អឺរ៉ុបស្នើរឲ្យបើកការស្រាវជ្រាវ​ករណីធ្វើឃាត​ប្រធានាធិបតីវេណេហ្ស៊ូអេឡាមិនបានសម្រេច

ចែករំលែក៖

សហគមន៍អឺរ៉ុប ៖ នៅថ្ងៃទី​១១ខែសីហា នេះសហគមន៍អឺរ៉ុប  បានអំពាវនាវ ឲ្យបើកការស្រាវជ្រាវ ជាទ្រង់ទ្រាយ​ និងតម្លាភាព​ទៅលើករណីធ្វើឃាតប្រធានាធិបតីវេណេហ្ស៊ូអេឡា មិនបានសម្រេចដោយយន្តហោះដ្រូនគ្មានមនុស្សបើកកាលពីថ្ងៃទី ៤ខែសីហា។

    សារព័ត៌មាន​ AP ​បានផ្សាយថា៖ ប្រធានគណកម្មការកិច្ចកាចារបរទេស លោកស្រី​ Ferderica Mogherini  បង្ហាញក្តីសង្ឃឹមថា នឹងមានការស្រាជ្រាវប្រកបដោយតម្លាភាព លើករណីប៉ុនប៉ងធ្វើឃាតខាងលើ​។  

 លោកស្រីបានបន្តទៀតថា ៖ សហគមន៍អឺរ៉ុប បានគាំទ្រឲ្យបើកការស្រាវជ្រាវដោយតម្លាភាព និងសន្តិភាព ។

ប្រធានាធិបតីម៉ាឌូរ៉ូ បានចោទប្រកាន់ក្រុមប្រឆាំងនៅពីក្រោយការធ្វើឃាតទាំងនោះ  សភាវេណេហ្ស៊ូអេឡាបានដកហូតអភិឯកសិទ្ធ តំណាងរាស្ត្រប្រឆាំងពីររូប ដែលកំពុងរស់នៅបរទេស ក្នុងនោះមានលោក​ Julio Borges និង​ Juan Requesens ។ 

  តុលាការវេណេហ្ស៊ូអេឡា បានចេញដិកាចាប់ខ្លួន អតីតតំណាងរាស្ត្រទាំងពីររូប មកកាត់ទោសទៅតាមផ្លូវច្បាប់។

ជាមួយគ្នានេះដែរ រដ្ឋាភិបាល​វេណេស៊ុយអេឡា​​បានស្នើប៉ូលិសអន្តរជាតិ​អាំងទែរប៉ូល (Interpol) ធ្វើការចាប់ខ្លួន​អតីតអនុប្រធានបក្សប្រឆាំង​វេណេស៊ុយអេឡា គឺលោក ជូលីយ៉ូ ប៊ែរហ្គែស (Julio Borges) ដែលត្រូវបានចោទ​ប្រកាន់ថា បានរៀបចំគំរោងធ្វើឃាត​ប្រធានាធិបតី​វេណេស៊ុយអេឡា​លោក នីកូឡា ម៉ាឌូរ៉ូ កាលពីចុង​សប្តាហ៍មុន។

ជុំវិញបញ្ហានេះ​លោក ហ្សក រ៉ូទ្រីហ្គែស រដ្ឋមន្ត្រី​ទំនាក់ទំនង និងវប្បធម៌​របស់​វេណេស៊ុយអេឡា បាន​គូសបញ្ជាក់ថា៖ «អតីតអនុប្រធាន​បក្ស​ប្រឆាំង​ស្តាំនិយម Borges ត្រូវតែចូលមកឆ្លើយនឹងសំនួរ​នានា អំពីការចូលរួមរបស់ខ្លួន​​ក្នុងទង្វើប៉ុនប៉ង​​ធ្វើឃាត​ប្រធានាធិបតី​ ម៉ាឌូរ៉ូ នៅចំពោះមុខ​តុលាការរបស់​​វេណេស៊ុយអេឡា»។

គួរបញ្ជាក់ថា ៖ នៅក្នុងសន្និសីទ​សារព័ត៌មានមួយក្នុងរដ្ឋធានី​ការ៉ាកាស់ លោករដ្ឋមន្ត្រីទំនាក់ទំនង​វេណេស៊ុយអេឡា ក៏បង្ហាញផងដែរនូវខ្សែ​វីដេអូមួយ អំពីអនុប្រធាន​បក្សប្រឆាំងមួយ​រូបទៀត គឺលោក ចូអាន រីឃ្វិនសិន (Juan Requesens) បានរួមផ្សំគំនិតគ្នាជា​មួយនឹងលោក Borges ដោយមានការជួយ​ពីក្រុមប្រឆាំងនៅ​វេណេស៊ុយអេឡា​ផងដែរ។

ផ្អែកទៅលើ​ភស្តុតាងទាំងនេះ រដ្ឋាភិបាល​វេណេស៊ុយអេឡា បានស្នើ​ទៅប៉ូលិស Interpol ចេញដីកា​ចាប់ខ្លួន​លោក Borges ពីបរទេសត្រឡប់មកកាន់​វេណេស៊ុយអេឡាវិញ​ ដើម្បីប្រឈមមុខ​ផ្លូវច្បាប់៕

ដោយ៖ មែវ សាធី

 


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print