ភ្នំពេញ៖ អាជ្ញាធរខណ្ឌទួលគោក ដឹកនាំដោយគណៈបញ្ជាការឯកភាព ចុះបង្ក្រាបទីតាំងហ្គេមបាញ់ត្រីមួយកន្លែងក្នុងមូលដ្ឋានសង្កាត់ផ្សារដើមគរ ដែលលួចបង្កប់យូរហើយជាលទ្ធផលសមត្ថកិច្ចដកហូតវត្ថុតាងជាក់ស្តែងមានទូរហ្គេមបាញ់ត្រីចំនួន២ទូរ និងទូរហ្គេបៀរខូចចំនួន៧ទូរ ដោយឃាត់ខ្លួនមនុស្សប្រុសស្រី២នាក់មកអប់រំធ្វើកិច្ចសន្យាផងដែរ ។
ករណីចុះប្រតិបត្តិការនេះ បានធ្វើឡើងនៅវេលាម៉ោង១២នឹង៣០នាទីថ្ងៃទី២០ ខែមេសាឆ្នាំ២០១៦ នៅចំណុចផ្ទះលេខ១០BEoផ្លូវលេខ៣៣៦សង្កាត់ផ្សារដើមគរ ខណ្ឌទួលគោក រាជធានីភ្នំពេញ ។
តាមប្រភពព័ត៍មានពី លោក សាំង សុភៈវិចត្រអភិបាលរងខណ្ឌទួលគោក បានឲ្យដឹងថា បន្ទាប់ពីលោកឯក ឃុនឌឿន អភិបាលនៃគណះអភិបាលខណ្ឌទួលគោក បានដាក់បទបញ្ជាឲ្យបង្ក្រាបល្បែងហ្គេមសីុសងទាំងអស់ក្នុងមូលដ្ឋានខណ្ឌទួលគោក ដេីម្បីទប់ស្កាត់បទល្មើស និងភូមិ ឃុំ មានសុវត្តិភាព ទើបលោកបានដឹកនាំកម្លាំងចុះសើុបអង្កេតដឹងថាមានទូរហ្គេមបាញ់ត្រីជាច្រើនទូរដែលបើកលេងដោយមិនខ្លាចញញ្ញើតសមត្ថកិច្ច ទើបលោកដឹកនាំ កម្លាំងគណៈបញ្ជាការឯកភាពខណ្ឌ ចុះបង្ក្រាបទីតាំងហ្គេមបាញ់ត្រី ចុះមកត្រួតពិនិត្យមើលជាក់ស្តែង ដោយដកហូតវត្ថុងតាងមាន ទូរហ្គេមបាញ់ត្រីចំនួន១ទូរ និងទូរហ្គេបៀរខូចចំនួន៧ទូរ រួមនិងមេការប្រុសស្រី២នាក់ យកមកសាលាខណ្ឌទួលគោក ដើម្បីធ្វើការអប់រំនិងធ្វើកច្ចិសន្យាឲ្យឈប់បើកល្បែងតទៅទៀត ហើយទីតាំងខាងលើនេះត្រូវបានអាជ្ញាធរចាក់សោរបិទទ្វារផងដែរ ។
ក្រោយប្រតិបត្តិការវត្ថុតាងដែលដកហូតបាននោះ ត្រូវសមត្ថកិច្ចនាំយកមកសាកសួរនៅសាលាខណ្ឌទួលគោក រងចាំធ្វើពិធីវាយកំទ្ទេចតាមក្រោយទៀត ៕
ស ដារ៉ា
