ជាលើកទី១នៅក្នុងឆ្នាំ២០១៦កប៉ាល់ នេសាទជាច្រើនគ្រឿងត្រូវរដ្ឋាភិបាល ឥណ្ឌូនេស៊ីបញ្ជាឱ្យកម្លាំងទាហានបាញ់ កម្ទេចចោលក្រោយចូលនេសាទខុស ច្បាប់នៅក្នុងទឹកដីឥណ្ឌូនេស៊ី ។
កាលពីថ្ងៃទី២២ ខែកុម្ភៈ ឥណ្ឌូនេស៊ី បន្ដបាញ់ពន្លិចកប៉ាល់នេសាទខុសច្បាប់៣០គ្រឿងទៀតដែលបានចូលនេសាទខុស ច្បាប់នៅក្នុងដែនសមុទ្ររបស់ប្រទេស នេះ ។
រដ្ឋាភិបាលឥណ្ឌូនេស៊ីកាលពីថ្ងៃទី២២ ខែកុម្ភៈបានបញ្ជាដល់កម្លាំងការពារដែន សមុទ្រវាយពន្លិចកប៉ាល់នេសាទបរទេសខុសច្បាប់នៅទីតាំង៥កន្លែងផ្សេងគ្នា ។
អគ្គនាយកគ្រប់គ្រងធនធានធម្មជាតិសមុទ្រលោក Yyas Budiman បញ្ជាក់ ថា នេះជាការបាញ់ពន្លិចកប៉ាល់នេសាទ ខុសច្បាប់ដំបូងបង្អស់នៅក្នុងឆ្នាំ២០១៦។ ក្នុងចំណោមកប៉ាល់ដែលបានបាញ់ពន្លិចនោះមានកប៉ាល់របស់ប្រទេសហ្វីលីពីន វៀតណាម ម៉ាឡេស៊ី និងមីយ៉ាន់ម៉ា ជាដើម។ កប៉ាល់ទាំងអស់នោះមិនមាន លិខិតអនុញ្ញាតឱ្យនេសាទនៅក្នុងទឹកដី ឥណ្ឌូនេស៊ីឡើយ។
រដ្ឋមន្ដ្រីក្រសួងរុក្ខប្រមាញ់និងនេសាទ លោក Susi Pudjiastuti បញ្ជាក់ថា នាវាទាំងអស់ដែលនេសាទខុសច្បាប់នៅដែនសមុទ្រប្រទេសនេះនឹងត្រូវចាប់ខ្លួននិងបាញ់កម្ទេចចោល។ លោកបន្ដទៀត ថា រដ្ឋាភិបាលឥណ្ឌូនេស៊ីកំពុងតែធ្វើ សកម្មភាពយ៉ាងខ្លាំងទៅលើកប៉ាល់នេ សាទសុខច្បាប់ដើម្បីធានាដល់ការរក្សាមច្ឆជាតិក្នុងសមុទ្រឱ្យកាន់តែសម្បូរ បែប ។
ចាប់ពីខែតុលាឆ្នាំ២០១៤មកឥណ្ឌូនេស៊ីបានបាញ់ពន្លិចកប៉ាល់នេសាទជាង១៥០ គ្រឿងដែលនេសាទខុសច្បាប់នៅលើ ដែនសមុទ្រប្រទេសនេះ។ ភាគច្រើន កប៉ាល់ទាំងនោះមកពីប្រទេសដូចជា វៀតណាម ហ្វីលីពីន ថៃ ម៉ាឡេស៊ី និង ចិនជាដើម ៕ ម៉ែវ សាធី
