ភ្នំពេញ៖ ក្លិបបាល់ទាត់ក្រសួងការពារជាតិ បានបង្ហាញសាច់ដុំរបស់ខ្លួន មុនរដូវកាលលីកឆ្នាំ២០១៦មកដល់ស្របពេលដែលក្លិបធំៗចំនួន៩ផ្សេងទៀងសុទ្ធតែបង្ហាញពីមហិច្ឆតាខ្លាំងសម្រាប់ការប្រកួតបាល់ទាត់មិត្តហ្វូនខេមបូឌានលីក។ ដោយឡែលក្លិបបាល់ទាត់ក្រសួងការពារជាតិ បាននាំកីឡាករចំណូលថ្មីដើម្បីមកជួយពង្រឹងក្រុមរបស់រហូតដល់១០នាក់ជាមួយសម្លៀកបំពាកថ្មីចំនួន២ឈុតនិង បានចុះកុងត្រាជាមួយដៃគូឧត្តម្ភពង្រឹងនូវហិរញ្ញវត្ថុរបស់សម្រាប់ការប្រកួតលីករដូវកាលឆ្នាំ២០១៦នេះកាលពីល្ងាចថ្ងៃទី២៩ខែមករាឆ្នាំ២០១៦នៅពហុកីឡដ្ឋាន (ស្តាតចាស់)។
លោកទេព ឡុងរចនា គ្រូបង្កោល របស់ក្លិបការពារជាតិ បានឲ្យដឹងថា សម្រាប់រដូវកាសថ្មីឆ្នាំនេះ ក្លិបបាននាំយកកីឡាបរទេសអាស៊ី៤នាក់ និងកីឡាករក្នុងស្រុក៦នាក់ដើម្បីហ្វឹកហាត់ត្រៀមជើងការ ក្នុង នោះកីឡាបរទេស ២នាក់ មកពីជប៉ុន ទី១ឈ្មោះ YANAGIDATE TAKU ទី២ឈ្មោះ YANAGIDATE TAZUពីរនាក់គឺជាបងប្អូនបង្កើត ។ ចំណែកឯកីឡាករបរទេស២នាក់មកពីកូរ៉េខាងជើង ទី១ឈ្មោះ KIM KYON HUN និងឈ្មោះ CHEO MYONG HO។
លោក ខូវ ឆាយ អ្នកចាត់ការទូទៅរបស់ក្លិបក្រសួងការពារជាតិ បានបង្ហើបឲ្យដឹងថា ក្លិបកំពុងពិចារណារកកីឡាករបរទេសថ្មីបន្ថែមម្នាក់ទៀតពីព្រោះការប្រកួតលីករដូវកាលឆ្នាំ២០១៦នេះ សហព័ន្ធកីឡាបាល់ទាត់កម្ពុជា បានអនុញ្ញាត់ឲ្យក្រុមនីមួយៗអាចដាក់កីឡាករបរទេសបាននៅលើទីលាន រហូតដល់ទៅ៤នាក់។
បើទោះបីក្លិបការពារជាតិនូវមិនទាន់រកកីឡាករបរទេសថ្មីបន្ថែមទៀនបាន ប៉ុន្តែក្លិបក៏បានកៀរគរកីឡាករក្នុងស្រុកបន្ថែមបាន៦នាក់ផងដែរ ក្នុងនោះកីឡា២នាក់ធ្លាប់លេងឲ្យក្លិបBBU និង៤នាក់ទៀតកីឡាករដែលទើបឡើងពីយុវជនអាយុ១៩ឆ្នាំ។
លោក ឈុន សំណាង ប្រធានផ្នែកទីផ្សារបស់ក្រុមហ៊ុន V9BET បានបង្ហាញពីការចូលរួមឧបត្ថម្ភរបស់ថា ការចុះកុងត្រាជួយឧបត្ថម្ភក្លិបការជារជាតិនារដូវកាលថ្មីនេះ ដោយសារតែក្លិបការពារជាតិជាក្លិបរបស់រដ្ឋ ហើយពុំសូវរកចំណូលផ្គត់ផ្គងក្លិបបានគ្រប់គ្រាន់ ដូច្នេះក្រុមហ៊ុន V9BET ជួនថវិកា សម្រាប់ឲ្យក្លិបក្រសួងការពារជាតិយកទៅប្រើប្រាស់លើការចំណាយផ្សេងៗ។
លោកបន្តទៀតថា ការឧបត្ថម្ភនាពេលនេះដោយសារលោកយល់ឃើញថា ក្រុមកីឡាករក្រសួងការពារជាតិជាក្រុមរបស់រដ្ឋ ហើយថវិកាដែលក្លិបរកបានភាគច្រើនជាចំណូលរបស់រដ្ឋ។
ទន្ទឹមនិងការឧបត្ថម្ភរបស់ V9BET ខាងលើនេះដែរ លោក ខូវ ឆាយ អ្នកចាត់ការទូទៅរបស់ក្លិបក្រសួងការពារជាតិ បានឲ្យដឹងថា លោកពិតជាសប្បាយចិត្តដែលក្រុមហ៊ុននេះបានជួយឧបត្ថម្ភដល់ក្រុមរបស់លោក។ ដើម្បីជាការតបស្នងដល់ម្ចាស់ឧបត្ថម្ភ លោកនឹងប្រឹងប្រែងធ្វើយ៉ាងណាឲ្យក្រុមក្រសួងការពារជាតិលេងខ្លាំងជាងរដូវកាលមុន។សម្រាប់រដូវកាលថ្មី២០១៦ នេះ សម្លៀកបំពាក់ពណ៌ក្រហមសម្គាល់លេងក្នុងដី រីឯពណ៌ខៀវសម្គាល់លេងនៅក្រៅដី៕ សារីម
