អភិបាលខេត្តបាត់ដំបង បាននាំយកទេយ្យវត្ថុ គ្រឿងឧបរិភោគ និងបច្ច័យប្រគេនព្រះសង្ឃ គង់នៅវត្តស្វាយដង្គំ ស្ថិតនៅស្រុកឯកភ្នំ

ចែករំលែក៖

ខេត្តបាត់ដំបង៖ នៅព្រឹកថ្ងៃពុធទី១៦ ខែកញ្ញា ឆ្នាំ២០២០ លោក ងួន រតនៈ អភិបាល នៃគណៈអភិបាលខេត្ត អមដំណើរដោយលោក អភិបាលរងខេត្ត និង លោក លោកស្រី ទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បាននាំយកទេយ្យវត្ថុ គ្រឿងឧបរិភោគ និងបច្ច័យប្រគេនជូនព្រះសង្ឃ ដែលគង់នៅវត្តស្វាយដង្គំ ភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ដែលមានការអញ្ជើញចូលរួមពីលោកនាយករដ្ឋបាលខេត្ត លោកអភិបាលស្រុក លោកអធិការស្រុក និងចាស់ព្រឹទ្ចាចារ្យ គណៈកម្មាធិការវត្តជាច្រើនរូបទៀត។

សូមជម្រាបជូនដែលថា ទេយ្យវត្ថុ គ្រឿងឧបរិភោគ និងបច្ច័យ ដែលបាននាំយកមកនាពេលនេះជាអំណោយរបស់ លោកអភិបាល នៃគណៈអភិបាលខេត្ត និងមានការចូលរួមពីលោក សេង យូអ៊ាន់ ប្រធានក្រុមការងាររាជរដ្ឋាភិបាលចុះមូលដ្ឋានស្រុកឯកភ្នំ និងលោក ប៉ោ ទ្រីឌឿន លោក គឹម ហួត និងលោកស្រី ដែលជាទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលនៅក្នុងរួមមាន អង្ករ ៥០០ គីឡូក្រាម ទឹកសុទ្ធ ៣០ កេស មី ៦០កេស ទឹកដោះគោឆៅ ៤ កេស ទឹកផ្លែឈើ ១០ កេស ម៉ាស ១៥០ បន្ទះ តែបៃតង ១០ យួរ ទឹកស៊ី ១០យួរ នងស៊ីអ៊ីវ ១០ យួរ និងថវិកា ២ លានរៀល ប្រគេនជូនព្រះសង្ឃ ដើម្បីចាត់ចែងតាមការគួរផងដែរ។

ព្រះតេជគុណ ចៅអធិការវត្តស្វាយដង្គំ បានមានសង្ឃដីកា ថ្លែងអំណរគុណយ៉ាងជ្រាលជ្រៅចំពោះ លោកអភិបាល នៃគណៈអភិបាលខេត្ត ដែលបានយកចិត្តទុកដាក់ចាត់មន្ត្រីជំនាញចុះមកពិនិត្យព្យាបាល និងយកសំណាកទាំងយប់ ដើម្បីធ្វើការពិនិត្យឱ្យបានទាន់ពេលវេលា ហើយជាលទ្ធផលអវិជ្ជាមាន(គ្មានព្រះង្ឃអង្គណាផ្ទុកកូវីដ១៩ទេ)។

បច្ចុប្បនេះមានព្រះសង្ឃគង់ និងសិក្សានៅក្នុងវត្តសរុប ១១៩ អង្គ ក្នុងនោះព្រះសង្ឃដែលមានអាការៈក្តៅព្រះកាយ និងផ្តាសាយចំនួន ៥៩ អង្គ ដែលធ្វើការពិនិត្យ និងមានព្រះសង្ឃអង្គខ្លះបានជាសះស្បើយជាបន្តបន្ទាប់ជាច្រើនអង្គទៀត និងមានព្រះសង្ឃចំនួន ៨ អង្គ ដែលកំពុងសម្រាកព្យាបាលនៅមន្ទីរពេទ្យបង្អែស្រុក ដោយឡែកនៅព្រះសង្ឃ ដែលគង់នៅក្នុងទីវត្តអារាមមានលក្ខណៈប្រសើរជាងមុនច្រើនរហូតទៅ ៩០% ផងដែរ។

ព្រះចៅអធិការ ក៏មានសង្ឃដីកបន្តទៀតថា វត្តស្វាយដង្គំ ជាវត្តមួយមានលក្ខណៈដាច់ស្រយាលពីទីប្រជុំ ដូច្នេះហើយវត្តមានភាពអាត់តាខាត់បន្តិច ហើយការឆាន់របស់ព្រះសង្ឃមិនបានគ្រប់គ្រាន់ ម្យ៉ាងវិញទៀតព្រះសង្ឃត្រូវទឹកភ្លៀងប៉ុន្មានថ្ងៃជាប់គ្នាក្រោយមក ទើបបណ្តាលឱ្យមានជំងឺផ្តាសាយឆ្លងគ្នាយ៉ាងដូច្នេះផងដែរ។

លោក ងួន រតនៈ ក៏បានអំពាវនាវដល់ពុទ្ធបរិស័ទចំណុះជើងវត្តទាំងអស់ ជ្រាបផងដែរ ព្រះសង្ឃគង់នៅវត្តស្វាយដង្គំ គ្មានព្រះសង្ឃអង្គណាមួយមានផ្ទុកជំងឺកូវីដ ១៩ ទេ គឺគ្រាន់តែជាជំងឺផ្តាសាយធម្មតានោះទេ សូមកុំមានការខ្លាចរអា និងសូមចូលមកប្រតិបត្តិជាធម្មតា ដោយអនុវត្តតាមការណែនាំរបស់ក្រសួងសុខាភិបាល ១៖ រក្សាអនាម័យដៃស្អាតជានិច្ច ដោយលាងសម្អាតដៃឱ្យញឹកញាប់ ពាក់ម៉ាស់ និងរក្សាគម្លាតសុវត្ថិភាពផងដែរ។

ឆ្លៀតក្នុងឱកាសនោះដែរ លោក ងួន រតនៈ គណៈប្រតិភូអមដំណើរ បានអញ្ជើញសំណេះសំណាលជាមួយព្រះសង្ឃ ដែលកំពុងសម្រាកព្យាបាលក្នុងវត្ត និងប្រគេនបច្ច័យបន្ថែម ១លានរៀល ជូនដល់ព្រះសង្ឃ ១អង្គ ដែលមានជំងឺគ្រុនឈាមកំពុងសម្រាកព្យាបាលព្យួរសេរ៉ូនៅក្នុងវត្តផងដែរ៕

...

ដោយ៖ សិលា

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print