ខេត្តកំពង់ស្ពឺ៖ កម្លាំងអធិដ្ឋាននគរបាលស្រុកឧដុង្គ បានឃាត់ខ្លួនមុខសញ្ញាគ្រឿងញៀនម្នាក់ តាមដីកាបង្គាប់ឲ្យចាប់ខ្លួនរបស់តុលាការខេត្តកំពង់ស្ពឹ នៅវេលាម៉ោង១១និង៣០នាទីព្រឹក ថ្ងៃពុធ ទី១៩ ខែសីហា ឆ្នាំ២០២០នេះ ត្រង់ចំណុចដីពុះឡូត៍ស្ថិតភូមិត្រពាំងក្រសាំង ឃុំក្សេមក្សាន្តស្រុកឧដុង្គ ខេត្តកំពង់ស្ពឺ ។
បើតាមសម្ដីនគរបាលស្រុកឧដុង្គ បានឲ្យដឹងថា មុនពេលឃាត់ខ្លួនជនសង្ស័យខាងលើនេះ គឺកម្លាំងកំពុងជិះល្បាតក្នុងភូមិសាស្រ្ដ ដើម្បីការពារសុវត្តិភាពជូនប្រជាពលរដ្ឋ លុះមកដល់ចំណុចដីពុះឡូត៍ស្ថិតភូមិត្រពាំងក្រសាំង ឃុំក្សេមក្សាន្ត ស្រុកឧដុង្គ ក៏ប្រទះឃើញមុខសញ្ញាសង្ស័យម្នាក់ឈ្មោះ ភឿន ភី ភេទប្រុស អាយុ២៣ឆ្នាំជាមុខសញ្ញាមានដីការបង្គាប់ឲ្យចាប់ខ្លួនរស់នៅភូមិឃុំខាងលើ។ ជាក់ស្តែងកម្លាំងជំនាញក៏ឃាត់និងឆែករកឃើញម្សៅក្រាមពណ៌សសង្ស័យជាគ្រឿងញៀន ចំនួន១៨កញ្ចប់តូចច្រកថង់ប្លាស្ទីករួច និងទូរស័ព្ទដៃចំនួន០១គ្រឿង។
បច្ចុប្បន្នជនសង្ស័យរួមជាមួយវត្ថុតាងត្រូវបានជំនាញកសាងសំណុំរឿងដើម្បីចាត់ការតាមនីតិវិធី ៕ដោយ៖សហការី
