រថយន្តស្តារិចបេីកឆ្លងផ្លូវត្រូវរថយន្តធុនធំបេីកបុកពេញទំហឹងបណ្តាលឲ្យរងការខូចខាត

ចែករំលែក៖

ភ្នំពេញបុរសម្នាក់បេីករថយន្តស្តារិចឆ្លងផ្លូវមិនប្រយ័ត្នត្រូវរថយន្តហ៊ីយ៉ាន់ដាយបេីកបុកពីចំហៀងពេញទំហឹងបណ្តាលឲ្យរងការខូចខាតយ៉ាងដំណំ។

ហេតុការណ៍នេះបានកេីតឡេីងកាលពីវេលាម៉ោង៣និង៤០នាទីរសៀលថ្ងៃទី២៣ខែកុម្ភៈឆ្នាំ២០២១នៅចំណុចមុខផ្សារត្រពាំងថ្លឹងតាមបណ្តោយមហាវិថីចោមចៅស្ថិតក្នុងសង្កាត់ចោមចៅទី១ខណ្ឌពោធិ៍សែនជ័យ

តាមប្រភពព័ត៌មានពីកន្លែងកេីតហេតុបានឲ្យដឹងថាមុនពេលកេីតហេតុគេបានឃេីញបុរសម្នាក់បេីករថយន្តស្តារិចពណ៌សពាក់ស្លាកលេខភ្នំពេញ2AE 3390​ បេីកបរតាមបណ្តោយមហាវិថីចោមចៅក្នុងទិសដៅពីលិចទៅកេីតខណះមកដល់ចំណុចកេីតហេតុក៏បត់មកឆ្វេងបំណងឆ្លងផ្លូវទៅជេីងភ្លាមនោះស្រាប់តែមានរថយន្តហ៊ីយ៉ាន់ដាយពណ៌សសលាយខៀវពាក់ស្លាកលេខកំពង់ចាម​ 3A 6995 ធ្វេីដំណេីរតាមបណ្តោយមហាវិថីចោមចៅក្នុងទិសដៅពីកេីតទៅលិចដោយចាប់ហ្វ្រ័ងមិនទាន់ក៏ជ្រុលបុកពីចំហៀងពេញទំហឹងបណ្តាលឲ្យរថយន្តស្តារិចខូចខាតផ្នែកខាងស្តាំស្ទេីទាំងស្រុងសំណាងមិនមានមនុស្សរងរបួស។

ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងធ្វេីការវាស់វែងយករថយន្តទាំង២គ្រឿងយកទៅរក្សាទុករងចាំដោះស្រាយតាមច្បាប់៕

...

ដោយ៖សុខាសែនជ័យ

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print