ខេត្តស្ទឹងត្រែង ៖ បុរសស្រេកឃ្លានតណ្ហាម្នាក់ត្រូវកម្លាំងនគរបាលក្រុងស្ទឹងត្រែងចាប់ខ្លួនកាលពីរសៀល ថ្ងៃ ពុធ ៨កើត ខែ មិគសិរ ឆ្នាំ កុរ ឯកស័ក ព.ស.២៥៦៣. ត្រូវនឹងថ្ងៃទី៤ ខែធ្នូ ឆ្នាំ២០១៩ រួចដាក់ខ្នោះដៃក្រោយរងបណ្តឹងក្នុងករណី «សេពសន្ថវៈលើក្មេងអនីតិជន»ជាក្មួយស្រី យ៉ាងរ៉ាំរ៉ៃចាប់តាំងពីនាងអាយុ៧ឆ្នាំរហូតដល់អាយុ១៣ឆ្នាំ ទើបបែកការណ៍ ហើយត្រូវឪពុកម្តាយក្មេងស្រីប្តឹងឲ្យសមត្ថកិច្ចចាប់ខ្លួនយកទៅចាត់ការតាមច្បាប់ ។
មន្រី្តនគរបាលក្រុងស្ទឹងសែនបានឲ្យដឹងថា ជនសង្ស័យឈ្មោះ សែន វី ភេទប្រុស អាយុ៤១ឆ្នាំរ ស់នៅភូមិថ្មលាត សង្កាត់ស្រះឬស្សី ក្រុងស្ទឹងត្រែងត្រូវបានឃាត់ខ្លួនទាក់ទិនករណីរំលោភសេពសន្ថវៈលើក្មេងស្រីអនីតិជនមិនទាន់គ្រប់អាយុ ។
តាមការរៀបរាប់របស់ក្មេងស្រីរងគ្រោះ ក.ច.ស.យ ឲ្យដឹងថា នៅឆ្នាំនេះនាងមានវ័យ១៣ឆ្នាំ រស់នៅជាមួយគ្រួសារម្តាយមីង និងឪពុកមា ស្ថិតនៅសង្កាត់ស្រះឬស្សី ក្រុងស្ទឹងត្រែង។ នាងប្រាប់ថាដោយការទ្រាំលែងបានពីទង្វើលរបស់បុរសជាឪពុកមាដែលបានចាប់បង្ខំនាងរំលោភសេពសន្ថវៈតាំងពីនាងមានអាយុ៧ឆ្នាំ គ្រាដែលនាងចូលមករស់នៅជាមួយគ្រួសារនេះ នាងដាច់ចិត្តទម្លាយរឿងនេះឲ្យម្តាយមីងដឹងនិងប្តឹងឲ្យសមត្ថកិច្ចចាប់ខ្លួនតែម្តងទៅ ។
នាងបន្តថា កន្លងមកនាងពុំហ៊ាននិយាយរឿងរ៉ាវនេះប្រាប់ទៅម្តាយមីងដែលជាប្រពន្ធរបស់ឪពុកមានាងនោះទេ ព្រោះរងការគំរាមកំហែងជាបន្តបន្ទាប់ក្រោយឪពុកមាចាប់បង្ខំរំលោភម្តងៗ ។ តែពេលនេះឪពុកមារូបនោះមិនបានបោះបង់គំនិតដដែលៗនេះឡើយទើបទ្រាំលែងបានក៏ទម្លាយរឿវរ៉ាវទាំងនោះប្រាប់ទៅម្តាយមីង ហើយម្តាយមីងក៏ទៅប្រាប់ម្តាយបង្កើតឬបស់នាងរហូតឈានដល់ការដាក់ពាក្យបណ្តឹងទៅនគរបាលចុះចាប់ខ្លួនតែម្តង ។
ស្ត្រីជាម្តាយក្មេងស្រីរងគ្រោះបានបង្ហើបថា ដោយសារតែកក្តាជីវភាពគ្រួសាររបស់គាត់ជួបការខ្វះខាតទើបគាត់បានប្រគល់កូនស្រីរបស់ខ្លួននៅពេលនាងមានអាយុ៧ឆ្នាំឱ្យទៅគ្រួសារប្អូនជួយបីបាច់ថែរក្សាសិក្សារៀនសូត្រ និងជួយធ្វើការងារលក់ដូរក្នុងផ្ទះ តែមិននឹកស្មានថាដូចផ្ញើស្ករនឹងស្រមោចបែបនេះសោះ ។
លោក ប៉ាង ឡុច អធិការរងក្រុងស្ទឹងត្រែងបានឱ្យដឹងថា បន្ទាប់ពីមានបណ្តឹងភាគីរងគ្រោះកម្លាំងអធិការដ្ឋាននគរបាលក្រុងបានចុះឃាត់ខ្លួនជនសង្ស័យនាំទៅកាន់អធិការដ្ឋានដើម្បីសាកសួរពាក់ព័ន្ធករណីខាងលើ ប៉ុន្តែជនសង្ស័យមិនបានឆ្លើយសារភាពពីទង្វើរបស់ខ្លួនទេ ខណៈក្មេងស្រីរងគ្រោះអះអាងថា ជនសង្ស័យបានចាប់បង្ខំរំលោភនាងអស់រយៈពេល៦ឆ្នាំកន្លងមកហើយនោះ។
យ៉ាងណា ក្រោយការចាប់ខ្លួនជនសង្ស័យខាងលើកម្លាំងនគរបាលបានសហការជាមួយមន្ទីរកិច្ចការនារីនាំជនរងគ្រោះទៅពិនិត្យនិងធ្វើកោសល្យវិច័យនៅមន្ទីរពេទ្យបង្អែកខេត្តដើម្បីទាមទារកភាពយុត្តិធម៌រៀងខ្លួន ហើយបើពិនិត្យឃើញថា ក្មេងស្រីរងគ្រោះមានរបួសផ្លូវភេទ រួមជាមួយភស្តុតាងផ្សេងៗឬមានសាក្សីបំភ្លឺមែននោះ ជនសង្ស័យរូបនេះចៀសមិនផុតពីសំណាញ់ច្បាប់ឡើយ ៕
ដោយ៖ ប្រាថ្នា
