ភ្នំពេញ៖ ជនសង្ស័យម្នាក់រួមជាមួយថ្នាំញៀន១កញ្ចប់តូចត្រូវកម្លាំងនគរបាលព្រហ្មទណ្ឌខណ្ឌ៧មករាឃាត់ខ្លួន កាលពីវេលាម៉ោង១ និង២០នាទីរំលងអាធ្រាតឈានចូលថ្ងៃទី២ ខែឧសភា ឆ្នាំ២០១៦ នៅចំណុចមុខផ្ទះសំណាក់ណៃ នៅតាមបណ្ដោយផ្លូវ១០៧ ក្នុងបឹងព្រលឹត ខណ្ឌ៧មករា រាជធានីភ្នំពេញ។
ជនសង្ស័យមានឈ្មោះ ជា ទូ ភេទប្រុស អាយុ ៣១ឆ្នាំ ស្នាក់ផ្ទះលេខ១៣E3 ផ្លូវ១៨២ ភូមិ៧ សង្កាត់អូរឬស្សី៤ ខណ្ឌ៧មករា និងមុខរបរមិនពិតប្រាកដ។
បើតាមសម្ដីពីសមត្ថកិច្ចបានប្រាប់ឲ្យដឹងថា មុនពេលកើតហេតុកម្លាំងនគរបាលព្រហ្មទណ្ឌខណ្ឌ៧មករាកំពុងល្បាតក្នុងមូលដ្នាន ក៏មកដល់ចំណុចខាងលើក៏ប្រទះឃើញជនសង្ស័យម្នាក់ជិះម៉ូតូ១គ្រឿងម៉ាកគុបមូល ពណ៌ស្លែ ពាក់ស្លាកលេខ ភព ក ៧១៨១ ដោយមានការសង្ស័យក៏ត្រូវកម្លាំងសមត្ថកិច្ចក៏បានធ្វើការឃាត់ខ្លួនត្រួតពិនិត្យនិងរកឃើញមានថ្នាំញៀនចំនួន១កញ្ចប់។
បច្ចប្បន្នជនសង្ស័យត្រូវបាននគរបាលបុ៉ស្តិ៍ផ្សារបឹងព្រលិតនាំទៅអធិការខណ្ឌ៧មករាដើម្បីកសាងសំណុំរឿង ដើម្បីចាក់ការតាមផ្លូវច្បាប់៕
ដោយ៖ ស រស្មី
