ភ្នំពេញ៖ នារីម្នាក់បើករថយន្ដឡិចសីុសRX330ឆ្លងផ្លូវមិនប្រយ័ត្នជ្រុលទៅបុកម៉ូតូSTRពេញទំហឹងបណ្ដាលអោយម៉ូតូគៀបជាប់ក្រោមរថយន្ដនិងម្ចាស់ម៉ូតូរងរបួសស្រាល។

ហេតុការណ៍​គ្រោះថ្នាក់ចរាចរណ៍នេះបានកើតឡើងនៅវេលាម៉ោង០១និង៣៥នាទីរំលងអាធ្រាតឈានចូលថ្ងៃទី២៧​ ខែមេសា​ ឆ្នាំ២០១៦​ នៅចំណុចជិតនឹងផែថ្ម​ តាមបណ្ដោយវិថីព្រះសីុសុវត្តិ​ ស្ថិតក្នុងសង្កាត់​ ស្រះចក​ ខណ្ឌដូនពេញ​ រាជធានីភ្នំពេញ​។ ​

ប្រភពព័ត៌មានពីកន្លែងកើតហេតុបានអោយដឹងថា​ នៅមុនពេលកើតហេតុគេបានឃើញបុរសម្នាក់ជិះម៉ូតូម៉ាក​ STR​ពណ៍ក្រហម​ ពាក់ស្លាកលេខ​ ភ្នំពេញ1AX 0251​ ធ្វើដំណើរតាមបណ្ដោយវិថីព្រះសីុសុវត្ថិទិសដៅពីជើងទៅត្បូងពេលមកដល់ចំណុចកើតហេតុមានរថយន្ដឡិចសីុសRX330 ពណ៍សរ​ ពាក់ស្លាកលេខ​ ភ្នំពេញ​2Y 4359 បើកបរដោយនារីម្នាក់ក្នុងទិសដៅបញ្ច្រាស់ទិសគ្នាហើយបានឆ្លងផ្លូវមិនប្រយ័ត្នក៏ជ្រុលទៅបុកម៉ូតូពេញទំហឹងបណ្ដាលអោយម៉ូតូគៀបជាប់ក្រោមរថយន្ដ សំណាងល្អម្ចាស់ម៉ូតូរងរបួសស្រាល។ ​

ក្រោយពីកើតហេតុភាគីទាំងសងខាងបានធ្វើការសម្របសម្រួលគ្នាដោយភាគីខាងរថយន្ដព្រមសងថ្លៃការខូចខាតនិងព្យាបាលរបួសចំនួន150$ដើម្បីបញ្ចប់រឿងនៅកន្លែងកើតហេតុតែម្ដងហើយម៉្យាងវិញទៀតដោយភាគីរថយន្តដឹងអំពីកំហុសរបស់ខ្លួនដោយមានបញ្ហាវែងឆ្ងាយនិងមិនចង់រំខានដល់សមត្ថកិច្ចផងដែរ៕

ដោយ៖ ព្រែកជ័យ