Man Utd ទាក់ទងលោក Ernesto Valverde ជុំវិញតួនាទីជាអ្នកចាត់ការបណ្តោះអាសន្ន

ចែករំលែក៖

ក្លិបបិសាក្រហម Manchester United បានទាក់ទងអតីតគ្រូបង្វឹក Barcelona លោក Ernesto Valverde អំពីតួនាទីជាអ្នកចាត់ការបណ្តោះអាសន្នរបស់ក្លិបនេះ ក្រោយពីក្លិបនេះបានបញ្ចប់តួនាទីគ្រូបង្វឹកចាស់លោក Ole Gunnar Solskjaer ។

លោក Valverde មានវ័យ៥៧ឆ្នាំគឺជាបេក្ខជនដ៏មានសក្តានុពលមួយរូបដែលទទួលបន្ទុករហូតដល់ចុងបញ្ចប់នៃរដូវកាលនេះ មុនពេល ManUnited ជួលជាអ្នកចាត់ការអចិន្ត្រៃយ៍ ដើម្បីផ្តោតលើគ្រូបង្វឹកបណ្ដោះអាសន្នរបស់ក្លិបក្រោយពីក្រុមបិសាចក្រហមបានកក់កៅអីទៅកាន់វគ្គ១៦ក្រុមចុងក្រោយក្របខ័ណ្ឌ Champions League រដូវកាលនេះ។

ក្លិបមានអារម្មណ៍ថា ការជ្រើសរើសគ្រូបង្វឹកក្រុម Paris St-Germainលោក Mauricio Pochettino ភ្លាមៗប្រហែលជាមិនសូវបានផលដូចអ្វីដែលបានលើកឡើងនោះទេ។

លោក Pochettino អតីតអ្នកចាត់ការទូទៅរបស់ក្រុម Tottenham បាននិយាយកាលពីថ្ងៃអង្គារថា គាត់រីករាយនៅ PSG ហើយថាគាត់នឹងមិនមានការរំខានដោយការភ្ជាប់ទំនាក់ទំនងទៅនឹងការងាររបស់ក្លិប Man United នោះទេ។

លោក Valverde គឺជាមនុស្សស័ក្តិសមជាគំរូរបស់គ្រូបង្វឹកដែលមានបទពិសោធន៍ ដែលប្រហែលជាមិនរំពឹងថា នឹងទទួលបានការងារជាអចិន្ត្រៃយ៍បន្ទាប់ពីការជាប់ជាអ្នកគ្រប់គ្រងបណ្តោះអាសន្ន។ តួនាទីជាអ្នកចាត់ការចុងក្រោយរបស់បុរសសញ្ជាតិអេស្ប៉ាញគឺពេលនៅជាមួយក្រុម Barcelona ដែលគាត់បានដឹកនាំឱ្យឈ្នះពានរង្វាន់ La Ligaជាប់ៗគ្នា និង Copa del Rey ឆ្នាំ២០១៨មុនពេលត្រូវបានបណ្តេញចេញនៅខែមករា ឆ្នាំ២០២០ ។

គាត់ក៏បានជួយឲ្យក្រុមឈ្នះពានរង្វាន់ក្រិចចំនួន៣ដងជាមួយក្រុមOlympiakos និងបានទទួលជោគជ័យក្នុងការដឹកនាំក្រុមក្រុម Espanyol, Valencia និង Athletic Bilbao ដែលគាត់បានគ្រប់គ្រងច្រើនជាង៣០០ប្រកួតផងដែរ។

ក្លិបបិសាចក្រហមមានអារម្មណ៍ថា ជាអ្នកចាត់ការបណ្ដោះអាសន្នដែលមានបទពិសោធន៍ ដែលទំនងជាធ្វើការជាមួយគ្រូបង្វឹកបច្ចុប្បន្នរួមទាំងលោក Michael Carrick ដែលបានចូលកាន់តំណែងសម្រាប់ជ័យជម្នះ Champions League កាលពីថ្ងៃអង្គារទល់នឹង Villarreal នឹងនាំមកនូវស្ថេរភាព និងកន្លែងជាគ្រូបង្វឹកពេញសិទ្ធិអំពីស្ថានភាពអ្នកគ្រប់គ្រងបច្ចុប្បន្ន ៕

...

ដោយ៖ ភារៈ(រូបភាព ៖ BBC Sport)

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print