ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ពិតជាគិតដល់ប្រជាជនគ្រប់ស្រទាប់វណ្ណៈ ជាក់ស្តែងចំពោះករណីអគ្គីភ័យឆាបឆេះផ្សារក្រុងស្ទឹងត្រែងសម្តេចអាណិតដ៏ពន់ពេកចំពោះប្រជាជនរងគ្រោះខាតបង់ ក្នុងនោះសម្តេចប្រហែលទទួលទានដំណេកមិនលក់ ហើយសម្តេចបានមានប្រសាសន៍ទាំងព្រលឹមអុរព្រឹកថ្ងៃទី៩ ខែមេសា ឆ្នាំ២០១៦នេះថាៈ បងប្អូនដែលរងគ្រោះដោយសារភ្លើងឆេះផ្សារនៅខេត្តស្ទឹងត្រែងជាទីស្រឡាញ់។ ខ្ញុំសូមចូលរួមចែករំលែកនូវការលំបាក ដែលបងប្អូនបានជួបប្រទះ។
សម្តេចបានបន្តថាៈ ករណីនេះខ្ញុំបានបញ្ជាឱ្យអភិបាលខេត្តធ្វើការរៀបចំសម្រួលការងារសំរាប់បងប្អូនក្នុងដំណាក់ការដំបូង។ មិនត្រឹមប៉ុណ្ណោះនៅវេលាម៉ោង៥ ក្បែរភ្លឺនេះ ខ្ញុំបានបញ្ជាទៅនាយឧត្តមសេនីយ ខ្វាន់ ស៊ាម អគ្គបញ្ជាការរងកងទ័ព និងជាមេបញ្ជាការកងវិស្វកម្មបញ្ជូនកម្លាំងចុះសិក្សាសំរាប់សាងសង់ឡើងវិញ។
ខ្ញុំធានាចំពោះបងប្អូនថា ខ្ញុំនិងចលនាគ្នាដើម្បីកសាងផ្សារនេះឡើងវិញជូនបងប្អូនដោយកងវិស្វកម្មកងទ័ពនៅក្នុងពេលឆាប់បំផុត។ នេះជាការដូថ្មីមួយទៀតហើយដែលសម្តេចតេជោ ហ៊ុន សែន សង់ផ្សារជូនបងប្អូនអាជីវករខេត្តស្ទឹងត្រែង៕
ដោយ៖ សុខ ខេមរា
