ភ្នំពេញ៖ កីឡាការិនី ជឺជិតស៊ូជ ម្រើសជាតិកម្ពុជា ខាន់ ចេសា នឹង ចូល រួម កម្ម វិធីដ៏ធំ នៃការប្រកួតកីឡាជឺជិតស៊ូ ដណ្ដើមខ្សែក្រវ៉ាត់ WNO Strawweight Champion អម ជា មួយ ប្រាក់ រង្វាន់ ៣ម៉ឺន ដុល្លារ នា ថ្ងៃ ទី ២៥-២៦ ខែ កញ្ញា ខាង មុខ នៅ លើ សង្វៀន “Who’s Number One ឬ នរ ណា លេខ១” នៅ ស ហ រដ្ឋ អា មេ រិក។

នេះគឺជាការប្រកួតដណ្ដើមខ្សែក្រវាត់កម្រិតពិភពលោក ដ្បិត គណៈ កម្ម ការ រៀប ចំ ការ ប្រកួត បាន សម្រិត សម្រាំង សុទ្ធ តែ ជា កី ឡា កា រិនី ជើង ខ្លាំង លំ ដាប់ ពិ ភព លោក ចូល រួម ចំ នួន ៨នាក់ លើ វិញ្ញា សា ទម្ងន់ ១១៥ផោន (ជាង ៥២គីឡូក្រាម) ក្នុងនោះក៏មាន វត្ត មាន កីឡា ការិនី កូនកាត់ ៣ សាសន៍ កម្ពុជា-ម៉ិកស៊ិក-អាមេរិក ខាន់ ចេសា ផងដែរ។

ចំពោះបេក្ខភាពប្រជែងខ្សែក្រវ៉ាត់ WNO Strawweight Champion ខាង លើ រួមមាន៖

១-កីឡការិនីប្រេស៊ីល Mayssa Bastos ដែលជាកីឡាការិនីលេខ១ ពិ ភព លោក ប្រ ភេទទម្ងន់ Strawweight។ ជើងខ្លាំងរូបនេះ ធ្លាប់យកឈ្នះ ខាន់ ចេសា ២ ដង រួច មក ហើយ កាលពីដើមខែមេសា និង ពាក់ កណ្ដាល ខែ ឧសភា កន្លង ទៅ (នេះបើយោងតាមរបាយការណ៍ WNO)។

២- កីឡាការិនីចិន Grace Gundrum ដែលឈរលេខរៀងទី២ កម្រិតពិភពលោក បន្ទាប់ ពី Mayssa Bastos។ នាងក៏ធ្លាប់ត្រូវបានផ្គូរផ្គងឲ្យជួប ខាន់ ចេសា លើ សង្វៀន WNO ដែរ កាលពីចុងខែមេសា តែត្រូវបានខកខានទៅវិញ បន្ទាប់ពី ចេសា ដកខ្លួន ព្រោះបញ្ហារបួស។

៣- ម្ចាស់មេដាយមាសកីឡាអាស៊ី ឆ្នាំ២០១៨ និងមេដាយមាស ស៊ី ហ្គេម ឆ្នាំ ២០១៩ ខាន់ ចេសា ដែលឈរចំណាត់ថ្នាក់លេខ៣ ពិភព លោក ប្រ ភេទ ទម្ងន់ Strawweight។

៤- កីឡាការិនីអាមេរិក Daniele Kelly ដែលមានចំណាត់ថ្នាក់លេខ៦ លើ លោក ប្រភេទទម្ងន់ Strawweight ប៉ុន្ដែនាងធ្លាប់ចាញ់ ខាន់ ចេសា ម្ដង រួច មក ហើយ កាលពីចុងខែកុម្ភៈកន្លងទៅ។

៥- កីឡាការិនីអាមេរិក Amanda “Tubby” Alequin ឈរ ចំ ណាត់ ថ្នាក់ លេខ៣ លើលោកប្រភេទទម្ងន់ Flyweigh។

៦-កីឡាការិនីអាមេរិក Jessica Crane ឈរចំណាត់ថ្នាក់លេខ៧ លើ លោក ប្រភេទទម្ងន់ Strawweight។

៧-កីឡាការិនីអាមេរិក Alex Nguye ឈរចំណាត់ថ្នាក់លេខ៩ លើ លោក ប្រភេទទម្ងន់ Strawweight និងទី៨ គឺកីឡាការិនី Tammi Musumeci របស់សហរដ្ឋអាមេរិកដូចគ្នា។

តាមការបញ្ជាក់របស់គណៈកម្មការរៀបចំការប្រកួត នេះ គឺជា ការ ប្រកួត ប្រ ភេទ ទម្ងន់ ស្រាល ដ៏ធំប្រចាំឆ្នាំ ដែល ពោរពេញ ដោយ ការ ចាប់ អារម្មណ៍ ព្រោះបេក្ខភាពចូលរួម សុទ្ធតែជាកីឡាការិនីជើងខ្លាំង ដែល ពួក គេ នឹងត្រូវធ្វើការប្រកួតប្រជែងរយៈពេល ២ថ្ងៃ ដើម្បីស្វែងរក ជើង ខ្លាំង កីឡាការិនីជឺជិតស៊ូប្រភេទទម្ងន់ ១១៥ផោន នឹងបេក្ខភាពម្ចាស់ខ្សែក្រវ៉ាត់ WNO Strawweight Champion អមនូវប្រាក់រង្វាន់ ៣ម៉ឺនដុល្លារ៕

ដោយ, សិលា