ភ្នំពេញ៖ បុរសជាជនជាតិចិនម្នាក់បានស្លាប់ភ្លាមៗនៅកន្លែងកើតហេតុខណះកំពុងដើរតាមដងផ្លូវហើយត្រូវយុវជនម្នាក់ជិះម៉ូតូក្នុងល្បឿនលឿនជ្រុលបុកពេញទំហឹង កាលពីវេលាម៉ោង១០និង២០នាទីយប់ ថ្ងៃទី៨ខែមេសាឆ្នាំ២០១៦ នៅចំណុចមុខផ្ទះសំណាក់ម៉េងហុងសែនមនោរម្យ តាមបណ្តោយផ្លូវបេតុង ស្ថិតក្នុងសង្កាត់កន្ទោក ខណ្ឌពោធិ៍សែន។ជនរងគ្រោះត្រូវបានគេស្គាល់ឈ្មោះឡៅទិន ភេទប្រុសអាយុជាង៣០ឆ្នាំ ។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញជនរងគ្រោះដើរតាមបណ្តោយផ្លូវបេតុងក្នុងទិសដៅពីត្បូងទៅជើងខណះមកដល់ចំណុចកើតហេតុស្រាប់តែមានម៉ូតូមួគ្រឿងម៉ាកzoommer x ពណ៌ខ្មៅពាក់ស្លាកលេខភ្នំពេញ1FO 9464 ជិះអោយយុវជនម្នាក់ធ្វើំណើរបញ្ច្រាស់ទិសគ្នាក្នុងល្បឿនលឿនហើយបានគេចពីម៉ូតូមួយគ្រឿងទៀតក៏ជ្រុលបុកបុរសជនជាតិចិនបណ្តាលអោយដួលបោកក្បាលស្លាប់ភ្លាមនៅកន្លែងកើតហេតុចំណែកអ្នកជិះម៉ូតូរងរបួសស្រាល។
សាក្សីដដែលបានបន្តថា បន្ទាប់បង្កគ្រោះថ្នាក់ចរាចរណ៍បណ្តាលអោយមនុស្សស្លាប់រួចមក បុរសម្ចាស់ម៉ូតូក៏ទុកម៉ូតូចោលហើយរត់គេចខ្លួនបាត់ស្រមោល។
ក្រោយពេលកើតហេតុសពត្រូវបានសាច់ញាតិយកទៅតម្កល់ទុកនៅមន្ទីរពេទ្យកាល់ម៉ែត្ររងចាំបងប្អូនពីប្រទេសចិនមកទទួលធ្វើបុណ្យតាមប្រពៃណី ចំណែកម៉ូតូសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរងចាំដោះស្រាយពេលក្រោយ៕
ដោយ៖ សុខាសែនជ័យ
