ខេត្តពោធិ៍សាត់៖ គេនៅចាំបានក្នុងខែមីនា ឆ្នាំ ២០១៦នេះមានស្រ្តី មានស្រ្តីម្នាក់ រស់នៅភូមិព្រះអំពិល ឃុំបឹងបត់កណ្ដោល ស្រុកបាកាន បានស្លាប់ម្ដាយ រីឯកូនបានសង្រ្គោះទាន់បន្ទាប់ពីក្រុមគ្រូពេទ្យវះកាត់នៅឯភ្នំពេញ ក្រោយពីបញ្ជូនចេញពីមន្ទីរពេទ្យនៅឯខេត្តពោធិ៍សាត់ដោយមានការៈស្រដៀងគ្នាដែរនោះ ។ លុះដល់ព្រឹកថ្ងៃទី១៥ ខែមីនា អ្នកគ្រូនាយិកាសាលាបឋមសិក្សាអូរដេការ ស្ថិតក្នុងភូមិស្ទឹងថ្មី ឃុំប្រមោយ ស្រុកវាលវែង បានស្លាប់ទាំងម្ដាយទាំងកូននៅលើរថយន្តតាមផ្លូវម្នាក់ទៀត ខណៈកំពុងបញ្ជូនមកមន្ទីរពេទ្យខេត្ត ដោយមានអាការៈប្រហាក់ប្រហែលគ្នានេះដែរទៀត។
ដូច្នេះបញ្ហាខាងលើនេះគេនៅមិនទាន់ឃើញមន្រ្តីជំនាញមានវិធានការ ចុះផ្សព្វផ្សាយណែនាំអប់រំមន្ថែមដល់ប្រជាពលរដ្ឋនៅទីជនបទនៅឡើយទេថា គួរមានវិធានការយ៉ាងមេច ? ។ ការពិតចំនួន៣នាក់ហើយបានស្លាប់បាត់បង់ជីវិតយ៉ាងអាណោចអាធ័មពាក់ព័ន្ធនិងស្រ្តីមានផ្ទៃពោះមិនគ្រប់ខែបែរជាឈឺពោះសម្រាលកូន ប៉ុន្តែជួបនិងឧបស័គ្គដល់អាយុជីវិត ជាក់ស្ដែងចុងក្រោយនេះស្រ្តីម្នាក់មានអាការៈមិនស្រួលខ្កួនត្រូវបានក្រុមគ្រួសារបញ្ជូនមកមន្ទីរពេទ្យខេត្តទាំងកណ្ដាលអធ្រាត្រ ហើយបញ្ជូនបន្តទៅភ្នំពេញតែជាអកុសលបានដាច់ខ្យល់ស្លាប់នៅលើរថយន្តតាមផ្លូវនៅខេត្តកំពង់ឆ្នាំង។
ហេតុការណ៏នេះបានកើតឡើងកាលពីវេលាម៉ោង២និង៤០នាទីទៀបភ្លឺឈានចូលថ្ងៃទី១៩ ខែមិីនា ឆ្នាំ២០១៦ នៅលើរថយន្តតាមបណ្ដោយកំណាត់ផ្លូវជាតិលេខ៥ ក្នុងទឹកដីខេត្តកំពង់ឆ្នាំង។
ប្រភពពត៌មានពីអាជ្ញាធរមូលដ្ឋានបានឲ្យដឹងថាស្រ្តីរងគ្រោះស្លាប់ទាំងម្ដាយទាំងកូនត្រូវបានគេស្គាល់ឈ្មោះ នៅ ស្រីនាង អាយុ២៥ឆ្នាំ មានប្ដីឈ្មោះ ម៉ុន អែកឆៃ អាយុ២២ឆ្នាំ រស់នៅភូមិព្រែក៣ ឃុំសំរោង ស្រុកភ្នំក្រវាញ ខេត្តពោធិ៍សាត់។ ប្រភពបន្តថាមុនពេលកើតហេតុនៅវេលាម៉ោងប្រមាណជាង១១យប់ក្រុមគ្រួសារជនរងគ្រោះបានទំនាក់ទំនងទៅនគរបាលមូលដ្ឋាន ដើម្បីជួយអន្តរាគមន៍ចាត់ចែងបញ្ជូនស្រ្តីរងគ្រោះមកមន្ទីរពេទ្យបង្អែកខេត្ត ខណៈនាងមានអាការៈ ថប់ៗដង្ហើម ណែនដើមទ្រូង ក្អក ចង្អោរ ក្អួត នៅពេលបញ្ជូនមកដល់មន្ទីរពេទ្យ ក្រុមគ្រូពេទ្យបានពិនិត្យយ៉ាងយកចិត្តទុកដាក់ដែរ តែឃើញទារកនៅក្នុងផ្ទៃម្ដាយនោះស្លាប់បាត់ទៅហើយ ក៍សម្រេចបញ្ជូនបន្តក្នុងគោលបំណងទៅរាជធានីភ្នំពេញ តែជាអកុសលត្រូវបានដាច់ខ្យល់នៅតាមផ្លូវទើបនាំគ្នាដឹកវិលត្រឡប់មកលំនៅដ្ឋានវិញ ដើម្បីធ្វើបុណ្យតាមប្រពៃណី ហើយការមណភាពនេះតំណាងកាកបាទក្រហមខេត្តមន្រ្តីរាជការខេត្ត ស្រុក ឃុំ បាននាំអំណោយមួយចំនួនដើម្បីជួយរំលែកទុក្ខខ្លះៗក្នុងកម្មវិធីនេះ ដោយចូលរួមពីប្រជាជនយ៉ាងច្រើនកុះករផងដែរ។
