ភ្នំពេញ៖ យុជនម្នាក់ដែលសិស្សសាលាព្រះយុគន្ធរ ត្រូវបានក្រុមក្មេងស្ទាវមួយក្រុមមានគ្នា៧.៨នាក់ជិះម៉ូតូ៣ទៅ៤គ្រឿង បានដេញកាប់នឹងដាវសាំម៉ូរ៉ៃបណ្ដោយឱ្យរងរបួសធ្ងន់។
ហេតុការណ៍នេះកើតឡើងនៅវេលាម៉ោង១១ និង៣០នាទីថ្ងៃទី២៩ ខែកុម្ភៈ ឆ្នាំ២០១៦នៅមុខភ្លឹបខ្លាំឃុំកីឡាបណ្ដោយផ្លូវលេខ២៣៨កែងលេខ១០៥ ស្ថិតនៅក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ។
ជនរងគ្រោះមានឈ្មោះ ដាំ ភេទប្រុស អាយុ១៩ឆ្នាំ ជាសិស្សសាលាព្រះយុគន្ធរ។
បើតាមប្រភពព័ត៌មានពីកន្លែងកើតហេតុបានប្រាប់ឱ្យដឹងថា គេឃើញយុវជន២នាក់ជាសិស្សសាលាព្រះយុគន្ធរបានជិះម៉ូតូពីរគ្រឿងចេញមកពីសាលារៀនព្រះយុគន្ធរ ក្រោយមកក៏បានជួបនឹងក្រុមក្មេងស្ទាវមួយក្រុមជិះម៉ូតូ៣ទៅ៤គ្រឿង មានគ្នា៧.៨នាក់ប្រដាប់ដោយដាវសាំម៉ូរ៉ៃ និងខ្សែក្រវ៉ាត បានមកដេញកាប់បណ្ដោយឱ្យយុវជនម្នាក់រងរបួសធ្ងន់ ។ ភ្លាមៗនោះក្រុមក្មេងស្ទាវទាំងអស់នោះ បានជិះម៉ូតូរត់គេចខ្លួនបាត់ស្រមោលដោយសុវត្ថិភាព។
ក្រោយកើតហេតុយុវជននោះត្រូវបានគេដឹកទៅសង្គ្រោះនៅមន្ទីរពេទ្យភ្លាមៗ។ ចំណែកម៉ូតូជនរងគ្រោះត្រូវបានសមត្ថកិច្ចយកទៅរក្សាទុកនៅប៉ុស្តិ៍បឹងព្រលិតដើម្បីរងចាំជនរងគ្រោះមកទទួលយកវិញ៕
ដោយ៖ ស រស្មី