Update ៖ លោកឧត្តមសេនីយ៍ឯក ស ថេត៖ ខ្ញុំបានបន្តចុះបង្ក្រាបកន្លែងលួចលាក់ផលិតសារធាតុញៀន​ខុសច្បាប់នៅ​ ទីតាំងក្លឹប​ ម៉ៃ​ អាមី​ ឃាត់មនុស្សបានចំនួន៥០នាក់​ ក្នុងនោះស្រី១២នាក់

ចែករំលែក៖

ភ្នំពេញ៖ លោកឧត្តមសេនីយ៍ឯក ស ថេត អគ្គស្នងការរង នគរបាលជាតិ ជាស្នងការនគរបាលរាជធានីភ្នំពេញ បានអោយដឹងថា៖ កាលពីវេលាម៉ោង១​ និង៣០នាទី​ លោកដឹកនាំកម្លាំងបានបន្តចុះបង្ក្រាបកន្លែងលួចលាក់ផលិតសារធាតុញៀន​ខុសច្បាប់នៅ​ ទីតាំងក្លឹប​( ម៉ៃ​ អាមី​) ទីតាំងលេខ​ ១៥៩​ផ្លូវ​៣៦០​ ភូមិ​ ៨​ សង្កាត់បឹងកេងកងមួយ​ ខណ្ឌចំការមន​ រាជធានីភ្នំពេញ​ ក្នុងនោះឈានដល់ឃាត់មនុស្សបានចំនួន៥០នាក់​ ក្នុងនោះស្រី១២នាក់​ និងដកហូតម៉ាស៉ីនផលិតគ្រឿងញៀនមួយចំនួន​ និងសារធាតុញៀនមួយចំនួន។

លោកបន្តថា៖ កិច្ចការសម្រេចទៅបាន​ ដោយមានការអនុញ្ញាតពី​លោក​ លី​ សុផាន់ណា​ ព្រះរាជអាជ្ញារងនៃសាលាដំបូងរាជធានីភ្នំពេញ​ និងមានការសហការពីការិយាល័យនគរបាលព្រហ្មទណ្ឌកម្រិតស្រាលរាជធានីភ្នំពេញ​ អធិការដ្ឋាននគរបាលខណ្ឌចំការមន​ ព្រមទាំងកម្លាំងប៉ុស្តិនគរបាលដ្ឋានបឹងកេងកងជាច្រើននាក់។

លោកឧត្តមសេនីយ៍ឯក ស ថេត បញ្ជាក់ថា៖ បច្ចុប្បន្ន​ មនុស្ស​ និងសម្ភារះ​ បានបញ្ជូនទៅស្នងការដ្ឋាននគរបាលរាជធានីភ្នំពេញ ជាមួយនិងការធ្វើកំណត់ហេតុស្តាប់ចម្លើយ៕

ដោយ៖ សុខ ខេមរា


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print