ប្រទេសនៅជុំវិញពិភពលោកបង្កើនការពារសុវត្ថិភាពនៅយប់ឆ្លងឆ្នាំ២០១៨ឈានចូល២០១៩នេះ

ចែករំលែក៖

នៅយប់នេះប្រទេសជុំវិញពិភពលោក បានរៀបចំពីធីឆ្លងឆ្នាំ ដោយមានកម្មវិធីសប្បាយយៗជាច្រើន​ ។​ ពេលនោះដែរ​ក៏ជាឱកាស នៅក្នុងការវាយប្រហារ របស់ក្រុមភេរវកម្ម ដែលបានបង្កប់ខ្លួននៅគ្រប់ទិសទី ​ពិសេសគឺបណ្តាប្រទេសលោកខាងលិច ដែលជាគោលដៅវាយប្រហារ ធំបំផុត របស់ក្រុមភេរវកម្ម។

ដើម្បីឆ្លងឆ្នាំប្រកបដោយសប្បាយរីករាយ​ ប៉ូលិសទីក្រុងញ៉ូវយ៉ក បានប្រកាសថា នឹងប្រើប្រាស់​យន្តហោះគ្មានមនុស្សបើក ដើម្បីតាមដាននៅតំបន់ផ្សេងៗ ដែលមានពិធីឆ្លងឆ្នាំ​។ យន្តហោះឌ្រូនអាចតាមដានបានយ៉ាងច្បាស់នៅពីលើ ប្រសិនបើមានភាពចលាចលកើតឡើង នឹងអាចដោះស្រាយឲ្យបានទាន់ពេលវេលា ។

ដើម្បីធានាដល់សុវត្ថិភាព ពលរដ្ឋ និងការសម្បាយឆ្លងឆ្នាំពេញលេញ​ ប្រធានការិយាល័យ​​សន្តិសុខលោក​ Terence Monahan​ បានប្រកាសថា យន្តហោះឌ្រូនដែលបំពេញការ ងា គឺមានខ្សែចងជាប់ជាមួយអាគារខ្ពស់​ៗ ដើម្បីឲ្យហោះហើយ ក្នុងតំបន់ដែលបានកំណត់ទុក។
តាមអនុប្រធាន គណកម្មការ ប្រឆាំងភេរវកម្ម លោក​ John Miller ​បានបញ្ជាក់ថា​ យន្តហោះឌ្រូន នឹងជួយដល់ កម្លាំងសន្តិសុខ អាច​ដឹកនៅកន្លែងដែលមានភាពចលាចលកើតឡើង ក៏ដូចជាបញ្ជូនកាម៉ារ៉ាសន្តិសុខទៅកាន់ទីនោះបានឆាប់បំផុត ។ ប៉ូលិសទីក្រុងញ៉ូវយ៉កបង្ហាញការជឿជាក់ថា និង មិនមានការគំរាមកំហែង កើតឡើងនៅក្នុងឱកាសឆ្លងឆ្នាំនេះឡើយ ។

នេះជាលើកទីមួយដែលទីក្រុងញ៉ូវយ៉កប្រើប្រាស់ឧបករហោះហើរគ្មានមនុស្សបើក ដើម្បី ត្រួតពិនិត្យសន្តិសុខ ​ ។ទន្ទឹមនឹងនោះក៏មាន កម្លាំងសន្តិសុខ ប្រមាណ​៧ពាន់នាក់ បានដាក់ពង្រាយការពារនៅគ្រប់ទិសទី ក្នុងតំបន់ ។ តាមការវាយតម្លៃ នៅក្នុងទីលានឆ្លងឆ្នាំក្នុងទីក្រុងញ៉ូវយ៉ក និងមានពលរដ្ឋចូលរួមយ៉ាងតិច​២លាននាក់ ។
ក្រៅពីនេះប្រទេសអូស្ត្រាលី​ បារាំង​ អង់គ្លេស អាល្លឺម៉ង់​… បានបង្កើនការការពារសន្តិសុខ បញ្ជៀសរឿងអាក្រក់កើតឡើងនៅដើមឆ្នាំ​២០១៩ ៕

...

ដោយ៖ មែវ សាធី

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print