ភ្នំពេញ៖ រថយន្តឡុចស៉ីសRX300ត្រូវបានម្ចាស់ដើមប្រទះឃេីញបុរសម្នាក់ទៀតជាម្ចាស់ថ្មីកំពុងតែបេីកបររួចក៏ស្ទាក់ចាប់ប្រគល់ទៅឲ្យសមត្ថកិច្ច បន្ទាប់ពីម្ចាស់ដើមបានប្រគល់រថយន្តទៅឲ្យបុរសអតីតម្ចាស់ឃ្លាំងយីហោ ណុប ធានី រហូតបាត់ដំណឹងសូន្យអស់រយៈពេលជាច្រើនថ្ងៃ។ ហេតុការណ៍នេះបានបង្កឲ្យមានការភ្ញាក់ផ្អើលឡេីងកាលពីវេលាម៉ោង៨យប់ ថ្ងៃទី០៧ ខែមេសា ឆ្នាំ២០១៩ត្រង់ចំណុចខាងជេីងស្តុបផ្សារដីហុយប្រមាណ២០០ម៉ែត្រ តាមបណ្ដោយផ្លូវហាណូយ ខណ្ឌសែនសុខ។
រថយន្តខាងលេីម៉ាក ឡុចស៉ីសRX300 ពណ៌ស ពាក់ស្លាកលេខ ភ្នំពេញ 2AT-5457។ រីឯជនរងគ្រោះទី១ជាម្ចាស់ដេីមមានឈ្មោះ សុខ សារិត ភេទប្រុស អាយុ៣៦ឆ្នាំ មុខរបលក់ដូរ ស្នាក់នៅផ្ទះ២ ផ្លូវលំ ភូមិគោកឃ្លាង សង្កាត់គោកឃ្លាង ខណ្ឌសែនសុខ។ ចំណែកឈ្មោះ ណុប ធានី ភេទប្រុស អាយុ៣៦ឆ្នាំ ជាអតីតម្ចាស់ឃ្លាំងលក់រថយន្តយីហោ ណុប ធានី ស្នាក់នៅសង្កាត់ភ្នំពេញថ្មី ខណ្ឌសែនសុខ។
បេីតាមសម្តីពីជនរងគ្រោះជាម្ចាស់ដេីមរថយន្តបានរៀបរាប់ប្រាប់ឲ្យដឹងថា កាលពីខែមិនា ឆ្នាំ២០១៨ គាត់បានទិញរថយន្តខាងលេីពីឃ្លាំងយីហោ ណុប ធានី ដែលជារបស់ជនឆបោកនោះក្នុងតម្លៃ១៧៦០០ដុល្លារ។ ពេលនោះដោយជនឆបោកជាម្ចាស់ឃ្លាំងបានប្រាប់មកគាត់ថាបេីកពេលណាដែល ចង់លក់រថយន្តវិញ អាចទាក់ទងមករូបគេវិញបាន ហេីយជនរងគ្រោះក៏បានយករថយន្តនោះ ទៅធ្វេីស្លាកលេខ បេីកបរបម្រេីកិច្ចការងារជាធម្មតា។ រហូតអស់រយៈពេលប្រហែលមួយឆ្នាំ គាត់ក៏ចង់លក់រថយន្តខាងលេីប៉ុន្តែ មិនដឹងយកទៅលក់នៅឯណាដាច់ រួចគាត់ក៏ទាក់ទងទៅជនឆបោកខាងលេី ដេីម្បីឲ្យជួយលក់រថយន្តឲ្យ។ លុះដល់ថ្ងៃទី២០ ខែមិនា ឆ្នាំ២០១៩ ជនឆបោកខាងលើក៏បានទូរស័ព្ទមករូបគាត់ឲ្យយករថយន្តរបស់គាត់ទៅលាងសំអាតឲ្យស្អាត់ រួចមកជនឆបោកនោះក៏ប្រេីឲ្យបុុរសម្នាក់ទៀតជាបក្សពួកឈ្មោះ កុយ ខាង មកយករថយន្តខាងលើពីរូបគាត់ ដោយប្រាប់ថាយកទៅប៉ូលាទេីបលក់បានថ្លៃ រួចគាត់ក៏ព្រមប្រគល់រថយន្តខាងលេីឲ្យ។ រហូតដល់ថ្ងៃទី២៣ ខែមិនាកន្លងផុតទៅ ជនឆបោកខាងលេីក៏បានទូរស័ព្ទមករកគាត់ដោយប្រេីបុរសឈ្មោះ កុយ ខាង ឲ្យមកយកកាតគ្រីរថយន្តនិងអន្តសញ្ញាណប័ណ្ឌហ្វូតូរបស់គាត់ ថែមទាំងប្រាប់ថាលុយលក់រថយន្តចំនួន១៨៤៥០ដុល្លារូបរគេនិងយកទៅប្រគល់ឲ្យនៅរយះប្រហែល៤ទៅ៥ថ្ងៃទៀត។ លុះដល់ថ្ងៃកំណត់ដែលជនឆបោកខាងលេីបានសន្យាថានិងយកលុយមកឲ្យ ប៉ុន្តែបែរជាមិនឃេីញ ពេលនោះគាត់ក៏ទូរស័ព្ទទៅលេខរបស់ជនឆបោកខាងលើជាច្រើនដងតែមិនអាចទាក់ទងបាន។ បន្ទាប់មកគាត់ក៏ប្រញាប់ទៅផ្ទះរបស់ជនឆបោកខាងលេី ប៉ុន្តែបានជួបតែប្រពន្ធរបស់ជនឆបោក ហេីយពេលដែលគាត់សួរ ស្រាប់តែស្ត្រីជាប្រពន្ធនោះបានឆ្លើយមកវិញថា ពួកគេទាំងពីរបានលែងលះគ្នាហេីយ ទេីបគាត់សម្រេចចិត្តទៅប្តឹងសមត្ថកិច្ចមូលភ្នំពេញពេលថ្មីតែម្ដងទៅ។ លុះរហូតដល់ថ្ងៃកេីតហេតុ ក៏មានប្អូនប្រុសរបស់គាត់មនាក់បានប្រទះ ឃើញរថយន្តខាងលេីរបស់គាត់ ដែលមានបុរសម្នាក់ផ្សេងទៀតកំពុងបេីកបរតាមបណ្ដោយហាណូយ ក្នុងទិសដៅពីជេីងទៅត្បូង ត្រង់ចំណុចកេីតហេតុខាងលេី។ ខណៈពេលដែលប្អូនប្រុសរបស់គាត់កំពុងឈរលក់សាច់អាំងនៅក្បែរនោះ ភ្លាមៗនោះប្អូនប្រុសរបស់គាត់ក៏បានស្ទុះទៅធ្វេីស្ទាក់ឃាត់រថយន្តខាងលេីតែម្តង។
បេីតាមប្រភពពីសមត្ថកិច្ចមូលដ្ឋានបានរៀបរាប់ប្រាប់ឲ្យដឹងថា ជនឆបោកខាងលើបានយករថយន្តពីជនរងគ្រោះ រួចបានលក់រថយន្តនោះទៅឲ្យបុរសម្នាក់ឈ្មោះ ផាត សារ៉ាត់ ភេទប្រុស អាយុ៣០ឆ្នាំ ជាអ្នកទិញលក់រថយន្ត និងធ្លាប់ស្គាល់រកស៉ីទិញលក់រថយន្តជាមួយនិងជនឆបោកខាងលេីប៉ុន្តែមិនបានបញ្ជាក់ថាលក់ក្នុងតម្លៃប៉ុន្មាននោះទេ ហេីយជនឆបោកក៏បានគេចខ្លួនបាត់ស្រមោល។ បន្ទាប់មកបុរសឈ្មោះផាត សារ៉ាត់ ក៏បាន លក់រថយន្តខាងលើបន្តទៅឲ្យបុរសម្នាក់ទៀតឈ្មោះ ឈាន សុផាត អាយុ៣៩ឆ្នាំ ជាបុគ្គលិករោងចក្រកាត់ដេរ ដោយមានភ្ជាប់ជាមួយឯកសារកាតគ្រីរបស់រថយន្តត្រឹមត្រូវ ក្នុងតម្លៃ១៨៤៥០ដុល្លារ។ ហេីយខណៈពេលដែលបុរសចុងក្រោយដែលទិញរថយន្តខាងលើជិះទេីបតែបាន៥ថ្ងៃ ក៏ត្រូវបានជនរងគ្រោះជាម្ចាស់ដេីមប្រទះឃើញរួចក៏ស្ទាក់ចាប់ឃាត់ តែម្ដងទៅ។
ក្រោយពេលកើតហេតុសមត្ថកិច្ចមូលដ្ឋានក៏បានចុះទៅដល់កន្លែងកើតហេតុ រួចក៏បាននាំរថយន្តខាងលើរួមទាំងម្ចាស់ដេីមនិងម្ចាស់ថ្មីនិងធ្វើការសាកសួរនាំនៅប៉ុស្តិ៍នគរបាលរដ្ឋបាលភ្នំពេញថ្មីដេីម្បីធ្វេីការដោះស្រាយគ្នាជាបន្តទៀត៕
ដោយ៖ តុង សីហា
