក្សាគ្នាស្តីពីការប្រគល់ធាតុទាហានអាមេរិក ដែលបានស្លាប់នៅក្នុងសង្គ្រាម ឧប្បទ្វីបកូរ៉េ ឆ្នាំ១៩៥០-១៩៥៣។
សារព័ត៌មាន យ៉ុនហាប់បានដកស្រង់សម្តីមន្ត្រីកូរ៉េខាងត្បូង បានបញ្ជាក់ថា៖ ជំនួបរវាងអាមេរិកនិងកូរ៉េខាងជើង ស្តីពី ការប្រគល់ធាតុទាហានអាមេរិក ដោយជំនួបនោះធ្វើឡើងនៅភូមិ Panmunjom ។
រថយន្ត៣គ្រឿងបានដឹក មន្ត្រីអាមេរិក បានឆ្ពោះទៅកាន់ ស្ពាន់ Tongil ជិតព្រំដែនប្រទេសទាំងពីរ កាលពីវិលាម៉ោង ៨និង២០នាទីព្រឹកថ្ងៃទី ១៥ខែកក្កដា ដើម្បីឆ្ពោះទៅកាន់ តំបន់ Panmunjom ។
តាមសារព័ត៌មានយ៉ុនហាប់កិច្ចពិភាក្សានៅថ្ងៃទី១៥ខែកក្កដា នឹងផ្តោតទៅលើ ពេលវេលា និងវិធីដែលត្រូវប្រគល់ធាតុទាហានអាមេរិក ឲ្យភាគីអាមេរិកវិញ។ក្រៅពីនេះកូរ៉េខាងជើង អាចលើកឡើងពីលក្ខណះមួយចំនួន មកពិភាក្សា ក្នុងនោះមានទាំងបទឈប់បាញ់កាលពីឆ្នាំ១៩៥៣ បញ្ចប់សង្គ្រាមឧប្បទ្វីប កូរ៉េ ដោយកូរ៉េខាងជើង ស្នើរឲ្យមានសិន្ធិសញ្ញាសន្តិភាព។
កន្លងមកកូរ៉េខាងជើង និងអាមេរិក បានឡើងគម្រោង ពិភាក្សាស្តីពីការប្រគល់ធាតុទាហាន ប៉ុន្តែកូរ៉េខាងជើងប្តូរពេលវេលាដោយមិនឲ្យភាគីអាមេរិកដឹកមុន ធ្វើឲ្យមន្ត្រីអាមេរិកទៅរងចាំនៅតំបន់ព្រំដែន។ ក្រោយមកទើបកូរ៉េខាងជើងផ្តល់ព័ត៌មានស្តីពីការលើកពេល មកថ្ងៃទី១៥ខែកក្កដាវិញ។
តាមចំណុចទី៤នៅក្នុងសេចក្តីប្រកាសរួម ក្រោយកិច្ចប្រជុំរវាងប្រធានាធិបតីដូណាលត្រាំ និងគីមជុងអ៊ុន កាលពីថ្ងៃទី១២ខែមិថុនា នៅប្រទេសសឹង្ហបុរី អាមេរិកនិងកូរ៉េខាងជើង បានសន្យា ប្រគល់ធាតុទាហានអាមេរិកវិញ។
មានទាហានអាមេរិកជាង៣៦.៥០០នាក់ ស្លាប់នៅក្នុងសង្គ្រាមឧប្បទ្វីបកូរ៉េ ។តាមតួលេខរបស់ទាហានអាមេរិកបានបញ្ជាក់ថា មានទាហានអាមេរិក ៧.៧០០នាក់ បាត់ខ្លួននៅក្នុងសង្រ្គាម ឧប្បទ្វីបកូរ៉េ ក្នុងនោះ ៥.៣០០នាក់បានបាត់ខ្លួននៅក្នុងទឹកដីកូរ៉េខាងជើង ៕
ដោយ៖ មែវ សាធី
