មេក្លោងក្នុងការ Hack គណនីបុគ្គលល្បីៗនៅលើបណ្តាញសង្គម Twitter ដែលមានអាយុទើបតែ ១៧ឆ្នាំ ត្រូវប៉ូលីសអាមេរិកឃាត់ខ្លួនហើយ

ចែករំលែក៖

អន្តរជាតិ៖ កាលពីថ្ងៃសុក្រ ទី៣១ ខែកក្កដា ឆ្នាំ២០២០ម្សិលមិញនេះ ក្រសួងយុត្តិធម៌អាមេរិក បានប្រកាសថា ពួកគេបានឃាត់ខ្លួនក្មេងប្រុសអាយុ ១៧ឆ្នាំម្នាក់ ដែលជាមេក្លោងក្នុងការ Hack គណនីបុគ្គលល្បីៗនៅលើបណ្តាញសង្គម Twitter ដែលរួមមានទាំង បេក្ខភាពប្រធានាធិបតីគឺលោក Joe Biden អតីតប្រធានាធិបតី Barack Obama និងនាយកប្រតិបត្តិក្រុមហ៊ុន Tesla លោក Elon Musk –

ក្រសួងយុត្តិធម៌ បញ្ជាក់ទៀតថា ប៉ូលីសក៏បានឃាត់ខ្លួនមនុស្ស ២នាក់ផ្សេងទៀត ដែលបានជួយនៅក្នុងការបោកប្រាស់នេះ ដោយមានម្នាក់ជាជនជាតិអង់គ្លេស អាយុ ១៩ឆ្នាំ និងម្នាក់ទៀតជាជនជាតិអាមេរិក អាយុ ២២ឆ្នាំ នៅអូឡិនដូ រដ្ឋផ្លរីដា

សូមជម្រាបថា មេក្លោងនៅក្នុងការ Hack នេះឈ្មោះថា Graham Clark មានអាយុទើបតែ ១៧ឆ្នាំ និងទើបតែបញ្ចប់ការសិក្សាថ្នាក់វិទ្យាល័យប៉ុណ្ណោះ។ ប៉ុន្តែយ៉ាងណាជននេះត្រូវបានមេធាវីរដ្ឋផ្លរីដាចោទប្រកាន់ដូចមនុស្សពេញវ័យធម្មតាដែរ ជាមួយនឹងបទឧក្រិដ្ឋនៃការក្លែងបន្លំរហូតដល់ទៅ ៣០ ករណីឯណោះ។

បើតាមប្រភពនិយាយថា Graham Clark បានចំណូលរហូតដល់ទៅ ១០០,០០០ ដុល្លារអាមេរិក ក្រោយប្រើគណនីបុគ្គលសំខាន់ៗទាំងនោះទៅបោកប្រាស់អ្នកប្រើប្រាស់គណនី Twitter ផ្សេងទៀត ឲ្យផ្ញើលុយចូលទៅគណនី Bitcoin ចំនួន ,០០០ ដុល្លារ ក្រោមថ្នូរនឹងលុយ,០០០ ដុល្លារវិញ។

គួរបញ្ជាក់ថា នៅក្នុងការ Hack ក្នុងបណ្ដាញ Twitter ដើម្បីស្វែងរកការវិនិយោគនៅក្នុងរូបិយប័ណ្ណឌីជីថល Bitcoin ទៅលើគណនីមានverified ទាំង ៤៥ នៅលើបណ្ដាញសង្គមនេះ ខាងក្រុមហ៊ុន Twitter ក៏បាននិយាយថាពួក Hacker ក៏ប្រហែលជាអានសារផ្ទាល់មួយចំនួនរួមទាំងសាររបស់មន្ត្រីជាប់ឆ្នោតប្រទេសហូឡង់ផងដែរ។ ជនល្មើស Graham Clark ក៏ទំនងជាទទួលបានប្រាក់ច្រើនជាង ១០០,០០០ ដុល្លារតាមរយៈនេះផងដែរ៕ដោយ៖ស តារា

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print