ភ្នំពេញ៖ បុរសម្នាក់បានស្លាប់យ៉ាងអាណោចអាធម៍ខណះកំពុងជិះម៉ូតូហើយត្រូវបានរថយន្តមិនស្គាល់ម៉ាកបើកបុកហើយអូសជាង១០ម៉ែត្រ កាលពីវេលាម៉ោងនាវេលាម៉ោង៨៖៥០នាទីយប់ថ្ងៃទី១៨ ខែធ្នូ ឆ្នាំ២០១៥ តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ហើយរថយន្តបង្កបានបើកគេចខ្លួនបាត់ស្រមោលតែម្តងដោយមិនមាននណាស្គាល់មាកឡើយ។
ជនរងគ្រោះ ត្រូវបានគេស្គាលឈ្មោះពុំ យ៉ាណូ ភេទប្រុស អាយុ១៩ឆ្នាំ មានស្រុកកំណើត ភូមិស្រះតាអឹម ឃុំអង្គរសរ ស្រុកមេសាង ខេត្តព្រៃវែង។
សាក្សីនៅកន្លែងកើតហេតុ បានឲ្យដឹងថា គេបានឃើញជនរងគ្រោះជិះម៉ូតូម៉ាកសេ១២៥ ពណ៌ខ្មៅ ស្លាកលេខស្វាយរៀង 1D-8323 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើត ខណៈមកដល់ចំណុចកើតហេតុ ក៏ត្រូវរថយន្តមួយគ្រឿងបុកម៉ូតូជនរងគ្រោះ រួចអូសកាត់ថ្នល់ចំងាយប្រមាណ១០ម៉ែត្រ បណ្តាលឲ្យជនរងគ្រោះបែកក្បាលស្លាប់ភ្លាមៗតែម្តង។
សាក្សីដដែលបានបន្តទៀតថា ក្រោយកើតហេតុ រថយន្តបង្កបានបើកគេចខ្លួចបាត់ ស្រមោលតែម្តងដោយពុំមានអ្នកណាម្នាក់បានស្គាល់ភិនភាគរថយន្ត និងអ្នកបើករថយន្តនោះទេ។
ក្រោយពេលកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុនិងទំនាក់ទំនងទៅក្រុមគ្រួសារមកទទួលយកទៅធ្វើបុណ្យតាមប្រណៃណីនៅឯស្រុកកំណើត ៕សុខាសែនជ័យ
