ភ្នំពេញ៖ រថយន្តកាមរីបាឡែនមួយគ្រឿងបានបើកបរក្នុងល្បឿនយ៉ាងលឿន ហើយទំនងជាម្ចាស់រថយន្តបង្កស្រវឹងស្រាផងនោះ ក៏រេចង្កូតជ្រុលទៅបុករបាំងថ្មពុះចែកទ្រូងផ្លូវបណ្ដាលឲ្យបាក់បែកអស់ចំនួន៤កង់ ហើយរថយន្តបានដាច់កាឡែរកង់មុខផ្នែកខាងស្ដាំទៅមុខលេងរួច។

ហេតុការណ៍នេះដែរ បានកើតឡើងកាលពីវេលាម៉ោង៩នឹង១៥នាទីយប់ថ្ងៃទី២៨ ខែមេសា ឆ្នាំ២០១៦ នៅចំណុចមុខក្រុមហ៊ុនស្មាត តាមបណ្តោយផ្លូវព្រះមុន្នីវង្ស ស្ថិតក្នុងសង្កាត់បឹងត្របែក ខណ្ឌចំការមន ។

យោងតាមប្រភពព័ត៌មានពីប្រជាពលរដ្ឋដែលឃើញហេតុការណ៍ខាងលើនេះបានឲ្យដឹងថា នៅមុនពេលកើតហេតុគេបានឃើញរថយន្តបង្កម៉ាក កាមេរីបាឡែន ពណ៍ស្ករ ពាកស្លាកលេខ ភ្នំពេញ 1V-0108 បានបើកបរដោយបុរសម្នាក់ទំនងជាស្រវឹងស្រាបានបើកតាមបណ្តោយផ្លូវព្រះមុន្នីវង្ស ទិសដៅពីត្បូងទៅជើង ពេលមកដល់ចំណុចកើតហេតុបានរេចង្កុតជ្រុលបុករបាំងថ្មពុះចែកទ្រូងផ្លូវបណ្ដាលឲ្យបាក់បែកអស់ចំនួន៤កង់តែម្ដង ចំណែកឯរថយន្តបង្កបានដាច់កាឡេកង់មុខផ្នែកខាងស្ដាំទៅលែងរួច ដោយឡែកអ្នកបើករថយន្តបង្ក ក្រោយពីបង្កហេតុរួច បានគេចខ្លួនបាត់ស្រមោល ។

ក្រោយមកសមត្ថកិច្ចជំនាញបានចុះធ្វើការវាស់វែង និងយករថយន្តបង្កនោះទៅរក្សាទុកនៅការិយាល័យនគរបាលចរាចរណ៍ ផ្លូវគោករាជធានីភ្នំពេញ រង់ចាំដោះស្រាយនៅពេលក្រោយ ៕

ដោយ៖ ជីម ភារ៉ា ដង្កោ