ក្រុមឧទ្ទាមវាយប្រហារសម្លាប់ទាហានណៃជឺស្លាប់ជិត១០០នាក់

ចែករំលែក៖

ប្រទេសណៃជឺ​(Niger) ៖ ការវាយឆ្មក់ របស់ក្រុមឧទ្ទាមរដ្ឋអិស្លាម បានសម្លាប់ទាហាន​ជាង​៧០នាក់​របស់ប្រទេសណៃជឺ​(Niger) ​​​ស្ថិតនៅបន្ទាយ​មួយ​ នាភាគខាងលិច​ប្រទេសនេះ។ យោងតាមការចេញផ្សាយរបស់កាសែត theguardian នៅព្រឹក ថ្ងៃទី១២​ ខែធ្នូ ឆ្នាំ២០១៩ បាន​បញ្ជាក់ថា៖ ការវាយឆ្មក់នោះ​ បានកើតឡើង ​នៅតំបន់ In Ates ជាប់ព្រំដែន​ជាមួយ​នឹងប្រទេសម៉ាលី កាលពីយប់ ថ្ងៃទី១១ ខែធ្នូ ឆ្នាំ២០១៩។

ករណីនេះ​ត្រូវបានគេចាត់ទុកថា វាជាការវាយប្រហារសម្លាប់យ៉ាងរង្គាលបំផុត​ មកលើកងកម្លាំងទាហានរបស់ប្រទេសនីហ្សេរ នា​អំឡុង​ពេលថ្មីៗ ​ចុងក្រោយបំផុតនេះ។ ទោះជាយ៉ាងណា​ ​ពាក់ព័ន្ធនឹងករណីមួយនេះ កម្លាំងយោធា​ប្រទេសនីហ្សេរ ​នៅមិនទាន់បញ្ចេញរបាយការណ៍ជាក់លាក់ ​អំពីជនរងគ្រោះបាត់បង់ជីវិត និងអ្នករងរបួសនោះឡើយ ។ ប៉ុន្តែ​ក្នុងលក្ខខណ្ឌ មិនបញ្ចេញឈ្មោះ​មន្ត្រីយោធាជាន់ខ្ពស់​មួយរូប​បាន​បញ្ជាក់​ព័ត៌មានបឋមថា ជនរងគ្រោះ​បាត់បង់ជីវិត​ កើនជាង​៧០នាក់​។

ប្រព័ន្ធផ្សព្វផ្សាយ​ក្នុងតំបន់ ​បានបញ្ជាក់ថា នៅមុនដំបូង​ ពួកជនវាយប្រហារ​បាន​វាយប្រហារ​ទៅទីតាំង​ការិយាល័យភ្ជាប់ទំនាក់ទំនង បន្ទាប់មក​ក៏វាយប្រហារទៅលើ​ទីតាំង​កម្លាំងការពារ​មូលដ្ឋាន​នោះ ។ ទោះជាយ៉ាងណា គេនៅមិនទាន់ស្គាល់អត្តសញ្ញាណរបស់ក្រុមអ្នកវាយប្រហារនៅឡើយ។

ដោយឡែកក្រុមជ្រុលនិយមអិស្លាម ដែលភ្ជាប់ទំនាក់ទំនង​ជាមួយ​នឹងក្រុមរដ្ឋអិស្លាម IS និង អាល់កៃដា តែងតែធ្វើសកម្មភាព វាយប្រហារ​ប្រឆាំងលើកកម្លាំង​របស់រដ្ឋាភិបាល​ក្នុងតំបន់ អស់រយៈពេល​ជាយូរមកហើយ នៅតាមតំបន់វាលខ្សាច់​នោះ។ ឆ្នាំនេះ​សកម្មភាពវាយឆ្មក់​ មានការកើនឡើង ក៏ដូចជា វត្តមានក្រុមឧទ្ទាម​ជាហូរហែ​ នៅក្នុងប្រទេសជិតខាង​ ដូចជាប្រទេស បូគីណា ហ្វាសូ ជាដើម ៕

...

ដោយ៖ មែវ សាធី

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print