ភ្នំពេញ៖ កម្មការិនីរោងចក្រអេវើគ្រីនប្រមាណជាង១០នាក់បានដួលសន្លប់ជាបន្តបន្ទាប់ ។ ហេតុការណ៍ដួលសន្លប់នេះបានកើតឡើងកាលពីវេលាម៉ោង៩ និង៣០នាទីព្រឹកថ្ងៃទី១២ ខែកុម្ភៈ ឆ្នាំ២០១៦ ស្ថិតនៅភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ។

តាមប្រភពពីកម្មកររោងចក្រនៅកន្លែងកើតហេតុបានឲ្យដឹងថា នៅមុនពេលកើតហេតុគឺមានកម្មការិនីម្នាក់បានដួលសន្លប់រួចបានដឹកមកមន្ទីរពេទ្យ ក៏មានកម្មការិនីជាច្រើនទៀតបានដួលសន្លប់ជាបន្តបន្ទាប់បង្កឲ្យមានការភ្ញាក់ផ្អើលតែម្តង។

បច្ចុប្បន្នកម្មការិនីទាំងអស់ត្រូវបានដឹកមកសង្គ្រោះនៅមន្ទីរពេទ្យលោកសង្ឃ៕

ដោយ៖ តុង សីហា