WHO៖ នៅថ្ងៃទី២៧ ខែមីនា ឆ្នាំ២០២០នេះ លោក Tedros Adhanom Ghebreyesus អគ្គនាយកអង្គការសុខភាពពិភពលោក និយាយថា ការបង្កើតវ៉ាក់សាំងការពារមេរោគCOVID-១៩ នឹងប្រើពេលយ៉ាងហោចណាស់ក៏ ពី១២ ទៅ ១៨ ខែដែរ។ អគ្គនាយកអង្គការសុខភាពពិភពលោក លោក Tedros Adhanom Ghebreyesus បានថ្លែងទៅកាន់ក្រុមអ្នកសារព័ត៌មាននៅទីក្រុង ហ្សឺណែវ កាលពីថ្ងៃសុក្រម្សិលម៉ិញ ថា “បច្ចុប្បន្ននេះ មានករណីឆ្លងវ៉ីរុស COVID-១៩ ជាង៥សែនករណី នៅទូទាំងពិភពលោក ហើយអ្នកជំងឺជាង ២ម៉ឺននាក់ បានស្លាប់ ហើយលោកបានហៅតួលេខនេះថា ជាមហាសោកនាដកម្ម។ លោក Tedros បាននិយាយថា៖ ខណៈវ៉ាក់សាំង នឹងមានក្នុងរយៈពេលយ៉ាងហោចណាស់ពី ១២ ទៅ ១៨ ខែទៀតនោះ អង្គការសុខភាពពិភពលោកសូមអំពាវនាវឲ្យបុគ្គល និងប្រទេសនានា កុំព្យាយាមសាកល្បងវិធីផ្សេងៗ ដើម្បីព្យាបាលវីរុសនេះឲ្យសោះ ចៀសវាងមានបញ្ហាគ្រោះថ្នាក់។ លើលលែងតែមានការណែនាំពីក្រុមវេជ្ជបណ្ឌិតជំនាញ៕

ដោយ៖ សុខ ខេមរា